ՍԻՄ կուսակցության հայտարարությունը ադրբեջանական նոր ագրեսիայի կապակցությամբ

ՍԻՄ - Գլխավոր լուրեր

Այսօր, խախտելով 2020 թվականի նոյեմբերի 9-ի եռակողմ հայտարարագիրը եւ միջազգային իրավունքի բոլոր հիմնարար  դրույթները` Ադրբեջանը  սանձազերծեց  նոր լայնածավալ հարձակում  Արցախի Հանրապետության դեմ. կան զոհեր եւ վիրավորներ քաղաքացիական բնակչության մեջ, այդ թվում` երեխաներ: Սպասվում է, որ Ադրբեջանը անմիջապես կանցնի  նաեւ պատերազմական գործողությունների հայ-ադրբեջանական սահմանի ողջ երկայնքով: Տեսնելով, որ  Հայաստանում  Նիկոլը կրել է ջախջախիչ պարտություն եւ չունի ժողովրդի կողմից անգամ չնչին աջակցություն, Ադրբեջանը շտապում է  լուծել  իր նախանշած բոլոր խնդիրները մինչեւ Հայաստանում ազգային իշխանություն ձեւավորվելը, քանի դեռ իշխանության ղեկը գտնվում է ազգադավ ուժերի ձեռքում: Միաժամանակ  Ադրբեջանի  արեւմտյան պատվիրատուները  շտապում են  Ռուսաստանի համար բացել  երկորդ ճակատ` տեսնելով, որ ուկրաինական հակահարձակումը  որեւէ արդյունքի չհասցրեց եւ շատ շուտով վերջնականապես կձախողվի: Ադրբեջանի ձեռքերով  փորձում են  լուծել ոչ միայն  Հայաստանի ու հայ ժողովրդի հարցերը, Հայաստանը  ներքաշելով ՆԱՏՕ-ի մեջ եւ դնելով Թուրքիայի վերահսկողության տակ, այլ նաեւ դուրս մղել Ռուսաստանը տարածաշրջանից:

Հայաստանի խամաճիկ իշխանությունները կփորձեն օգտագործել արտակարգ իրավիճակը հակառուսական հիստերիա հրահրելու, իրական ընդդիմությանը ճնշելու և Հայաստանը Արևմուտքի հսկողության տակ դնելու համար։ Պատահական չէ, որ Նիկոլն ու իր շրջապատը վերջին շրջանում բացահայտ թշնամական քաղաքականություն են վարում Ռուսաստանի Դաշնության նկատմամբ և այդ դեմարշը անում պատերազմի նախօրեին։

«Սահմանադրական Իրավունք Միություն» կուսակցությունը  բազմիցս զգուշացրել է, որ Նիկոլի  եւ իր սպասարկող  ոհմակի դավաճանական արտաքին քաղաքականությունը  ուղիղ ճանապարհով տանում է դեպի  Արցախի, Սյունիքի, Վայոց Ձորի, Գեղարքունիքի Ադրբեջանի կողմից օկուպացիայի: Ակնհայտ է նաեւ, որ   նոր ագրեսիա նախաձեռնելու գործում Ադրբեջանին  ոգեշնչում են Թուրքիան եւ  արեւմտյան գլոբալիստական ուժերը, որոնք նպատակ ունեն մեր տարածաշրջանում պայթեցնել մեծ պատերազմ` ներգրավելով  նաեւ Ռուսաստանին, Իրանին եւ տարածաշրջանի այլ պետություններին:

1. Ստեղծված իրավիճակում  ՍԻՄ կուսակցությունը  պահանջում է Նիկոլ Փաշինյանի  եւ իր բոլոր թիմակիցներին,  աջակցողների ու սատարողների անհապաղ հրաժարականը եւ Հայաստանի քաղաքական դաշտից հեռացումը:

2. Պետք է վերականգնել  երկրում միակ օրինական  ձեւով ընտրված  6-րդ գումարման Ազգային Ժողովի լիազորությունները, որի արտակարգ նիստում  ընտրել նոր գործադիր իշխանություն եւ ձեւավորել Պաշտպանության պետական կոմիտե:

3. Արցախի Ազգային Ժողովը  պետք է դիմի  Ռուսաստանի Դաշնությանը  Արցախը  վերջինիս պրոտեկտորատի տակ մտցնելու խնդրանքով:

4. Հայաստանի Պաշտպանության պետական  կոմիտեն պետք է դիմի  Ռուսաստանի Դաշնությանը  Արցախի իշխանությունների դիմումը ընդունելու խնդրաքով:

5. Հայաստանի Հանրապետությունը պետք է անհապաղ դուրս հանի եվրոպական դիտորդներին եւ դիմի ՀԱՊԿ-ին` ընդունելով  ՀԱՊԿ-ի առաջարկությունը հայ-ադրբեջանական սահմանին ՀԱՊԿ-ի դիտորդներ տեղակայելու վերաբերյալ:

6. Հայաստանի Հանրապետությունում պետք է հայտարարվի  համընդհանուր մոբիլիզացիա:

7. Հայաստանի Հանրապետությունը պետք է դիմի ՄԱԿ-ին Ադրբեջանին խաղաղության  պարտադրելու ռազմական գործողության սանկցիա տալու դիմումով:

8. Հայաստանի Պաշտպանության պետական կոմիտեն պետք է դիմի  հայոց սփյուռքին հանրագումարի բերելու բոլոր հնարավորությունները  Հայրենիքը պաշտպանելու համար: 

 

ՍԻՄ կուսակցության նախագահություն

Նախագահ Հայկ Բաբուխանյան

19.09.2023թ.

Ք. Երեւան

https://iravunk.com/sim/?p=265052&l=am/
ՍԻՄ նախագահը ընդունեց ՀՀ-ում Բելառուսի դեսպանատան խորհրդականին Հայկ Բաբուխանյան «ֆեմինիզմը, դա քայքայիչ աղանդ է...» Ուր կհասնի հրաժարականների շարքը․ Հաֵյկ Բաբուխանյան Համահայկական գրողների միությունը և «Հայրենիքի Ձայն» թերթի խմբագրակազմը ցավակցում են Հովհաննես Գալաջյանի ընտանիքի անդամներին և մտերիմներին ՀԳՄ նախագահը ցավակցություն է հայտնել Հովհաննես Գալաջյանի մահվան կապակցությամբ ՀԹԳՄ նախագահը ցավակցություն է հայտնել Հովհաննես Գալաջյանի մահվան կապակցությամբ Մահացել է«ԻՐԱՎՈՒՆՔ» թերթի գլխավոր խմբագիրը Խորհրդային Միության փլուզումից հետո մենք անընդհատ կորցնում ենք .Հայկ Բաբուխանյան Ինչ է տեղի ունեցել դեկտեմբերի 20-ին Մոսկվայում կայացած խորհրդաժողովին Ինչ են ծրագրել Նիկոլն ու Ալիեւը․ Հայկ Բաբուխանյան Միջազգային մրցույթ-փառատոնին վարպետ Մնոն կներկայացնի քարակերտ «Հայոց այբուբենը» Власти Армении и Арцаха осознанно сделали так, чтобы арцахцы ушли - Айк Бабуханян Ահա պատճառը, թե ինչու է Նիկոլը սրում հարաբերություններն Աբխազիայի հետ. Հայկ Բաբուխանյան Դրեք ձեր մանդատներն ու դուրս եկեք, ամո՛թ է․ Հայկ Բաբուխանյան Айк Бабуханян: В Армении есть политические лидеры готовые отстаивать армяно — российские отношения и дружбу Հայկ Բաբուխանյանը ընդունեց հայտնի ռուս լրագրող Դարյա Ասլամովային ՍԻՄ նախագահը հանդիպեց Հայաստանի վետերանների միավորման հետ Քննարկվեց երկու Շարժումների համագործակցության հարցը Շարժման կողմից բազմիցս արված նախազգուշացումները սպասվող արհավիրքի մասին, ինչպես նաեւ դրանից խուսափելու մասին մեր նշված ճանապարհները անտեսվեցին Այսօր Հայաստանը դարձել է Արեւմուտքի զոհը. Բաբուխանյանի ելույթը Յալթայի միջազգային ֆորումին Մոսկվայում մեկնարկեց Յալթայի միջազգային ֆորումը Արցախցիներին պետք է թույլ տալ վերադառնալ իրենց օջախները ՍԻՄ 27-րդ  համաժողովը « ՈՒԺԵՂ ՀԱՅԱՍՏԱՆ ՌՈՒՍԱՍՏԱՆԻ ՀԵՏ ՀԱՆՈՒՆ ՆՈՐ ՄԻՈՒԹՅԱՆ» ՇԱՐԺՄԱՆ ԴԻՄՈՒՄԸ ՌԴ ՆԱԽԱԳԱՀ ՎԼԱԴԻՄԻՐ ՎԼԱԴԻՄԻՐՈՎԻՉ ՊՈՒՏԻՆԻՆ ՍԻՄ կուսակցության հայտարարությունը ադրբեջանական նոր ագրեսիայի կապակցությամբ