Իսկ Ալեն Սիմոնյանը ՀՀ տարածքային ամբողջականությունը պաշտպանո՞ւմ է. Ալլա Հակոբյան

Ներքաղաքական

Եվրոպական միության անդամ պետությունների խորհրդարանների նախագահների համաժողովում ՀՀ ԱԺ նախագահ Ալեն Սիմոնյանը հայտարարել էր, թե՝  «Հաշվի առնելով այն հանգամանքը, որ համաժողովի ուշադրության կենտրոնում Ուկրաինա-Ռուսաստանի ներխուժման հարցն է եւ մերձավորարեւելյան հակամարտությունը` ուզում եմ վերահաստատել, որ Հայաստանը հաստատակամորեն պաշտպանում է Ուկրաինայի, ինչպես նաեւ Մոլդովայի, Վրաստանի, Կիպրոսի եւ բոլոր երկրների տարածքային ամբողջականությունը»: Արձագանքելով վերոնշյալին՝ ՌԴ Դաշնային խորհրդի նախագահ Վալենտինա Մատվիենկոն հանձնարարել է սենատորներին հարցում ուղարկել Հայաստանի Ազգային ժողով՝ կապված ՀՀ ԱԺ խոսնակ Ալեն Սիմոնյանի հակառուսական հայտարարությունների հետ: 

«Ցանկանում եմ գործընկերոջս՝ Հայաստանի խորհրդարանի նախագահին, հարց տալ՝ ո՞ւմ անունից է նա հնչեցրել նման բնույթի սյուժեներ, իհարկե, ոչ հայ ժողովրդի անունից, որի հետ Ռուսաստանին կապում է դարավոր բարեկամությունը: Մենք չենք կարող անտեսել այս կարգի ռուսատյաց ելույթները... Առաջարկում եմ նույն հարցով գրավոր դիմել Հայաստանի խորհրդարան` պարզելու, թե ում անունից է նա խոսել, եւ արդյոք Հայաստանի խորհրդարանը կիսո՞ւմ է այս հանդիպման ժամանակ հնչած գնահատականները»,- մասնավորապես նշել է ՌԴ Դաշնային խորհրդի նախագահը։

Այն, որ Ա. Սիմոնյանը չէր կարող նման բնույթի հայտարարություն անել հայ ժողովրդի անունից, փաստում է նաեւ «Ուժեղ Հայաստան Ռուսաստանի հետ. հանուն նոր Միության» շարժման կանանց խորհրդի նախագահ ԱԼԼԱ ՀԱԿՈԲՅԱՆԸ:  Նա հարց է ուղղել ՀՀ ԱԺ նախագահ Ալեն Սիմոնյանին. «Իսկ Հայաստանի տարածքային ամբողջականությունը պաշտպանո՞ւմ եք: Նշված երկրների ցանկում Հայաստան անվանումը չգտա... Մի ամբողջ Արցախ Աշխարհ տնավեր դարձրեցին, իրենց բնիկ հողերից հայերին հանեցին, ինչը էթնոցիդ է համարվում բոլոր միջազգային նորմերով, սակայն այդ մասին խոսք անգամ չկա»:

Ինչ վերաբերում է այն արտահայտությանը, որ Ա. Սիմոնյանն ասել է, որ «համաժողովի ուշադրության կենտրոնում Ուկրաինա-Ռուսաստանի ներխուժման հարցն է», ապա հավելել, թե՝ «այս հարթակում առաջին անգամ իմ եվրոպացի գործընկերներին դիմելը մեծապես կարեւոր է, եւ ես անկեղծորեն գնահատում եմ ինձ ընձեռված այս հնարավորությունը», Ա. Հակոբյանը շեշտում է. «Սակայն ՀՀ ԱԺ նախագահը «ընձեռված հնարավորությունը» չօգտագործեց արցախահայության ճակատագրի մասին խոսելու համար, քանզի նրան «հրավիրել» էին ընդամենը եւս մեկ անգամ «վերահաստատել», որ «Հայաստանը հաստատակամորեն պաշտպանում է Ուկրաինայի՛ ... տարածքային ամբողջականությունը», այլ ոչ հայերի դարավոր հողերի»:

ԱԺ նախագահը ոչ ավել, ոչ պակաս նաեւ գանգատվել է, որ «Ռուսաստանի կառավարության բազմաթիվ պաշտոնյաներ համարձակվում են թելադրել Հայաստանի շահերը եւ խոսել հայ ժողովրդի անունից», ինչին ի պատասխան՝ Ա. Հակոբյանն է հակադարձում. «Իսկ այն, որ վաղուց Արեւմուտքի «բազմաթիվ պաշտոնյաներ համարձակվում են թելադրել Հայաստանին» ինչ անել՝ հայտնի է բոլորին... ՀՀ ԱԺ նախագահը հաստատում է այդ՝ հենց իր խոսքում. «ապրիլի 5-ին Բրյուսելում տեղի ունեցած եռակողմ հանդիպման» ժամանակ, «որին մասնակցում էին Հայաստանի վարչապետը, Եվրահանձնաժողովի նախագահը եւ ԱՄՆ պետքարտուղարը», «ասվածի վառ օրինակն է»: Եվ այս շաքարա-մեղրային շնորհակալություններին հետեւեց отчёт-ը կատարած աշխատանքի մասին. «Հայաստանի կառավարությունն արգելեց ռուսական պետական հեռուստատեսությամբ քարոզչական հաղորդման հեռարձակումը Հայաստանի տարածքում»: Այսինքն, Հայաստանի կառավարությունը չսաստեց Ադրբեջանի ներխուժումը Հայոց հողերի վրա, չպահանջեց Ադրբեջանի հանդեպ սանկցիաներ կիրառել՝ աշխարհով մեկ ապատեղեկատվություն տարածելու համար, Հայոց մշակույթի վանդալական ոչնչացման համար... Ո՛չ... Նրա ուժը պատում է ոչ թե թուրքի վրա, այլ ավելի մեծ ու հզոր Ռուսաստանի վրա, ում մի մարզը միայն Ադրբեջան կոչվածից մեծ է... Знай наших!»: 

