o C     21. 08. 2019   : :

ԿԱՐՃ ԼՈՒՐԵՐ

«Ելքն այսօր կրկին համախմբման մեջ է, բայց այս դեպքում` արդեն Փաշինյանից ազատվելու» (Տեսանյութ)

21.05.2019 20:50 ՕՐՎԱ ՊԱՏԿԵՐ ՔԱՂԱՔԱԿԱՆ ՀԱՆԴԻՊՈՒՄ
«Ելքն այսօր կրկին համախմբման մեջ է, բայց այս դեպքում` արդեն Փաշինյանից ազատվելու» (Տեսանյութ)

Մինչ կիրակի օրը բոլորը հանգստանում էին` վարչապետ Նիկոլ Փաշինյանը գտավ հանրությանն այս շաբաթ եւս զբաղեցնելու մի նոր թեմա: Նախ պահանջեց արգելափակել  հանրապետության` առանց բացառության բոլոր դատարանների ելքերն ու մուտքերը, այնպես, որ ոչ ոք ներս չմտնի: Իսկ արգելափակելուց հետո` ժամեր անց, խնդրեց վերացնել բոլոր դատարանների արգելափակումը: Իսկ այդ ընթացքում երկրի պետական կարեւորագույն ինստիտուտներից շատերը հանդես եկան լրջագույն հայտարարություններով, քանի որ դատարանների մուտքերը փակել-բացելու ֆոնին` շատերն արձանագրեցին, որ սահմանադրական կարգն է տապալվում: Տեղի ունեցած իրադարձություններն «Իրավունք TV»-ի տաղավարում քննարկել ենք «Այլընտրանք» ՀԿ համանախագահ ՆԱՐԵԿ ՄԱՆԹԱՇՅԱՆԻ եւ քաղաքագետ ԳԱՐԵԳԻՆ ՊԵՏՐՈՍՅԱՆԻ հետ:

Գնացի պարոն Փաշինյանի հետ մի բաժակ կոֆե խմեմ, մտա` տեսա վարչապետն ու Սուրենը նստած կոֆե են խմում. Գարեգին Միսկարյան

«ՍԱ ՈՒՂԻՂ ՈՏՆՁԳՈՒԹՅՈՒՆ ԷՐ ՄԵՐ ՍԱՀՄԱՆԱԴՐՈՒԹՅԱՆԸ»

Ի վերջո, ի՞նչ տեղի ունեցավ Ն. Փաշինյանի հայտարարությունից հետո, եւ կարելի՞ է համարել, որ այսպես ասած, սահմանադրական կարգը երկրում «թեթեւակի» տապալվեց, ի պատասխան Ն. Մանթաշյանը նշեց. «Որպես այդպիսին, սահմանադրական կարգը «թեթեւակի» չի տապալվում` կա՛մ տապալվում է, կա՛մ` ոչ: Իսկ սա ուղիղ ոտնձգություն էր մեր Սահմանադրությանը, որովհետեւ գործադիր իշխանության ղեկավարը, որը ե՛ւ ի պաշտոնե, ե՛ւ ըստ Սահմանադրության, որեւէ կերպ իրավունք չունի միջամտել դատական իշխանության գործընթացներին, փաստացի կոչ էր արել համաքաղաքացիներին պարալիզացնել իշխանական մի ամբողջ բուրգի առանձին մի թեւ, որը, ըստ Սահմանադրության, ապահովված եւ երաշխավորված է անկախությամբ: Փաստացի, վարչապետի ուղղորդմամբ, այդ թվում` իշխանական թեւի պատգամավորների եւ կառավարության որոշ անդամների մասնակցությամբ ոտնահարվում էր մեր դատական իշխանության ներկայացուցիչների, այդ թվում` դատավորների ազատ տեղաշարժման, աշխատանքային իրավունքները: Եվ, ըստ էության, սահմանադրական կարգը արդեն երկրորդ անգամ է տապալվում վարչապետ Ն. Փաշինյանի կողմից: Առաջին անգամ նա նույն ոտնձգությունն արեց օրենսդիր իշխանության նկատամամբ, երբ նախորդ տարվա հոկտեմբերի 2-ին պարալիզացրեց խորհրդարանը` իրեն անհարմար օրենքի չընդունման համար: Այն ժամանակվա եւ երեկվա տարբերությունը միայն այն էր, որ այն ժամանակ Ն. Փաշինյանը հետհեղափոխական էյֆորիայի շնորհիվ դեռ ուներ որոշակի զանգված, որի շնորհիվ կարողացավ մինչեւ վերջ հասցնել տապալման գործընթացը: Փաստացի, նաեւ ճնշումներ գործադրվեցին նախագահի վրա, բայց այն նա չստորագրեց` ուղարկելով Սահմանադրական դատարան: Սակայն նույնիսկ այդ դեպքում Սահմանադրական դատարանից հետ եկավ պատասխան, որ օրենքը սահմանադրական է` համապատասխանում է Սահմանադրությանը»:

Ամուլսարը՝ Նիկոլի ստերի հայելի. Մարգարիտ Եսայան

Զուտ քաղաքագիտության տեսանկյունից` տեղի ունեցածն, ըստ Գ. Պետրոսյանի, նույնպես նոնսենս է. «Երբ խոսքը իրավական պետության մասին է, Սահմանադրության առաջին հոդվածը ենթադրում է իշխանության ճյուղերի տարանջատվածություն` հավասարակշռումների եւ հակակշիռների հստակ մեխանիզմներ: Այստեղ ճյուղերից յուրաքանչյուրը պետք է կարողանա ընդամենն իր լիազորություններով ապահովել հավասարակշռությունը` համաչափ եւ առողջ գործունեություն ապահովելու համար: Մինչդեռ ականատես եղանք, ոչ միայն այս դեպքում սահմանադրական կարգը բռնությամբ տապալելուն, այլեւ` ականատես ենք եղել ամբողջ տարվա ընթացքում: Գործադիր իշխանությունն այսօր ներկայանում է իշխանության երեք ճյուղերի բացահայտ կոորդինատոր, եւ այստեղ խոսել տարանջատվածության եւ ժողովրդավարության մասին, կարծում եմ` իմաստազուրկ է: Նույնը կարելի է ասել այն հայտարարության մասին, երբ Փաշինյանը հրապարակային հարթակներից ասում էր` չկա այդպիսի դատավոր, որը չկատարի իմ ասածները, էլ չեմ ասում հայտնի հեռախոսազանգերի, իր պատգամավորների իրավական գիտակցության խայտառակ բացակայության մասին: Դատական համակարգի վրա ակնհայտ ճնշումներ գործադրելու միջոցով փորձում են հասարակական որոշակի տրամադրություններ ստեղծել»:

Ամուլսարի նախագիծը պե՞տք է անցնի նոր ՇՄԱԳ. Մեկնաբանում է Նիկոլ Փաշինյանը

«ՆԱԽԱԳԱՀԻ ՀԱՅՏԱՐԱՐՈՒԹՅՈՒՆԸ Ո՛Չ ՆԱԼԻՆ, Ո՛Չ ՄԵԽԻՆ ԲՈՎԱՆԴԱԿՈՒԹՅԱՆ ՄԵՋ ԷՐ»

Անդրադառնալով Ն. Փաշինյանի կողմից դատարանի մուտքերն ու ելքերը փակելու հերթական ակցիայի վերաբերյալ ՀՀ նախագահի արված հայտարարությանը` «Այլընտրանք» ՀԿ համանախագահը հիշեց հայտնի անեկդոտը. «Եկել եմ ասեմ` իմ վրա հույս չդնեք. նախագահի հայտարարությունն ինձ հիշեցրեց հենց այդ անեկդոտը: Այսինքն` հայտարարությունն առանց տրամաբանության միմյանց փոխկապակցված բառերի շարան էր, որով նախագահը եկել էր ասելու, որ իր վրա հույս չդնենք: Կրկին հղում անելով Սահմանադրությանը` ասեմ, որ նախագահը պետության գլուխն է եւ ի պաշտոնե հանդիսանում է հենց Սահմանադրության եւ սահմանադրականության կարգի երաշխավորը: Եվ երբ ունեն կոնկրետ փաստ, որ վարչապետի կողմից կատարվում է ոտնձգություն սահմանադրական կարգի նկատմամբ, եւ նախագահը լղոզված, ոչինչ չասող հայտարարությամբ է հանդես գալիս, այստեղ հանդիպում ենք մի դեպքի, երբ նախագահը, կարծես, ժողովրդական սերը` այն սերը, որն իր հաշվարկով վայելում է Ն.Փաշինյանը, փորձում է դրա վրա դիվիդենտներ հավաքել, միեւնույն ժանանակ, չկորցնելով նաեւ այն զանգվածին, որը չի կիսում վարչապետի մտածելակերպն ու գործողությունները: Հին հայկական ասացվածք կա` ո՛չ նալին, ո՛չ մեխին, նախագահի հայտարարությունը լրիվ այդ բովանդակության մեջ էր»:

Ամուլսարի նախագիծը պե՞տք է անցնի նոր ՇՄԱԳ. Մեկնաբանում է Նիկոլ Փաշինյանը

Իսկ ի՞նչ կարելի էր ակնկալել ՀՀ նախագահի հայտարարությունից, քաղաքագետը հավելեց. «Համենայնդեպս, նախագահից ակնկալում էի սահմանադրությամբ իրեն վերապահված գործառույթների շրջանակում շատ հստակ եւ կոնկրետ արձագանք: Այստեղ պետք է բացառվեր անորոշությունը, կրավորական ձեւակերպումնները եւ այլն: Մարդու իրավունքների պաշտպանի գրասենյակը, Բարձրագույն դատական խորհուրդը, Փաստաբանների պալատը շատ հստակ արձագանքեցին` իրենց անհամաձայնությունը հայտնելով վարչապետի հորդորներին: Այս պարագայում նախագահին մնում էր մի բան` կա՛մ համաձայնություն տալ վերը նշված կառույցների գնահատականին, կա՛մ հակառակ գնահատականը տալ, որը նույնպես ինձ համար կլիներ գուցե ոչ հասկանալի, բայց` ընդունելի: Այսինքն` ընդունելի, որ ունենք Սահմանադրական լիազորություններով օժտված թիվ մեկ պաշտոնյա, որը, ընդամենն իր գործառույթները գիտակցելով, արձագանքել է այն իրավիճակին, որը բոլորիս ընկալմամբ տանում էր դեպի սահմանադրական կարգի տապալում: Այստեղ ուրիշ մտավախություն ունեմ, որ այս ամենը նաեւ ինչ-որ առումով արդյունք է այսօրվա սահմանադրական կարգի ոչ լիարժեք համապատասխանության` մեր իրականության, գուցե լիազորությունների տարանջատվածությունն այնպիսին չէր, որ նախագահը կարողանար հստակ արձագանքել: Բայց, ամեն դեպքում, նա ունի հստակ արձանագրված իրավազորություն, եւ ընդամենը պետք է կարողանար հստակ այն օգտագործել»: 

Վերջին անգամ եմ հարցը դնում. Նիկոլ Փաշինյան

Մանթաշյանի գնահատմամբ` Ն. Փաշինյանը հետհեղափոխական էյֆորիաներն օգտագործելով` կորցրել է իրականության զգացողությունը. «ՄԻՊ գրասենյակը, բացի իր վերջին կոշտ հայտարարությունից, դրանից առաջ էլ, երբ վարչապետն մարդկանց անհիմն ուղղորդում էր դիմում գրել, ազատվել, ՄԻՊ-ը կրկին արձագանքեց, իսկ վարչապետը ծաղրով վերաբերվելով դրան` ասաց` դե թող գան ինձ ձերբակալեն: Մարդը վայելում է անպատժելիության զգացողությունները` կարծելով, որ ունի 70 տոկոսանոց վարկանիշ, որն, ի դեպ, շատ վաղուց կտրուկ անկում է ապրել, բայց դեռ անձնական պատասխանատվության զգացողություն այս մարդը չի զգում, ուղղակի, կտրվել է իրականությունից: Իսկ նման դեպքերում մենք ականատես եղել ենք, թե այլ պետությունների նմանօրինակ լիդերներն ինչ անկում են ունենում»:

«Լիդիան Արմենիա» ՓԲԸ-ն ստանձնում է պարտավորություն, որ հանքի տարածքից չմաքրված կոնտակտային ջրերը չի բաց թողնվի շրջակա միջավայր

«ԱՅԴ ՃԱՆԱՊԱՐՀՈՎ ԼԵԳԻՏԻՄՈՒԹՅՈՒՆ ՊԱՀՊԱՆԵԼ ԵՐԿԱՐ ՉԻ ՀԱՋՈՂՎԵԼՈՒ»

Ինչ վերաբերում է իշխանության վարկանիշին, թե ինչ է հուշում այն, որ Ն. Փաշինյանի հորդորով դատարանների դռները մի կերպ կարողացան փակել, քանի որ սակավաթիվ էին ակցիայի մասնակիցները, չնայած նրան, որ ակցիային մասնակցում էին նաեւ իմքայլական պատգամավորներն ու նրանց բարեկամ-հարազատները, քաղաքագետն ասաց. «Այստեղ շատ հետաքրքիր նաեւ հոգեբանական պահ կար, երբ վարչապետն ուներ 70 տոկոսանոց լեգիտիմություն, նա այդ լեգիտիմությունը կառուցել էր որոշակի խոստումների եւ դրանց արդյունքում ձեւավորված ակնկալիքների վրա: Ակնհայտ էր, որ ժամանակի ընթացքում խոստումների իրականացման դինամիկայով պայմանավորվածլեգիտիմությունը, միեւնույնն է, պետք է անկում ապրեր: Բայց, ցավոք, այսօր իրենք չունեն իրավիճակի այն ընկալումը, որն անհրաժեշտ է առաջացած նոր պայմաններում: Հեղափոխական խոստումները գրեթե մեծամասամբ չեն իրականացվել, հետեւաբար այդ լեգիտիմությունը պետք է անկում ապրեր: Իսկ այդ անկման դինամիկան իրենց համար ընկալելի չէ: Դրա համար իրենք պարբերաբար նման ճանապարհներով փորձում են հասկանալ իրենց լեգիտիմության աստիճանը եւ ամեն անգամ գոնե ներքուստ հուսալքվում են, որովհետեւ այն վստահության քվեն, որն ունեին իրենք նախորդ տարվա մայիս-հունիս ամիսներին, այսօր, իմ խորին համոզմամբ, գոնե 30 տոկոսը դժվար ունենան»:

Քիչ առաջ խորհրդակցություն անցկացրի «Ամուլսարի» հարցով. Նիկոլ Փաշինյան

«Այլընտրանք» ՀԿ համանախագահի կարծիքով` այդ վստահության քվեն, արդեն իսկ կարելի է հասկանալ, որ ոչ թե Ն. Փաշինյանին էր տրված, այլ նա դեռեւս այն ժամանակվանից բոլոր ընտրություններին օգտագործեց ՀՀԿ-ի բացասական վարկանիշը` վերագրելով իր անձին. «Այսինքն` Ն. Փաշինյանին ընտրողները բոլորը չէին, որ ընտրում էին իրեն, այլ ուղղակի բողոքի ձայն էին բարձրացնում նախկին իշխող կուսակցությանը: Նրա բոլոր քարոզարշավների ընթացքում կարմիր թելով անցնում է դա: Որեւէ ծրագիր, որպես այդպիսին, այդպես էլ չլսեցինք Ն. Փաշինյանից: Նա միշտ խոսեց ՀՀԿ-ի մասին, եւ այսօր, երբ նրանից փորձում են ինչ-որ տեղեկատվություն ստանալ` մեկ տարում կատարված աշխատանքների վերաբերյալ, որեւէ տրամաբանություն ունեցող քաղաքացու մոտ չի կարող փաստարկված լինի վերջին ասուլիսի 100 կատարված աշխատանքները, որովհետեւ այնտեղ աբսուրդի ժանրից կետեր կային: Օրինակ` ամուսնությունների թիվը պայմանավորել գործող իշխանություներով, ուղղակի ծիծաղելի է: Հիշեցի «Ընկեր Փանջունին» ֆիլմի հայտնի դրվագը, երբ ավանակների հետ կենակցող տղամարդկանց հանդիպում է ու ասում` տեսեք, թե ինչ ծանր է սոցիալական վիճակը, որ մարդիկ չեն ամուսնանում, ավանակների հետ են կենակցում: Այսինքն` ինչքան լավն եմ ես, որ իմ ժամանակով ամուսնանում են, սա ուղղակի ծիծաղելի է»:

Այսօր Գարեգին Բ-ի ծննդյան օրն է. «Մեր աղոթքն է պայծառազարդել նրա քրիստոսաշավիղ առաքելությունը»

Գ. Պետրոսյանն էլ նկատեց, որ այսօր շեշտադրումն արվում է նախորդների հետ շարունակաբար, չավարտվող կռվի. «Այն դեպքում, երբ հստակ մոտեցում կա, որն օգտագործվում է աշխարհի բոլոր երկրներում` այն է լեգիտիմության պահպանման միջոցը արդյունավետ ներգործությունն է սոցիալ-տնտեսական քաղաքականությանը: Այնպես որ, ինչքան էլ փորձես պոպուլիզմով պատրանքներ ստեղծել, թե նախկիները այսպես-այնպես, այդ ճանապարհով լեգիտիմություն պահպանել երկար չի հաջողվելու»:

«Հրապարակ». Ինչու է լռում ԱԱԽ-ն Ամուլսարի հարցում. պատճառը Արմեն Գրիգորյանի դիրքորոշումն է

Ամփոփելով թեման` «Այլընտրանք» ՀԿ համանախագահ Մանթաշյանը ցավով արձանագրեց. «Այն հավատը, որը մեր ժողովրդին վերածնվելու, դեպի լավ ապագա գնալու, ոգեշնչել էր, որն ուրախալի էր, կրկին դարձավ հուսախաբություն: Կրկին մեր ժողովուրդը կանգնեց կոտրած  տաշտակի առաջ, եւ այսօր ելքը կրկին համախմբման մեջ է, բայց այս դեպքում` արդեն Նիկոլ Փաշինյանից ազատվելու, որովհետեւ նա այս պահին դարձել է պատուհաս մեր ազգի գլխին: Նա կարծես իր միջից չի հանել ընդդիմադիր գործիչ լինելու այն մոտեցումը, թե ամեն ինչ կարելի է ասել, բայց միեւնույնն է, դրա համար պատասխանատվություն տվողը ուրիշներն են լինելու: Ն. Փաշինյանն անում է քայլեր, որոնք ուղիղ սպառնալիք են այսօր Արցախին, մեր միջազգային դիվանագիտական հարաբերություններին, այդ թվում` մեր ռազմավարական գործընկերների հետ: Եվ լավ գիտակցելով, թե դրանից ինչ վտանգներ են սպասվում` Ն. Փաշինյանը շարունակում է այդ գործողությունները, այստեղ ընդամենը կարելի է ենթադրություն անել, որ սա նրա միանձնյա տեսակետը չէ, այլ` տարբեր սորոսական եւ կրոնական այլ կազմակերպությունների, որոնք, ընդ որում, ֆինանսավորվում են նաեւ այլ, անգամ մեր թշնամի պետության աղբյուրներով: Հետեւաբար դառնալ նրանց կամակատարը, ձեռքի խաղալիքը, ուղիղ սպառնալիք է մեր պետությանն ու պետականությանը: Այնպես որ, օրակարգում մենք ունենք շատ լուրջ խնդիր, որ օր առաջ պետք է ազատվենք Նիկոլ Փաշինյանից»:

​​​​​​​«էս բանակի աշխատավարձների բարձրացման ձենը հետո կլսենք». Վահան Բաբայան

ՀՐԱՆՏ ՍԱՐԱՖՅԱՆ

Հ.Գ.- «Կլոր-սեղան» քննարկումն ամբողջությամբ դիտեք տեսանյութում. 

 

КОМСОМОЛЬСКАЯ ПРАВДА