Արցախի նախագահ ներկայացնող Սամվել Շահրամանյանը, որպես կանոն, աշխատում է չխոսել: Ու երեւի լավ է անում, քանի որ քիչ դեպքերում երբ մի փոքր խոսում է, հաստանում ես, թե նաեւ ինչու այսօր Արցախ չունենք:
Հերթական անգամ Շահրամանյանը խոսեց` անդրադառնալով մի հարցի, որը երեւի նրա համար ամենակարեւորն է: Հաշվի առնելով, որ Արցախում տեղի ունեցածի մասին չի խոսում, արցախահայության ներկայի եւ ապագայի մասին` եւս: Իսկ ահա «ծառայողական» մեքենայի առգրավմանը եւ Արցախի ներկայցուցչության դարպասները կոտրելու դեպքի հետ կապված միանգամից որոշեց «ատամ ցույց տալ». ուրեմն, ո՞րն է նրա համար առաջնայինը:
«Այս ամսվա 7-ին, երբ առաջին անգամ քննիչները եկել են եւ փորձել են առգրավել մեքենան, հենց սկզբից ուզում եմ ասեմ, որ սա մեքենայի հարց չի, սա ուղղակի Արցախի մնացորդների վերացման հարց է...»,-ասաց նա:
Շահրամանյանը նշեց, որ այն իրավիճակը որը ստեղծվել ` մուտքի դռներ կոտրելով եւ մեքենան բռնի տանելով, դա վերաբերմունքն է Արցախի նկատմամբ:
Քանի՞ անգամ ենք Շահրամանյանից հրապարական խնդրել, պահանջել եւ բացատրել` հստակ, բոլոր մանրամասներով բացատրել Արցախը լուծարելու մասի իր հրամանագիրը, այդ թվում` իրավական կողմից: Վերջին հաշվով, եղել է նախագահի հրամանագիր, որը, հետո ինչ կցկտուր բաներ էլ ասեց Շահրամանյանը, պաշտոնապես չեղարկված չէ: Ըստ իր հրամանի, Շահրամանյանը Արցախի նախագահ չէ: Ցավոք, բայց այդ դավաճանությանն ինքն է գնացել եւ իր կողմնակիցներն այդ դավաճանությունը, քանի դեռ հնարավոր է, չեն ուղղել:
Այսինքն, նա ինչպես որ ողջ բանակային հսկայածավալ գույքը Շահրամանյանը փաթեթավորված հանձնեց ազերիներին, այդպես էր իր ծառայողական մեքենան պետք է թողներ: Ընդ որում, ըստ ՀՀ իշխանությունների տրամաբանության. նրանք են հայտարարել` Արցախն Ադրբեջան է: Կամ, Շահրամանյանն ավելի լավ կաներ, որ իր շքեղ ավտոմեքենայի փոխաներն գոնե մեկ տանկ բերեր. նստեր ու քշեր դեպի Հայաստան: Չէի՞ն թողնի. ոչինչ, գոնե մարտում պատիվը կփրկեր:
Ու այսքանից հետո Շահրամանյանն ավտոմեքենան համարում է «Արցախի մնացորդների վերացման հարց...»: Նրա համար այս պահին այդ ավտոմեքենա՞ն է «Արցախի մնացորդը», թե՞ սեփական ժողովուրդը:
Ու ամենավատն այն է, որ կարող է նույն խելքին է նաեւ Նիկոլը: Նա եւս կարող է, ԱՀ նախագահի երբեմնի ծառայողական ավտոմեքենան ընկալել, որպես «Արցախի խորհրդանիշ» եւ ոչնչացնել: Էլ չասած, որ Արցախի վրա, որի միակ կերպարը սույն ներկայացուցչությունն է, մինչ այժմ միայն թուրքերն են հարձակվել: Չնայած, մինչ աժմ էլ միայն թուրքերն են հարձակվել:
Ի դեպ, այս մեքենայի պատմությունը եւս մեկ տեսանկյունից ցույց տվեց, թե ինչու այսօր Արցախ` իր մինչնիկոլյան մեծ եւ փառավոր իմաստով, չունենք:
https://iravunk.com/sim/?p=286609&l=am/