Հասարակությունն այդպես էլ չտեսավ ո՛չ փաստաթուղթ, ո՛չ էլ հակառակն ապացուցող արձագանք. Իսրայելյան
ՏեսանյութերԻ վերջո լուծարվե՞լ է Արցախի հանրապետությունը, նման փաստաթուղթ իրականում կա՞, թե՞ չկա, ի՞նչ էր ստորագրել Արցախի նախագահ Սամվել Շահրամանյանը, եւ որքանո՞վ այն ունի իրավական ուժ, «Իրավունք TV»-ի տաղավարում հետաքրքրվեցինք «Վերածնվող Արցախ» շարժման համակարգող, «Հայկական աշխարհ» ՀԿ ղեկավար ԱՆԱՍՏԱՍ ԻՍՐԱՅԵԼՅԱՆԻՑ:
— Արցախցիներիս արձագանքը շարունակում է մնալ նույնը` նախագահն իրավունք չունի նման փաստաթուղթ ստորագրելու: Եթե ստորագրել էլ է, այն իրավական առումով զրոյական նշանակություն ունի: Այո՛, հասարակությունն այդպես էլ չտեսավ ո՛չ փաստաթուղթ, ո՛չ էլ հակառակն ապացուցող արձագանք` Արցախի իշխանության կողմից: Բացի այդ, Ազգային ժողովն էլ չարձագանքեց: Թեթեւ մեկնաբանություններ եղել են այս հարցին, սակայն մենք կարծում ենք` դա քիչ է: Ազգային ժողովը պետք է որոշում կայացներ, արձանագրվեր այն ու հասանելի դառնար նաեւ հայաստանյան ղեկավարներին:
— Իսկ Արցախի Ազգային ժողովը գործո՞ւմ է, պարոն Իսրայելյան:
— Իրենք իրար մեջ ինչ-որ հավաքվում են, որոշումներ են կայացնում: Գիտեք, գործող հասկացողությունն այն է, որ պետք է տեսանելի լինի իրականության մեջ: Իրենք որոշակիորեն պահպանում են այդ կառույցը, բայց էլի եմ ասում` դա շատ քիչ է, ինչը թույլ է տալիս հայաստանյան իշխանությանն ամբողջովին չեզոքացնելու Արցախի պետական ինստիտուտները:
ՀՐԱՆՏ ՍԱՐԱՖՅԱՆ
Հ.Գ.- Հարցազրույցն ամբողջությամբ դիտե՛ք տեսանյութում.
https://iravunk.com/sim/?p=278051&l=am/