o C     13. 12. 2019   : :

ԿԱՐՃ ԼՈՒՐԵՐ

«Չի բացառվում, որ վաղը բակային ընկերությունն էլ դիտարկեն որպես քրեական ենթամշակույթ»

20.11.2019 21:00 ՕՐՎԱ ՊԱՏԿԵՐ ՔԱՂԱՔԱԿԱՆ ՀԱՆԴԻՊՈՒՄ
«Չի բացառվում, որ վաղը բակային ընկերությունն էլ դիտարկեն որպես քրեական ենթամշակույթ»

Ազգային ժողովը երեկ քննարկեց եւ առաջին ընթերցմամբ ընդունեց կառավարության հեղինակած «ՀՀ քրեական օրենսգրքում փոփոխություններ եւ լրացումներ կատարելու մասին» օրինագծերի փաթեթը, որն առավել հայտնի է «օրենքով գողերին» առնչվող նախագիծ անունով: ՀՀ արդարադատության նախարար Ռուստամ Բադասյանը նշեց, որ այս նախագծով առաջարկվում է սահմանել քրեական պատասխանատվություն քրեական աստիճանակարգության բարձրագույն կարգավիճակ տալու կամ ստանալու կամ պահպանելու, քրեական ենթամշակույթ կրող խմբավորում ստեղծելու կամ ղեկավարելու, մասնակցելու, ներգրավելու, քրեական ենթամշակույթ կրող խմբավորման մասնակցին կամ քրեական աստիճանակարգության բարձրագույն կարգավիճակ ունեցող անձին դիմելու համար: Օրենքի նախագծին դեմ էր միայն «Բարգավաճ Հայաստան» խմբակցությունը, իսկ «Լուսավոր Հայաստանը» մնաց ձեռնպահ: Այս մասին «Իրավունքը» զրուցեց ԱԺ ԲՀԿ խմբակցության պատգամավոր ԱՐՏՅՈՄ ԾԱՌՈՒԿՅԱՆԻ հետ:

Արա Բաբլոյանի և Արսեն Բաբայանի վերաբերյալ քրեական գործի նախաքննությունն ավարտվել է

«ԵՐԲԵՔ ՉԵՆՔ ԽՐԱԽՈՒՍԵԼ ՀԱՆՑԱԳՈՐԾՈՒԹՅՈՒՆԸ, ՉԵՆՔ ԷԼ ՊԱՏՐԱՍՏՎՈՒՄ»

Պարոն Ծառուկյան, օրինագծի քննարկումից այնպիսի տպավորություն էր, թե իշխող մեծամասնությունը փորձում է ԲՀԿ-ին մեղադրել քրական մշակույթին սատարելու մեջ: Կհստակեցնե՞ք` ԲՀԿ-ն ինչի՞ն է դեմ:

Անկեղծ ասած, չեմ նկատել որեւէ մեկի ելույթի մեջ, որ այդպիսի կարծիք հայտնեն: Նախապես էլ ասացինք, որ ընդհանուր խնդիրը բոլորի համար պարզ եւ հասկանալի է: Այստեղ ինձ համար առաջնայինն այն է, որ եթե օրենք է, ուրեմն` առանց տարբեր մեկնաբանությունների, պետք է հստակ լինի, թե ի՞նչ արարքի համար, ի՞նչ պատիժ է նախատեսվում: Եվ չպետք է քննչական մարմնին տրվի գործառույթ, որ ինքը որոշի` A մարդուն ենթարկել այդ հոդվածով պատասխանատվության, B մարդուն` չենթարկել: Այսօր «Իմ քայլն» է իշխանություն, վաղը հնարավոր է ուրիշ քաղաքական ուժ լինի, մենք չպետք է շարժվենք այն կանխավարկածով, որ այսօր «Իմ քայլի» վստահության աստիճանը բարձր է, ուրեմն` նորմալ է, ամեն ինչ կարվի օրենքի տառին համապատասխան: Իսկ եթե վաղը ուրիշ քաղաքական ուժ լինի իշխանության, ի՞նչ ձեւով է այս օրենքը օգտագործվելու: Կօգտագործվի՞ այն, որպես գործիք, թե` ոչ: Հասկանում եք, թե ինչ նկատի ունեմ...

