o C     16. 09. 2019   : :

ԿԱՐՃ ԼՈՒՐԵՐ

Ինչ է քննարկել Սերժ Սարգսյանը ԵԱՀԿ ՄԽ համանախագահների հետ . «ԻՐԱՎՈՒՆՔԸ» 1 ՏԱՐԻ ԱՌԱՋ

09.02.2019 17:51 ՌԵՏՐՈ
Ինչ է քննարկել Սերժ Սարգսյանը ԵԱՀԿ ՄԽ համանախագահների հետ . «ԻՐԱՎՈՒՆՔԸ» 1 ՏԱՐԻ ԱՌԱՋ

Ինչ է քննարկել Սերժ Սարգսյանը ԵԱՀԿ ՄԽ համանախագահների հետ

09.02.2018 

Ինչ է քննարկել Սերժ Սարգսյանը ԵԱՀԿ ՄԽ համանախագահների հետ

Նիկոլ Փաշինյանը ընտրվեց ՀՀ վարչապետՙ ՀՀԿ գործարարների շնորհիվ. Ինչ էր գրում «Իրավունքը» 1 տարի առաջ

Նախագահ Սերժ Սարգսյանն այսօր ընդունել է տարածաշրջանային այցելության շրջանակներում Երևան ժամանած ԵԱՀԿ Մինսկի խմբի համանախագահներ Իգոր Պոպովին (Ռուսաստան), Էնդրյու Շեֆերին (ԱՄՆ), Ստեֆան Վիսկոնտիին (Ֆրանսիա) և ԵԱՀԿ գործող նախագահի անձնական ներկայացուցիչ Անջեյ Կասպրշիկին:

Համանախագահները Նախագահ Սարգսյանին ներկայացրել են Բաքվում իրենց ունեցած հանդիպումների արդյունքները:

Նախագահ Սարգսյանը, համանախագահների ուշադրությունը հրավիրելով Բաքվից հնչող վերջին հայտարարությունների վրա, նշել է, որ դրանք ևս մեկ վկայություն են, թե որքան հեռու է Ադրբեջանը Մինսկի խմբի համանախագահների առաջարկությունների հիման վրա ղարաբաղյան հիմնախնդրի բանակցային գործընթացն առաջ մղելու պատրաստակամությունից, ինչպես նաև ցույց են տալիս, թե ինչպես է Բաքուն արձագանքում հասարակությունները խաղաղության պատրաստելու եռանախագահների շարունակական կոչերին։

 

Հանդիպման մասնակիցները կարևորել են բանակցային գործընթացում հակամարտության խաղաղ կարգավորմանն ուղղված հանձնառություններին կողմերի հավատարմությունը, ինչպես նաև Վիեննայի, Սանկտ Պետերբուրգի և Ժնևի գագաթնաժողովներին ձեռք բերված պայմանավորվածությունների կատարման անհրաժեշտությունը:

ԵԱՀԿ Մինսկի խմբի համանախագահները Հանրապետության Նախագահին տեղեկացրել են իրենց առաջիկա աշխատանքային ծրագրերի վերաբերյալ։

Հանրապետության Նախագահը վերահաստատել է Հայաստանի պատրաստակամությունը՝ ԵԱՀԿ Մինսկի խմբի համանախագահների հետ շարունակելու բանակցային խաղաղ ճանապարհով հակամարտության կարգավորմանն ուղղված ջանքերը:

 

«Առաջին փոխվարչապետի պաշտոնը ո՛չ ցավոտ, ո՛չ էլ մտահոգիչ հարց է, այլ հարմար առիթ է խոսելու»

09.02.2018 

«Առաջին փոխվարչապետի պաշտոնը ո՛չ ցավոտ,  ո՛չ էլ մտահոգիչ հարց է, այլ հարմար առիթ է խոսելու»

Այս շաբաթ խորհրդարանում քննարկված օրենսդրական նախագծերի, ԱԺ ամբիոնից հնչեցված քաղաքական շեշտադրումների եւ ընդհանրապես` ներքաղաքական վերջին զարգացումների մասին «Իրավունքը» զրուցեց ԱԺ ՀՀԿ խմբակցության պատգամավոր, ՀՀԿ գործադիր մարմնի անդամ ՍԱՄՎԵԼ ՆԻԿՈՅԱՆԻ հետ:

«ՔԱՂԱՔԱԿԱՆ ՕՐԱԿԱՐԳԻ ՏԵՐԸ ՔԱՂԱՔԱԿԱՆ ՄԵԾԱՄԱՍՆՈՒԹՅՈՒՆՆ Է»

–Երեկ ԱԺ-ում Անվտանգության խորհրդի կազմավորման եւ գործունեության մասին օրենքի նախագիծը դարձավ բուռն քննարկման առարկա: Մասնավորապես` ընդդիմադիր «Ելքը» ցավոտ է ընդունում, որ այդ կազմում ներառված է առաջին փոխվարչապետը` պատճառաբանելով, թե նման պաշտոն Սահմանադրության մեջ ամրագրված չէ: Ըստ Ձեզ` ինչո՞ւ հենց այս պաշտոնը մտահոգիչ դարձավ նրանց համար:

– Առաջին փոխվարչապետի պաշտոնը ո՛չ ցավոտ է, ո՛չ էլ մտահոգիչ, այլ ընդամենը հարմար առիթ է խոսելու, որեւիցե քաղաքական շեշտադրում անելու համար: Իրականում իրենց ոչ էլ հետաքրքիր է: Այդ հարցերին տրվեց հստակ մասնագիտական պատասխան` իրավաբանների, սահմանադրական իրավունքի մասնագետների, վերջիվերջո, Սահմանադրության վրա անմիջապես աշխատած, այն ստեղծած մարդկանց կողմից: Հետեւաբար, այդ դաշտում, կարծում եմ, այլեւս ասելիք չկա, մասնավորապես` ոչ մասնագետների կողմից:

– ԱԺ «Ելք» խմբակցության ղեկավար Նիկոլ Փաշինյանը ամբիոնից բղավում էր, որ սրանով փորձ է արվում կոնկրետ մարդկանց հագով պաշտոններ կարել: Ի՞նչ կասեք այս մասին:

– Ցանկացած պատգամավոր ազատ է` իր քաղաքական հետեւություններն անելու մեջ, եւ ես պարտավոր չեմ յուրաքանչյուրի նման եզրահանգումները, կանխատեսումները փորձել բացատրել, հիմնավորել կամ հերքել: Դա իրենց գործն է, իրենք դա անում են: Ինձ ճիշտ հասկացեք, երբ անընդհատ հարց է տրվում` ինչո՞ւ նա կամ մեկ ուրիշը այսպես ասաց, այսպես մեկնաբանեց, ստացվում է, որ քաղաքական մեծամասնությունը դառնում է փոքրամասնության տեսակետների մեկնաբանողը: Քաղաքական օրակարգն իրենք չեն սահմանում, փառք Աստծո, քաղաքական օրակարգի տերը քաղաքական մեծամասնությունն է:

«ՆԱԽԱԳԱՀԻ ՍԱՀՄԱՆԱԴՐԱԿԱՆ ԼԻԱԶՈՐՈՒԹՅՈՒՆՆԵՐԸ ՈՐԵՎԻՑԵ ՄԵԿԸ ՉԻ ԿԱՐՈՂ ՍԱՀՄԱՆԱՓԱԿԵԼ»

Սա սիոնիստական-մասոնական դավադրություն է. Ինչ էր գրում «ԻՐԱՎՈՒՆՔԸ» 1 տարի առաջ

–Անդրադառնանք ՀՀԿ-ի կողմից առաջադրված, բայց դեռեւս իր համաձայնությունը չտված ՀՀ նախագահի թեկնածու Արմեն Սարգսյանին, որը դեռեւս շարունակում է հանդիպումներ ունենալ տարբեր շրջանակների հետ: Այնուամենայնիվ, կարո՞ղ է ինչ-որ բան խանգարել նրա առաջադրմանը:

– Երկու անգամ մասնակցել եմ այդ հարցի քննարկմանը. մեկը ՀՀԿ գործադիր մարմնի, մյուսը` խմբակցության մակարդակով արդեն Արմեն Սարգսյանի հետ հանդիպման ժամանակ: Ե՛վ մեր խմբակցության, ե՛ւ մեր կուսակցության ղեկավար մարմնի տեսակետից` որեւէ խոչընդոտ չկա եւ չի կարող լինել Արմեն Սարգսյանի առաջադրվելու եւ ընտրվելու կապակցությամբ: Այն, ինչ տեղի է ունենում, շատ նորմալ գործընթաց է: Նկատի ունենալով ՀՀ  նախագահին վերապահված սահմանադրական լիազորությունները եւ այն, որ ինքը բոլորի նախագահն է լինելու, քանի որ այդ պաշտոնն այլեւս ապաքաղաքական, ապակուսակցական է դառնում, որպես քաղաքակիրթ մարդ, բնական է, որ հավասարապես պետք է ցանկություն ունենար շփվել բոլոր քաղաքական ուժերի, կուսակցությունների հետ: Անկախ նրանից, թե որ կուսակցությունն է առաջադրում իր թեկնածությունը, պարզ է, որ նա կցանկանա ստանալ բոլորի բարոյական աջակցությունը, ինչը ե՛ւ նորմալ է, ե՛ւ քաղաքակիրթ:

– Վերջին մի քանի օրենսդրական նախագծերով, որոնք բերվեցին խորհրդարան, տպավորություն է, որ նախագահի լիազորություններն ավելի են սահմանափակում, ու դրանք տեղափոխվում են վարչապետի իրավասության շրջանակ: Ի վերջո, ի դեմս Արմեն Սարգսյանի` կունենանք «Անգլիայի թագուհու» պես մի պաշտոնյայի՞, թե՞ առավել նվազ կամ ավելի մեծ լծակներ ունեցող մեկի:

– Չէի ուզենա, որ օգտագործվեր եզրույթ, թե մի քանի օրենքներ սահմանափակում են նախագահի լիազորությունները: Նախագահի սահմանադրական լիազորությունները որեւիցե օրենք եւ որեւցիե մեկը չի կարող սահմանափակել, քանի որ այն շատ հստակ ամրագրված է Սահմանադրության մեջ: Եվ նա ո՛չ ավելին կարող է անել, ո՛չ էլ պակաս: Ընդ որում` Սահմանադրության մեջ այն աստիճանի հստակությամբ է գրված այդ ամենը, որ որեւիցե մեկը, որեւէ մտահոգություն թող չունենա: Իհարկե, ոմանք փորձում են նսեմացնել այդ կարգավիճակը, այն դարձնել անկարեւոր, ոմանք էլ, միգուցե, հին իներցիայով չափից ավել են փորձում ոչ թե կարեւորել, այլ իրենց պատկերացմամբ` լրացուցիչ պետական կառավարչական գործառույթներ վերագրել նախագահին: Մինչդեռ կոնկրետ խորհրդարանական հանրապետության կառավարման դեպքում նախագահը չի ունենում նման լիազորություններ:

«ՇԱՏ ԿԱՐՃ ԺԱՄԱՆԱԿ Է ՄՆԱՑԵԼ, ԱՄԵՆ ԻՆՉ ՊԱՐԶ ԿԼԻՆԻ»

–Այս դեպքում ի՞նչ ակնկալիքներ պետք է ունենա հանրությունը ՀՀ նախագահից:

– Միշտ ասել եմ, որ հաճախ անձն է զարդարում պաշտոնը: Արմեն Սարգսյանն այն մարդն է, որը հաստատ այդ պաշտոնը զարդարելու է: Իր խարիզմայով, հնարավորություններով, կապերով, ինտելեկտով, ներկայացուցչական իր տեսքով` նա կարող է ավելին անել: Այսինքն` բացի այն, որ Սահմանադրությամբ ունի այդ լիազորությունները, այլ նաեւ արդեն իր անձնական հնարավորություններով կարող է լրացուցիչ փայլ եւ իմաստ տալ նախագահական այդ պաշտոնին: Վերջիվերջո, Արմեն Սարգսյանի առաջադրումը մեր կողմից, ասել եմ եւ հիմա էլ կրկնում եմ, որ քաղաքակրթական էր: Բոլոր իմ գործընկերների ու լրագրողների ուշադրությունը ուզում եմ հրավիրել հետեւյալ փաստի վրա. ուղիղ երկու տարի առաջ` փետրվարի 12-ին, հնչեցված ՀՀ նախագահ Սերժ Սարգսյանի ելույթը համարում եմ մեր երկրի համար շատ կարեւոր, որովհետեւ այն սկզբունքային էր եւ որոշ առումով` շրջադարձային: Այնտեղ հստակ շարադրվեցին պետական պաշտոնյայի կերպարի մասին պատկերացումները եւ պահանջները: Այդ օրվանից շատ կտրուկ ձեւով ընթացան բարեփոխումները, եւ դրանք շարունակվեցին նոր որակի վարչապետի եւ նոր որակի կառավարության ձեւավորմամբ եւ հիմա էլ քաղաքակրթական նախագահի առաջադրմամբ: Սա երկու տարի առաջ սկսված կտրուկ բարեփոխումների տրամաբանական շարունակությունն է: Հենց այնպես որեւիցե բան այս քաղաքական կուրսից դուրս, ոչինչ չի կատարվում մեր երկրում: Ինչ մտածվել է, ասվել է, հայտարարվել է երկու տարի առաջ, հետեւողականորեն իրականացվում է: Այնպես որ, պատահական չէր Արմեն Սարգսյանի առաջադրումը, հետեւաբար, որեւէ պատահական գործ չի կարող խանգարել նրան` պաշտոնապես առաջադրվելու եւ ընտրվելու հարցում:

