o C     23. 10. 2019   : :

ԿԱՐՃ ԼՈՒՐԵՐ

Վարչապետի տիկնոջ գրասենյակում Ֆիլհարմոնիկը չեն տարբերում Օպերայից

17.07.2019 18:33 ՕՐՎԱ ՊԱՏԿԵՐ ՄՇԱԿՈՒՅԹ ՀԱՆՐՈՒԹՅՈՒՆ
Վարչապետի տիկնոջ գրասենյակում Ֆիլհարմոնիկը չեն տարբերում Օպերայից

Նախօրեին ՀՀ վարչապետի տիկին, «Իմ քայլը» եւ «City of smile/Ժպիտների քաղաք» բարեգործական հիմնադրամների հոգաբարձուների խորհրդի նախագահ Աննա Հակոբյանը նախաճաշել է Հայաստանի ազգային ֆիլհարմոնիկ նվագախմբի բարեկամների խմբի հետ, քննարկել խմբի եւ «Իմ քայլը» հիմնադրամի միջեւ համագործակցության հնարավորությունները: Արդյունքում վեր են հանվել համագործակցության մի շարք ուղիներ. մասնավորապես երաժիշտների խրախուսումը, երաժշտական գործիքների ձեռքբերումը, քննարկվել է ծրագրային արտադրանքի ստեղծումը, համատեղ միջոցների որոնումն ու նպատակային բաշխումը: Հաղորդագրության մեջ ասված է, որ քննարկվել է նաեւ Ալ. Սպենդիարյանի անվան Օպերայի եւ բալետի ազգային ակադեմիական թատրոնը միջազգային ստանդարտներին համապատասխանեցնելու հարցը:

Ալեն Սիմոնյանը համալրել է վարչապետի «սիրելիների» շարքը. «Հրապարակ»

Իսկ, թե ինչու է վարչապետի տիկինը Ֆիլհարմոնիկ նվագախմբի հետ քննարկել Օպերային թատոնի միջազգայնացման հարցը`առանց  թատրոնի ղեկավարության ներկայության, «Իրավունքը» փորձեց պարզել Աննա Հակոբյանի խոսնակ ՀԱՍՄԻԿ ՀԱՐՈՒԹՅՈՒՆՅԱՆԻՑ.

- Այստեղ հարցը առավելապես «Արամ Խաչատրյան» համերգասրահի հետ է կապված եղել, պարզապես, մենք գրել ենք Օպերա, սակայն` հիմնականում «Արամ Խաչատրյան» համերգասրահի մասով է ստանդարտեցվել հարցը: Դա ուղղակի քննարկում է, որեւիցե հստակ նախագիծ ձեռք բերելու  ինչ-որ պայմանավորվածություն չկա: Պարզապես կողմերը նաեւ այդ հարցն են քննարկել, բայց դա հիմնականում վերաբերում է «Արամ Խաչատրյան» համերգասրահին:

«Հարգելի Աննա Հակոբյան, թո՛ւրքը մնում է թու՛րք...». հերոսի մայրը՝ վարչապետի կնոջը

- Այսինքն`հաղորդագրության մեջ շփոթմո՞ւնք է եղել`  համերգասրահի ու օպերային թատրոնի անվանումների հետ:

- Այո, շփոթմունք է եղել, «Արամ Խաչատրյան» համերգասրահի հետ է քննարկվել:  Ընդհանուր` «Արամ Խաչատրյանն» էլ Օպերայի ներսում է գտնվում:

- Բայց, դրանք տարբեր կառույցներ են…

- Այո, ես գիտեմ, սխալմունք է տեղի ունեցել, Ալ. Սպենդիարյանի անվան օպերայի եւ բալետի ազգային ակադեմիական թատրոնի փոխարեն, պետք է գրվեր «Արամ Խաչատրյան» համերգասրահ:

Այսքանից հետո` մեզ մնում է միայն ավելացնել, որ թերեւս ամեն ինչ այսքան զավեշտալի չէր լինի, եթե այսքան ողբերգական չլիներ, վերջին մեկ տարվա ընթացքում նախ Լիլիթ Մակունցը, հետո` նրան փոխարինող մշակույթի ոլորտը համակարգող մեկ այլ պաշտոնյա` Նազենի Ղարիբյանը, հազիվ սովորեցին, որ թատերական հրապարակում տեղակայված կլոր ու գեղեցիկ շենքում կա երկրի համար կարեւոր 2 կառույց, մեկը` երկրի գլխավոր թատրոնն է` Ալ. Սպենդիարյանի անվան օպերայի եւ բալետի ազգային ակադեմիական թատրոնը, մյուսը` «Արամ Խաչատրյան» համերգասրահը` Ազգային ֆիլհարմոնիան: Փաստորեն, մեկ տարի անց մշակույթի նախարարությունը փակվեց, իսկ երկիրի վարչապետի տիկնոջ գրասենյակում էլ չեն տարբերում «Արամ Խաչատրյան» համերգասրահն ու Ալ. Սպենդիարյանի անվան օպերայի եւ բալետի ազգային ակադեմկան թատրոնը:

Ծառուկյանի որոշումը հեռահա՞ր էր. «Ժողովուրդը թույլ չի տա, որ վարչապետին անվստահություն հայտնեն». «Հրապարակ»

Ինչեւէ, ամեն ինչ դեռ կորած չէ ու, ինչպես ասում են, սովորելու համար երբեք էլ ուշ չէ, քանի որ Օպերային թատրոնը ամսվա մեջ մի քանի անգամ  դպրոցականների համար կազմակերպում է ճանաչողական շրջայց, որի ընթացքում դպրոցականները շրջում են օպերային թատրոնի տարածքում, ծանոթանում թատրոնի պատմությանը, այնտեղ ելույթ ունեցած երեւելիներին, որի ավարտին էլ դիտում են որեւէ ներկայացում` օպերա կամ բալետ: Գուցե մի ճանաչողական շրջայց էլ օպերան կազմակերպի հենց մեր երկիրը ղեկավարող անձանց, նրանց աշխատակիցների ու օգնականների համար:

Այնուամենայնիվ, ինչո՞ւ է վարչապետի տիկինը ֆիլհարմոնիկի հետ քննարկել Օպերայի թատրոնի միջազգայնացման հարցը` առանց օպերային թատրոնի ղեկավարության, «Իրավունքը» պարզեց նաեւ օպերայի եւ բալետի ազգային ակադեմիական թատրոնի գեղարվեստական ղեկավար ԿՈՆՍՏԱՆՏԻՆ ՕՐԲԵԼՅԱՆԻ կարծիքը. «Հարեւան կազմակերպությունը կարող է միայն քննարկել ֆիլհարմոնիկի անձնական հարցերը»,- «Իրավունքի» հարցմանն ի պատասխան, ասել է Կ. Օրբելյանն ու հավելել. «Եթե հարցերը վերաբերում են շենքին, ապա, իհարկե, բոլոր կողմերը պետք է մասնակցեն: Իսկ ընդհանրապես ընդհանուր հարցեր կան`հովացման եւ ջեռուցման համակարգի, տանիքի եւ այլն»:

ԼԻԼԻԹ ԵՂԻԱԶԱՐՅԱՆ

 

КОМСОМОЛЬСКАЯ ПРАВДА