o C     19. 07. 2019   : :

ԿԱՐՃ ԼՈՒՐԵՐ

«Ազատագրված տարածքների շնորհիվ է, որ մարդիկ պահպանում են իրենց ֆիզիկական գոյությունը»

02.08.2018 14:09 ՔԱՂԱՔԱԿԱՆ ԱՐՑԱԽ
«Ազատագրված տարածքների շնորհիվ է, որ մարդիկ պահպանում են իրենց ֆիզիկական գոյությունը»

Օրերս ՀԱԿ անդամ Զոյա Թադեւոսյանը մամուլի ասուլիսի ժամանակ հայտարարեց, որ Արցախի ազատագրված տարածքները «գրավյալ» տարածքներ են եւ պետք է վերադարձնել Ադրբեջանին: Տեսնելով հանրության բուռն քննադատությունը, Զ. Թադեւոսյանը փորձեց արդարանալ եւ հայտարարեց, որ սխալվել է:
Այսօր «Իրավունքը» կառավարության որոշ անդամաներից փորձեց լսել կարծիքներ`կապված ՀԱԿ անդամի Արցախի ազատագրված տարածքները «գրավյալ» անվանելու հետ:
ՀՀ արտգործնախարար ԶՈՀՐԱԲ ՄՆԱՑԱԿԱՆՅԱՆԸ նշեց, որ տեղյակ չի, թե ինչ է ասել ՀԱԿ անդամը.«Պետք է իսկապես ես հասկանամ, թե ինչ է ասել, ես անպայման կտեսնեմ եւ կարձագանքեմ»:

«Հարգելի՛ փոխխոսնակ, Դուք շոու-բիզնեսից առաջ չգնացիք»

ՀՀ գյուղատնտեսության նախարար ԱՐԹՈՒՐ ԽԱՉԱՏՐՅԱՆԸ փաստեց, որ նման հայտարարությունների խիստ բացասական է վերաբերում` անկախ այն հանգամանքից, թե ով է դրա հեղինակը. «Ինչ է նշանակում «գրավյալ» տարածքներ, եղել են տարածքներ, որոնք արյան գնով են ազատագրվել եւ այդ տարածքների շնորհիվ է, որ մենք 25 տարի ունենք խաղաղություն: Ազատագրված տարածքների  շնորհիվ է, որ մարդիկ ֆիզիկապես իրենց գոյությունն ապահովում են եւ երկիր կառուցում: Ազատագրված տարածքի ամեն մի սահմանը, որ գծվել է. ունի ռազմական նշանակություն, նույնիսկ 10 մետր տարածք տալ, նշանակում է թշնամուն հնարավորություն տալ ունենալ գերիշխող դիրք: Իսկ այդ դիրքերի վրա եթե թշնամին համազարկային համակարգ դնի, Ստեփանակերտը, Արցախի բնակավայրեն ուղղակի գտնելու են կրակի տակ: Մենք խոսում ենք մարդկանց կյանքի մասին, չի կարելի նման անպատասխանատու հայտարարություներ անել: Գտեք հայոց լեզվի մեջ ամենաբացասական բառը եւ ասեք, որ այս ամենին ես վերաբերում են հենց այդ բառով»:
ՀՀ կապի եւ տեղեկատվական տեխնոլոգիաների նախարար ԱՇՈՏ ՀԱԿՈԲՅԱՆ.«Չեմ կիսում Զ. Թադեւսյանի ասածը եւ նրա այդ հայտարարությանը դեմ եմ»:


ԶՎԱՐԹ ԽԱՉԱՏՐՅԱՆ

 

КОМСОМОЛЬСКАЯ ПРАВДА