ԿԱՐՃ ԼՈՒՐԵՐ

Նման միջադեպերը պետք է բացառել. «Հայոց Աշխարհ»

15.02.2018 12:47 ՕՐՎԱ ՊԱՏԿԵՐ ԻՐԱՎՈՒՆՔ
Նման միջադեպերը պետք է բացառել. «Հայոց Աշխարհ»

Հարցազրույց փաստաբան ԼԵՎՈՆ ԲԱՂԴԱՍԱՐՅԱՆԻ հետ

-Ինչպե՞ս կգնահատեք Երեւանի ավագանու նիստում տեղի ունեցած սկանդալային միջադեպը «Երկիր ծիրանի» խմբակցության անդամների մասնակցությամբ։

«Կոչ եմ անում միջոցներ ձեռնարկել ՀՀ-ում այլասերման քարոզի կասեցման»

-Զերծ մնալով կողմերից մեկին դատապարտելուց կամ չդատապարտելուց, զուտ իրավական տեսանկյունից ներկայացնեմ իմ դիտարկումը: 
Նախ՝ եթե իրականում 25 տարի է, ինչպես ասում էին ԵԾ անդամները, այդ կոյուղաջրերը լցվում են մարդկանց բակերը, ապա, կարծում եմ, քաղաքային իշխանությունը վաղուց պետք է այդ հարցով զբաղվեր ու պարզեր, թե ի՞նչն է պատճառը, որ քաղաքացիներն ապրում են նման պայմաններում: Այսօր բավականաչափ խնդիրներ կան քաղաքում, որոնք պետք է լինեն քաղաքային իշխանության ուշադրության կենտրոնում:
Սակայն անընդունելի է «Երկիր ծիրանիի» անդամների քայլը. դա դիտում եմ որպես շատ վատ PR ակցիա եւ ոչ թե Նուբարաշենի բնակիչների խնդիրը լուծելու տարբերակ: Եթե ԵԾ անդամները շահագրգռված էին տվյալ հարցի լուծմամբ, ապա նրանք ոչնչով կաշկանդված չէին դրան հասնելու համար։ Կարող էին գրավոր հարցում անել, ավագանու նիստի օրակարգում հարցը քննարկելու, ինչու ոչ, նաեւ հասնել նրան, որ համայնքի բյուջեից գումար հատկացվեր, որպեսզի այդ խնդիրը իրոք լուծվեր: 
Բայց նման կերպ մտնել դահլիճ ու տարաների պարունակությունը՝ կոյուղաջուրը, դնել քաղաքային իշխանության առաջ, դիտում եմ ոչ միայն ոչ իրավաչափ, այլեւ ոչ կոռեկտ քայլ:

-Հարկ է արձանագրել, որ ԵԾ անդամների նման պահվածքը դարձավ քաշքշուկի պատճառ:

-Այո, դրան հաջորդեց քաշքշուկ, քանի որ երբ անձին փորձում են ոչ համարժեք պահվածքով ցնցել, ապա նրա մեջ առաջանում է ինքնապաշտպանվելու ցանկություն՝ դրանից բխող բացասական հետեւանքներով: Դահլիճում կային մի քանի տասնյակ մարդիկ, յուրաքանչյուրն իր մտածողությամբ ու նման իրավիճակներում որոշակի քայլեր անելու հակվածությամբ: Եվ տեղի ունեցավ այն, ինչ եղավ: Կարծում եմ, որ նման կերպ հարցեր լուծելն ու նման նախադեպեր ստեղծելը կարող է կործանարար հետեւանքներ ունենալ մեր երկրի համար:

Հոդվածն ամբողջությամբ կարդացեք «Հայոց Աշխարհ» օրաթերթի այսօրվա համարում

 

 

КОМСОМОЛЬСКАЯ ПРАВДА