o C     18. 07. 2019   : :

ԿԱՐՃ ԼՈՒՐԵՐ

«Իսկ ինչ-որ մեկը Ն. Փաշինյանին հարցրել է՝  ինչո՞ւ էր ՌԴ-ում հանդիպում ընդդիմադիր շարժման ղեկավարի հետ»

18.06.2019 01:26 ՕՐՎԱ ՊԱՏԿԵՐ ՔԱՂԱՔԱԿԱՆ ԹԵՄԱ
«Իսկ ինչ-որ մեկը Ն. Փաշինյանին հարցրել է՝  ինչո՞ւ էր ՌԴ-ում հանդիպում ընդդիմադիր շարժման ղեկավարի հետ»

«ՀՀ երկրորդ նախագահ Ռոբերտ Քոչարյանի հետ հանդիպումից հետո՝ ՀՀ-ում ՌԴ արտակարգ եւ լիազոր դեսպան Սերգեյ Կոպիրկինին հունիսի 14-ին հրավիրել են ՀՀ արտաքին գործերի նախարարություն, որտեղ նրան խորհուրդ են տվել չխառնվել ներքին գործերին, իսկ ԱԺ նախագահ Արարատ Միրզոյանը լրագրողների հետ զրույցում հայտարարել էր, թե չի ողջունում նման հանդիպումները», - այս մասին նշում է ռուսաստանաբնակ քաղաքագետ ՄԱՐԻԱՄ ՀՈՎՍԵՓՅԱՆԸ եւ հարց հղում. «Այստեղ ինչ շատ հետաքրքիր է, թե ինչ-որ մեկը նման զրույց ունեցե՞լ է Նիկոլ Փաշինյանի հետ, երբ նա պաշտոնական այցով լինելով Ռուսաստանում՝ հանդիպել էր «Նոր Ռուսաստան» ընդդիմադիր շարժման ղեկավար Նիկիտա Իսաեւի հետ»:

Կոտրվի էս կուռը, որ «հու» եմ արել, Նիկոլ ընտրել. Իջևանից բերման ենթարկվածի հարազատ

Քաղաքագետը նաեւ ընդգծել է, որ իր շնորհիվ է, որ Իսաեւն այդպես էլ չեկավ Հայաստան եւ չստեղծեց իր ռուս-հայկական բանավեճային ակումբը:

Հիշեցնենք, որ Նիկիտա Իսաեւը, որը հայտնի է իր ադրբեջանամետ ելույթներով եւ միշտ հանդես է եկել հայ-ռուսական հարաբերությունները սրողի դերում, այս տարվա հունվարի 25-ին, երբ վարչապետ Նիկոլ Փաշինյանը պաշտոնական այցով գտնվում էր Մոսկվայում, հանդիպել է նրա հետ: Այն ժամանակ քաղաքագետ Մ. Հովսեփյանը հանդես եկավ մամուլի ասուլիսով եւ բացահայտեց ողջ իրողությունը: Քաղաքագետը մասնավորապես նշել էր. «Պարոն Փաշինյանը երեւի թե մոռացել է, որ այլեւս ընդդիմություն չէ, այլ պետության առաջին դեմքն է: Ռուսաստանում հանդիպում եւ ձեռք է սեղմում մի մարդու հետ, ով տարիներ շարունակ ադրբեջանամետ գործունեությամբ է զբաղվել, եւ նրանք հանդիպման ժամանակ որոշել են ստեղծել հայ-ռուսական բանավիճային ակումբ: Հանդիպումը գուցե կարող է նուրբ առնչություն ունենալ այն բանի հետ, որ Փաշինյանը հայտարարել էր, թե կհանդիպի Վլադիմիր Պուտինի հետ, իսկ ուրբաթ առավոտյան Պուտինի մամլո խոսնակը հայտարարեց, որ նման հանդիպում պլանավորված չէ: Կարծում եմ՝ դիվանագիտության մեջ պարզապես կետեր եւ ստորակետեր չեն լինում, միգուցե սրանք փոխկապակցված գործողություններ էին. չհանդիպեց Վլադիմիր Պուտինի հետ, հանդիպեց ընդդիմության երիտասարդ ղեկավար Իսաևի հետ»:

ՀՐԱՆՏ ՍԱՐԱՖՅԱՆ

 

КОМСОМОЛЬСКАЯ ПРАВДА