– Քաղաքական գլխավոր ինտրիգը շարունակում է մնալ այն, թե ով կստանձնի վարչապետի ու առաջին փոխվարչապետի պաշտոնները: Մի մասի համար այն ակնհայտ է, մյուսների համար` վիճահարույց: Ապրիլից հետո` առհասարակ կառավարության կազմում մեծ փոփոխությունների, նոր դեմքերի անհրաժեշտություն տեսնո՞ւմ եք:

Թուրքիան ցանկանում է Ադրբեջանի ձեռքով հարված հասցնել Հայաստանին. ինչ էր գրում «Իրավունքը» 1 տարի առաջ

– Ինչ վերաբերում է կառավարության կազմում նոր դեմքերին ու մնացած բոլոր խնդիրներին, որ մեր հանրությանը, մասնավորապես` քաղաքական դաշտին եւ լրատվությանը խիստ հետաքրքրում է, չեմ ուզում դատողությունների մակարդակով խոսել դրանց մասին: Երբ ժամանակին հարցնում էին` ո՞վ է լինելու ՀՀ նախագահ, ասում էի` սպասեք: Իսկ ի՞նչ կարիք կար մեկ շաբաթ առաջ ինչ-որ բան ասելու նպատակով անուններ հնչեցնել, հինգ օր հետո կամ մեկ շաբաթ անց էլ փորձել հերքել կամ ապացուցել, թե ինչու քո ասածը սխալ դուրս եկավ: Չեմ ուզում մտնել կանխատեսումների դաշտ: Շատ կարճ ժամանակ է մնացել, ամեն ինչ պարզ կլինի:

ՀՐԱՆՏ ՍԱՐԱՖՅԱՆ

 

