ԿԱՐՃ ԼՈՒՐԵՐ

Տ. Կորյուն աբեղան ազատվել է Ս. Գայանե վանքի վանահոր պարտականություններից

22.06.2018 15:40 ՕՐՎԱ ՊԱՏԿԵՐ ՀԱՆՐՈՒԹՅՈՒՆ
Տ. Կորյուն աբեղան ազատվել է Ս. Գայանե վանքի վանահոր պարտականություններից

Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի հունիսի 21-ի տնօրինությամբ Հոգեշնորհ Տ. Կորյուն աբեղա Առաքելյանն ազատվել է Ս. Գայանե վանքի վանահոր պարտականություններից: Այս մասին տեղեկացնում է Մայր Աթոռ Սուրբ Էջմիածնի տեղեկատվական համակարգը:

Այս առնչությամբ Մայր Աթոռի լուսարարապետությանը թելադրվել է ապահովել Հայր Կորյունի կեցությունը մայրավանքում: Մայր Աթոռ Սուրբ Էջմիածնի Կարգապահական հանձնախմբին հանձնարարական է տրվել քննության առնել Տ. Կորյուն աբեղա Առաքելյանի հետ առնչված խնդիրները:

Նորին Սրբության տնօրինությամբ Ս. Գայանե վանքի վանահայր է նշանակվել Հոգեշնորհ Տ. Մատթեոս վարդապետ Պողոսյանը:

Հիշեցնենք, որ Տ. Կորյուն աբեղա Առաքելյանը, «Նոր Հայաստան, նոր հայրապետ» նախաձեռնությամբ մի քանի հոգևորականներ և մի խումբ քաղաքացիներ օրեր շարունակ պահանջում էին  Ամենայն Հայոց Կաթողիկոս Գարեգին Բ-ի հրաժարականը:

Կորյուն աբեղան կարգալույծ հռչակվեց

 

 

КОМСОМОЛЬСКАЯ ПРАВДА