o C     21. 09. 2019   : :

ԿԱՐՃ ԼՈՒՐԵՐ

ԲԴԽ-ում տեղի է ունեցել հանդիպում Հայաստանում ԵՄ ներկայացուցիչների հետ

06.09.2019 18:15 ՕՐՎԱ ՊԱՏԿԵՐ ԻՐԱՎՈՒՆՔ
ԲԴԽ-ում տեղի է ունեցել հանդիպում Հայաստանում ԵՄ ներկայացուցիչների հետ

Սեպտեմբերի 6-ին Բարձրագույն դատական խորհուրդը հյուրընկալել է Հայաստանում Եվրոպական միության պատվիրակության համագործակցության բաժնի ղեկավար Գոնզալո Սեռանոյին և ԵՄ միջազգային գծով օգնական Իրինա Մովսեսյանին, հայտնում են ԲԴԽ լրատվական ծառայությունից։

Նիկոլ Փաշինյանի գլխավորությամբ այսօր Անվտանգության խորհրդի նիստ է տեղի ունեցել

ԵՄ ներկայացուցիչների հետ հանդիպել են Բարձրագույն դատական խորհրդի նախագահ Ռուբեն Վարդազարյանը, Խորհրդի անդամներ Վիգեն Քոչարյանը և Հայկ Հովհաննիսյանը:

Հանդիպման ընթացքում քննարկվել են արդարադատության շուրջ գործնական երկխոսության, դատաիրավական բարեփոխումների ռազմավարական ուղղությունների մշակման և դրանց իրագործման համար Եվրոպական միության հնարավոր ներգրավվածության և Խորհրդի հետ արդյունավետ համագործակցությանը վերաբերող մի շարք առանցքային հարցեր:

Խորհրդի նախագահը շեշտել է, որ Բարձրագույն դատական խորհուրդը բաց է և պատրաստակամ դատական իշխանությանն առնչվող ցանկացած հարցի քննարկման և արդյունավետ համագործակցության համար:

ԵՄ պատվիրակության համագործակցության բաժնի ղեկավարն իր հերթին ընդգծել է դատաիրավական բարեփոխումների իրականացման ճանապարհին Եվրոպական միության հնարավոր աջակցության և Խորհրդի հետ հետագա համագործակցության զարգացման պատրաստակամությունը:

 

 

КОМСОМОЛЬСКАЯ ПРАВДА