Ճոյտը նպատակ ունի իր նոր ֆիլմը ցուցադրել Ադրբեջանում

09.02.2018 

Ճոյտը նպատակ ունի իր նոր ֆիլմը ցուցադրել Ադրբեջանում

ԱԺ նախկին պատգամավոր, «Ծառուկյան» դաշինքի անդամ ՀԱԿՈԲ ՀԱԿՈԲՅԱՆԸ (Ճոյտ) շարունակում է նկարահանել ֆիլմեր եւ համադրել մշակույթն ու քաղաքականությունը: Ինչպես «Իրավունքի» հետ զրույցում հավաստիացրեց նախկին պատգամավորը` քաղաքականությամբ զբաղվելը չի թողել, քանի որ սիրում է հասարակական աշխատանք կատարել, դրան զուգահեռ սիրում է նաեւ ֆիլմեր նկարահանել, որոնց սցենարները գրում է հենց ինքը: Հակոբ Հակոբյանը կինոմատոգրաֆիայում կատարել է իր հերթական փորձը, ներկայացնելով երկրորդ ֆիլմը, այն անվանելով «Մենք հարեւաններ ենք»: Ըստ Հակոբ Հակոբյանի` ֆիլմը հիմնված է իրական փաստերի վրա եւ պատմում է հայի ու ադրբեջացնու բարեկամության մասին. «Ֆիլմը նկարահանվել է Հայաստանում`Հայանիստ գյուղում, որտեղ ժամանակին հայն ու ադրբեջանցին ապրել են կողք -կողքի: Փորձելու ենք աշխարհին ինչ-որ կերպ ցույց տալ, որ մենք խաղաղության կողմնակիցն ենք եւ կռիվ ու պատերազմ չենք ուզում, ինչպես ասում է մեր քաղաքական մեծամասնությունը, այդ կարծիքը կիսում եմ: Մենք պաշտպանվելու իրավունք ունենք,  եթե փորձեն մեզ վրա հարձակվել,  բնականաբար մենք էլ կհարձակվենք: Այս ֆիլմով ցույց ենք տալիս, որ մենք այն երկիրն ենք, որը ցանկանում է հարցերը լուծել խաղաղ ճանապարհով»,-նշեց Հ. Հակոբյանը:
«Իրավունքի» դիտարկմանը, թե հայն ու ադրբեջանցին կարո՞ղ են բարեկամաբար կողք- կողքի ապրել` Հ. Հակոբյանը նշեց, որ Ադրբեջանի հասարակ ժողովուրդը մեղավոր չէ իր իշխանության համար. «Նրանք մեղավոր չեն, որ այսօր Ալիեւը վարում է նման քաղաքականություն, ժողովրդին պետք չէ խառնել քաղաքական կեղտոտ գործընթացների մեջ»,-ընդգծեց մեր զրուցակիցն եւ հավելեց, որ սպասում են շահեկան ժամանակի, որպեսզի այն ցուցադրեն.«Շահեկան ժամանակ ասելով, նկատի ունեմ այն, երբ մեր եևկու ժողովուրդները կիսապատրաստ կլինեն զիջումների եւ խաղաղության»:
Հարցին, թե հնարավո՞ր է ֆիլմը ցուցադրվի նաեւ Ադրբեջանում, Հակոբ Հակոբյանը պատասխանեց.«Այդ նպատակի համար հատուկ աշխատանքներ ենք տանում Մոսկվայի մեր գործընկերների հետո, որոնք Ադրբեջանի հետ փորձում են բանակցել, որպեսզի ֆիլմը ադրբեջաներեն թարգմանենք ու ուղարկենք Ադրբեջան: Բայց լավ կլինի, որ էտ «ֆլեշկեն» տանք մեր նախագահին, որ նա Ալիեւին տա ու ասի` էս ֆիլմը նայեք»,- եզրափակեց Հակոբ Հակոբյանը:

«Դարձրել եք ջարդված պլաստինկա, նույն հարցերն անընդհատ տալիս եք». Սեյրան Սարոյան

09.02.2018 

«Դարձրել եք ջարդված պլաստինկա, նույն հարցերն անընդհատ տալիս եք». Սեյրան Սարոյան

ՀՀ նախագահ Սերժ Սարգսյանը որպես ղեկավար բոլորին է գոհացնում: Այս մասին այսօր՝ փետրվարի 9-ին, ԱԺ-ում լրագրողների հետ հանդիպմանն ասաց ՀՀԿ-ական պատգամավոր Սեյրան Սարոյանը:

«Բոլորիդ ա գոհացնում, սենց խելոք ղեկավար չենք կարող գտնել»,- ասաց նա:

Հարցին՝  ինչու է կողմ, որ Անվտանգության խորհրդի կազմը փոփոխվի, պատգամավորը պատասխանեց, որ փոփոխությունն իրեն չի մտահոգում:

Դիտարկմանը, թե այդ ամենն արվում է, որ Սերժ Սարգսյանը վարչապետ լինի, Սարոյանն այսպես արձագանքեց. «Վատ կլինի՞ բա: Մեզի տենց բախտ ըլնի, Սերժ Սարգսյանը կգա վարչապետ, կպրծնենք: Վա՞տ ա ղեկավարում երկիրը, դարձրել եք ջարդված պլաստինկա, նույն հարցերն անընդհատ տալիս եք»: 

Քոչարյանի խոսնակը Փաշինյանի մասին. ԻՆՉ ԷՐ ԳՐՈՒՄ «ԻՐԱՎՈՒՆՔԸ» 1 ՏԱՐԻ ԱՌԱՋ

Լրագրողների արձագանքին, թե խնդիրները չեն լուծվում, դրա համար էլ հարցերը նույնն են, Սարոյանը պատասխանեց. «Էդ ո՞ր երկրում ա հալած յուղի պես թափված, տասը տարի հետ գնա. չկա՞ր էդ արտագաղթը, վայ, լավ էլի»:

 

КОМСОМОЛЬСКАЯ ПРАВДА