«Հիմա պատասխանում եմ բոլոր նրանց, ովքեր ասում են՝ էս ո՞նց եղավ, էս ո՞վ բերեց Նիկոլին»

Ի վերջո, ի՞նչ չափանիշներով է քննչական մարմինը որոշելու, թե ով է հարում քրեական ենթամշակույթին, այսպես ասած, ո՞վ է գողական կյանքով ապրում, անդամակցում նման խմբի, եւ ո՞ւմ պետք է պատասպանատվության ենթարկել:

Երբ խոսքը բարձրագույն կարգավիճակին (նկատի ունի գողական աշխարհում, - հեղինակ) է վերաբերում, բոլորս Հայաստանում ենք ապրում, հասկանում ենք` ում մասին է: Բայց այստեղ ավելի մեծ խնդիր եմ տեսնում` մասնակիցների, այդ խմբավորմանը կամ բարձրագույն կարգավիճակ ունեցող անձին դիմելու մասով: Այսինքն` մարդը, որը հանցանք չի կատարել, հնարավոր է վաղը իրեն ասեն` դու հարում ես այսինչ մշակույթին, եւ քրեական պատասխանատվության ենթարկեն: Ավելի մասնավոր օրինակով դիտարկենք. երբ մարդն ունենա անմիջական բարեկամ, որն այդ կարգավիճակն ունի, այդ դեպքում ինչպե՞ս են իրենց շփումները լինելու: Ամենակարեւորն այն է, որ մենք երբեք չենք խրախուսել հանցագործությունը, չենք էլ պատրաստվում: Այո՛, հանցագործը պետք է պատժվի, հասարակությունից մեկուսացվի եւ, ըստ իր կատարած հանցագործության, համաչափ պատասխանատվության ենթարկվի` անկախ նրանից, թե ով է այդ մարդը, ինչ պաշտոն է զբաղեցնում կամ չի զբաղեցնում: Այստեղ երկրորդ կարծիք չկա: Մեր մտահոգությունն այլ ուղղությամբ է: Եթե այդ ձեւակերպումների մեջ չենք հասկանում` ում մասին է խոսքը, այդ հզոր գործիքը ինչո՞ւ ենք տալիս քննչականին: Երբ խոսում ենք այն մասին, որ մատաղ սերունդը, երիտասարդները պետք է, կոպիտ ասած, դրանով չգայթակղվեն, ուրեմն` պետք է ճիշտ այդ ամենը մատուցել: Եթե ուզում ենք առկա խնդիրները կարգավորել, պետք է սկսել հեռուստատեսությունից, այդ սերիալ կոչվածները մաքրել:

«ԵԽԽՎ-ն Հայաստանին կոչ է անում պաշտպանել ԼԳԲՏ անձանց կամ «բուդ-բլինչիկ-բրդուջ» օպերացիա»

«ՀԱՄԱՁԱՅՆ ՉԵՄ, ՈՐ ԱՅՍՕՐՎԱ ՀԵՐՈՍԸ ՄԵԼ ԴԱԼՈՒԶՅԱՆՆ Է»

– «Իմ քայլը» խմբակցության պատգամավոր Նազելի Բաղդասարյանը հուզիչ տեքստ էր պատրաստել` ասելով, թե ծնվել եւ մեծացել է մի քաղաքում, որտեղ քրեական հեղինակություններն ապօրինություններ, սպանություններ եւ հանցագործություններ են կատարել տարիներ շարունակ£  Ապա հավելեց. «Որոշ պատգամավորներ փորձում են հովանավորել այս երեւույթը, կանխել պայքարը, սակայն քրեական ենթամշակույթը պետք է քրեորեն պատժելի լինի, հետքայլ չի լինելու»: Ի՞նչ կասեք այս մասին:

Առուն չթռած` հոպ ասողը

Նա ինչ-որ ակնարկներ էր անում բացակա պատգամավորների, ընտրություններին քրեական աշխարհի մասնակցության վերաբերյալ: Բայց եթե ուզում ենք այդքան լավ օրինակներ բերել, խորհուրդ կտամ ավելի թարմ օրինակ վերցնել: Թող լսեն, թե ինչ է ասում իր հարցազրույցում Պետական վերահսկողության ծառայության լիազորություները դադարեցրած անձը` այն մարդը, որը հեղափոխության ջատագովներից էր, ակտիվ մասնակիցներից էր եւ մեծագույն լումա ունի հեղափոխության կայացման գործում: Թող լսեն, թե վերջին խորհրդարանական ընտրությունների մասով պարոն Դավիթ Սանասարյանը ինչ կարծիք է հայտնում նույն «Իմ քայլի» պատգամավորի կողմից քրեական աշխարհի աջակցությունը ստանալու վերաբերյալ: Այնպես որ, այս օրենքի շրջանակներում խնդիրը պետք է այն չլինի, որ մեկս մյուսին ինչ-որ մի բանում փորձենք մեղադրել, փնովել, վատաբանել: Մեր խնդիրը սա չէ: Մենք ուզում ենք, որ ցանկացած լուծում լինի արդարացի, ճիշտ: Եվ էլի եմ ասում` ես դեմ եմ, որ քննչական մարմնին տրվի այդ գործառույթը, եւ նա որոշի` այս անձնավորությունը հանդիսանում է քրեական ենթամշակույթ կրող, խմբավորման անդամ կամ մասնակից եւ քրեական պատասխանատվության ենթարկի մեկին, մյուսին` ոչ: Այստեղ այդ հավասարությունը պետք է լինի, չէ որ հենց հեղափոխության արժեքներից մեկն այն էր, որ ՀՀ բոլոր քաղաքացիները օրենքի առաջ հավասար են:

«ՍԴ-ի հանդեպ տոտալ հարձակումային քաղաքականությունը շարունակվում է»

ԱԺ ամբիոնից իշխող խմբակցության պատգամավորներից ոմանք պաթոսով նշում էին, թե նույնիսկ դարեր շարունակ քրեական հեղինակություններն էին հերոս, հիմա այս օրինագծով ամեն ինչ փոխվելու է: Փաստորեն, մի ծայրահեղությունից հայտնվելու ենք մյուս ծայրահեղության մե՞ջ` հաշվի առնելով, որ այսօրվա իրենց հերոսն էլ սեռափոխված Մել Դալուզյանն է:

Համաձայն չեմ, որ այսօրվա հերոսը Մել Դալուզյանն է: Ինձ համար այսօրվա հերոսը Մելինե կամ Մել Դալուզյանը չէ, չգիտեմ` հիմա ինչպես է իրական անունը: Մենք ունենք բազմաթիվ այլ մարզիկներ, որոնց սպորտային բնագավառում կատարած հերոսությանը նայենք, ապա, իսկապես, հերոսներ են, որոնք նույնպես բարձրագույն աստիճանների են հասել միջազգային հարթակներում: Իհարկե, այն մարդը, որը գիտական ուղղվածության մեջ է հաջողության հասել ու Հայաստանի անունը բարձր է պահել, նա էլ է: Եթե ՀՀ ներկայացուցիչներ են եւ Հայաստանի պատիվը բարձր պահողներ են, կլինի գիտնական, սպորտի ներկայացուցիչ, ծառայող, թե` աշակերտ, էական չէ, բոլորիս համար կարեւորն այն է, որ մեր երկրի վարկանիշը բարձր լինի, որովհետեւ սա մեր տունն է:

Իսկ ո՞ւր է «երջանիկ անհատը, հոգատար հանրությունը, հզոր պետությունը»

«ՏՆՏԵՍԱԿԱՆ ՀԵՂԱՓՈԽՈՒԹՅԱՆ ՄԱՍԻՆ ՄԻԱՅՆ ԽՈՍՎՈՒՄ Է»

Ի դեպ, քննարկման ժամանակ անդրադարձ եղավ նաեւ ուսանողության շրջանում հնարավոր կռիվներին, վեճերին: Այսինքն` սա է՞լ է դիտարկվում քրեական ենթամշակույթ, ինչի համար կարող են պատասխանատվության ենթարկվել:

Եթե հիմա այդ թեման ենք շոշափում, նշանակում է` ես ճիշտ եմ իմ հարցադրման մեջ. վաղը չի բացառվում, որ բակային ընկերությունն էլ դիտարկեն որպես քրեական ենթամշակույթ: Սա մոտավորապես նշանակում է, որ այսօր կալանավորներին պահելու համար նախատեսված վայրերը, առնվազն 50 անգամ պետք է ավելացնել: Այսինքն` սկսած իմ ապրելու վայրից` Նոր Նորքից, ընդլայնվելով ողջ Երեւանով, հարակից մարզերով, ամբողջ հանրապետությունով, փաստորեն, ահագին հանցագործներ ունենք, որոնք առաջիկայում պետք է պատասխանատվությա՞ն ենթարկվեն:

«Շշի Մելոյի» մահափորձի պատվիրատուի հետքերը տանում են քրեական աշխարհ. «Իրավունք»

Օրինակ, թզբեհ պտտելը կարո՞ղ է քրեական ենթամշակույթ համարվել, վաղն էլ քրեական հոդված դառնալ...

Ի դեպ, ինձ հետ այսօր թզբեհ էի բերել խորհրդարան, որ հարցնեի: Տաքսի ծառայությունների, մեքենաների հայելիներից հաճախակի կլինեք նկատած, որ թզբեհ է կախված, որը, կարծում եմ, մենթալիտետի խնդիր է: Ես ավելի կողմնակից եմ, որ մի քիչ մշակութային հեղափոխություն մեզ մոտ լինի, ախր, այստեղ մեկնաբանելու բան էլ չկա: Խնդիրը հենց կրթության, հեռուստացույցով մեզ մատուցվողի մեջ է:

Նախկին պատգամավորի դեմ իրականացված մահափորձի պատվիրատուի հետքերը տանում են դեպի քրեական աշխարհի ներկայացուցիչներ.«Իրավունք»

ՀՀ ԱԺ գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի նախագահ Մխիթար Հայրապետյանն ասաց, որ «նախորդ տարվա թավշյա հեղափոխությունը հող է նախապատրաստել տնտեսական, մշակութային եւ արժեքների  հեղափոխության համար»: Եվ նա այս նախագիծը դիտարկում է հենց այդ համատեքստում: Ո՞րն էր մշակութային հեղափոխությունը, մշակույթի նախարարությունը փակե՞լը:

Կարծում եմ` այդ հարցին ավելի ճիշտ կլինի հենց ինքը պատասխանի: Ես տնտեսական հարցերի մշտական հանձնաժողովից եմ, եւ պարբերաբար, խոսվում է տնտեսական հեղափոխության մասին: Այո, ճիշտ լսեցիք, միայն խոսվում է:

​​​​​​​«Արցախը մեր խիղճն է, Սփյուռքը՝ մեր պատիվը, իսկ Հայաստանը մեր հույսն է». Հրանուշ Հակոբյան

ՀՐԱՆՏ ՍԱՐԱՖՅԱՆ

 

КОМСОМОЛЬСКАЯ ПРАВДА