Ըստ Ալլա Հակոբյանի, Ալեն Սիմոնյանի ելույթի «գլուխգործոցն» է Ադրբեջանին եւ Ռուսաստանին նույն նժարի վրա տեղադրելն ու դրանց միջեւ հավասարության նշան դնելը: ԱԺ նախագահը մասնավորապես նման արտահայտություն էր արել՝ «Հայաստանի դեմ Ռուսաստանի եւ Ադրբեջանի հիբրիդային հարձակումը...»:

«Նույնիսկ ավելորդ եմ համարում այս անձի «ժողովրդավարության, քաղաքացիական ազատություններից» խոսելը... Լսողներն էլ իր պես երեսպաշտ փարիսեցիներ են... Պարզապես պատվազրկություն է բոլորիս համար, որ ՀՀ հարկատուների հաշվին աջ ու ձախ շրջագայող «պաշտոնյաները» միջազգային հարթակներում մտահոգություն են հայտնում այլոց մասին, բայց մեր՝ հայերիս, պատիվը չեն պաշտպանում... «Ժողովրդավարության բաստիոնում» մարդիկ արդեն քաղբանտարկյալների ստույգ թիվն են նույնիսկ դժվարանում ասել... Դժվարանում են ասել, թե մեր սրբազան հողերի քանի քառակուսի կիլոմետրն է հսկում այսօր Հայոց Բանակը... Մի բան է մխիթարում քրիստոնյա հայերին՝ Աստծո Դատաստանը անխուսափելի է... Տիրոջ Աջով պատժվելու են բոլոր անօրենները...», - ընդգծում է Ա. Հակոբյանը:

https://iravunk.com/sim/?p=282154&l=am/
«Դուք որպես ժայռաբեկոր կանգնած եք այդ ճանապարհին, որպեսզի թույլ չտաք սրիկային, սատանայական ուժերին քանդել այն» Խստիվ դատապարտում ենք ապօրինի վարչախմբի վարքագիծը Սվինների վրա հիմնված ոստիկանապետությունը շուտով փլվելու է ՍԻՄ կուսակցության հայտարարությունը երկրում ստեղծված իրավիճակի վերաբերյալ ՍԻՄ նախագահը ընդունեց ՀՀ-ում Բելառուսի դեսպանատան խորհրդականին Հայկ Բաբուխանյան «ֆեմինիզմը, դա քայքայիչ աղանդ է...» Ուր կհասնի հրաժարականների շարքը․ Հաֵյկ Բաբուխանյան Համահայկական գրողների միությունը և «Հայրենիքի Ձայն» թերթի խմբագրակազմը ցավակցում են Հովհաննես Գալաջյանի ընտանիքի անդամներին և մտերիմներին ՀԳՄ նախագահը ցավակցություն է հայտնել Հովհաննես Գալաջյանի մահվան կապակցությամբ ՀԹԳՄ նախագահը ցավակցություն է հայտնել Հովհաննես Գալաջյանի մահվան կապակցությամբ Մահացել է«ԻՐԱՎՈՒՆՔ» թերթի գլխավոր խմբագիրը Խորհրդային Միության փլուզումից հետո մենք անընդհատ կորցնում ենք .Հայկ Բաբուխանյան Ինչ է տեղի ունեցել դեկտեմբերի 20-ին Մոսկվայում կայացած խորհրդաժողովին Ինչ են ծրագրել Նիկոլն ու Ալիեւը․ Հայկ Բաբուխանյան Միջազգային մրցույթ-փառատոնին վարպետ Մնոն կներկայացնի քարակերտ «Հայոց այբուբենը» Власти Армении и Арцаха осознанно сделали так, чтобы арцахцы ушли - Айк Бабуханян Ահա պատճառը, թե ինչու է Նիկոլը սրում հարաբերություններն Աբխազիայի հետ. Հայկ Բաբուխանյան Դրեք ձեր մանդատներն ու դուրս եկեք, ամո՛թ է․ Հայկ Բաբուխանյան Айк Бабуханян: В Армении есть политические лидеры готовые отстаивать армяно — российские отношения и дружбу Հայկ Բաբուխանյանը ընդունեց հայտնի ռուս լրագրող Դարյա Ասլամովային ՍԻՄ նախագահը հանդիպեց Հայաստանի վետերանների միավորման հետ Քննարկվեց երկու Շարժումների համագործակցության հարցը Շարժման կողմից բազմիցս արված նախազգուշացումները սպասվող արհավիրքի մասին, ինչպես նաեւ դրանից խուսափելու մասին մեր նշված ճանապարհները անտեսվեցին Այսօր Հայաստանը դարձել է Արեւմուտքի զոհը. Բաբուխանյանի ելույթը Յալթայի միջազգային ֆորումին Մոսկվայում մեկնարկեց Յալթայի միջազգային ֆորումը