o C     13. 11. 2019   : :

ԿԱՐՃ ԼՈՒՐԵՐ

Մինչև տարվա վերջ ՌԴ-ում հայկական վարորդական իրավունք ունեցողների խնդիրը կլուծվի

23.09.2019 15:31 ՀԱՆՐՈՒԹՅՈՒՆ
Մինչև տարվա վերջ ՌԴ-ում հայկական վարորդական իրավունք ունեցողների խնդիրը կլուծվի

Սեպտեմբերի 17-ին Ռուսատանի Պետական դումայում տեղի է ունեցել Հայաստանի ԱԺ տարածաշրջանային և եվրասիական ինտեգրման հարցերի մշտական հանձնաժողովի և Պետական դումայի ԱՊՀ երկրների, եվրասիական ինտեգրման և հայրենակիցների հարցերով կոմիտեի համատեղ նիստը։

Թուրքիայում հայկական գերեզմանոցի վրա հարսանյաց սրահ եւ զբոսայգի են կառուցում

«Բարգավաճ Հայաստան» խմբակցության պատգամավոր, հանձնաժողովի նախագահ Միքայել Մելքումյանը խորհրդրանում հրավիրված ասուլիսի ժամանակ տեղեկացրեց, որ հայկական պատվիրակությունը բարձրաձայնել է Մեծամորի ատոմային էլեկտրոկայանի շահագործման ժամկետի երկարաձգման հարցի վերաբերյալ։

Հայաստանը 2014թ․-ին ՌԴ-ից 270 մլն դոլարի վարկ է վերցրել, նաև՝ 30 մլն դրամաշնորհ։

Ըստ Միքայել Մելքումյանի՝ այդ գումարից մինչև հիմա 200 մլն դոլարն է տրվել։

«70 մլն-ը չի տրվում, ձգձգվում է, իսկ եթե չտրամադրվի, այդ ամբողջն անբավար է, որպեսզի ատոմակայանը հավուր պատշաճի գործարկվի։ Ավելին՝ հունվարի 1-ից հետո վարկի տոկոսադրույքի ծախսերը կիրառվելու է էլեկտրոէներգիայի սակագնի մեջ, ինչը պրոբլեմ է»,- ասաց նա։

Համատեղ նիստում քննարկվել է նաև ՌԴ-ում հայկական վարորդական իրավունք ունեցողներին վարել չթույլատրելու հարցը։ Միքայել Մելքումյանը տեղեկացրեց, որ խոստացել են, որ այդ խնդիրը մինչև տարվա վերջ պետք է լուծվի։

Ըստ պատգամավորի՝ դրա մասին հայտարարել է ԱՊՀ հարցերով Պետդումայի հանձնաժողովի նախագահի տեղակալ Կոնստանտին Զատուլինը։

«Մենք հետամուտ ենք լինլու, որ մինչև տարվա վերջ վարորդական իրավունքների խնդիրը լուծվի»,- հավելեց նա։

ԱԺ տարածաշրջանային և եվրասիական ինտեգրման հարցերի մշտական հանձնաժողովի և Պետական դումայի ԱՊՀ երկրների, եվրասիական ինտեգրման և հայրենակիցների հարցերով կոմիտեի համատեղ նիստում քննարկվել է նաև ՀԱՊԿ-ի շրջանակում ՀԱՊԿ անդամ մեկ երկրի կողմից ոչ ՀԱՊԿ անդամ մեկ ակլ երկրի ստրագետիական հարձակողական նշանակության կործանիչ զենքերի մատակարարման հարցը։

«Որևէ բացասական արձագանք չեղավ առ այն, որ Ադրբեջանին զենքի մատակարարումը պետք է ՀԱՊԿ առաջիկա նիստում, որը տեղի է ունենալու Երևանում, որոշակի ձևաչափ մշակվի և որոշակի սահմափակումներ իրականացնելու համար։ Որևէ մեկը չի պնդում, որ բոլոր տեսակի զենքերը պետք է չվաճառվեն, բայց այն զենքերը, որոնք կործանիչ նշանակության զենքեր են, դրանք չպետք է վաճառվեն, սա անընդունելի է»,- հստակեցրեց Միքայել Մելքումյանը։

 

 

КОМСОМОЛЬСКАЯ ПРАВДА