o C     18. 08. 2019   : :

ԿԱՐՃ ԼՈՒՐԵՐ

Հարվի Վայնշտեյնը 44 մլն դոլար է առաջարկել տուժած կանանց ու վարկատուներին. The Wall Street Journal

26.05.2019 17:25 ՄԻՋԱԶԳԱՅԻՆ
Հարվի Վայնշտեյնը 44 մլն դոլար է առաջարկել տուժած կանանց ու վարկատուներին. The Wall Street Journal

Ամերիկացի պրոդյուսեր Հարվի Վայնշտեյնը, որը մեղադրվում է բռնաբարությունների եւ սեռական ոտնձգությունների մեջ, առաջարկել է 44 մլն դոլար վճարել տուժած կանանց եւ այն վարկատուներին, որոնք գործակցում էին իր Weinstein Company պրոդյուսերական ընկերության հետ: Այդ մասին հայտնել է The Wall Street Journal-ը:

ԱՄՆ-ը 4,3 մլրդ դոլարով կկրճատի միջազգային օգնության ծախսերը. Politico

Նա վկայակոչում է այն տեղեկատվությունը, որը Վայնշտեյնի փաստաբաններից ստացել է սնանկացումների գործերով Դելավերի նահանգում անցկացվող դատավարության ժամանակ:

Ինչպես պարզաբանում է հրատարակությունը, հաշտության համաձայնագրի նախագիծը ոչ մի կերպ չի վերաբերում Նյու Յորքում պրոդյուսերի նկատմամբ դատավարությանը, որն սկսվելու է հունիսին եւ ընթանալու է մամուլի համար փակ ռեժիմով: Դատական նիստում քննարկվելու է այն հարցը, թե Վայնշտեյնի գործով դատավարության ընթացքում լսվելու են արդյոք այն կանանց ցուցմունքները, որոնք պնդում են, թե պրոդյուսերի կողմից ենթարկվել են սեռական բնույթի բռնի գործողությունների, սակայն նրա նկատմամբ հայցեր չեն ներկայացրել: 2017 թվականի հոկտեմբերին The New York Times թերթը նյութ էր հրապարակել, որում Վայնշտեյնը մեղադրվում է բազմաթիվ սեռական ոտնձգությունների մեջ:

Հրատարակության տեղեկությունների համաձայն, պրոդյուսերը 30 տարի իր ընկերության երիտասարդ դերասանուհիներին ու աշխատակցուհիներին ներքաշել է ինտիմ հարաբերությունների մեջ՝ դրա դիմաց խոստանալով կարիերային առաջխաղացում: Այդ ժամանակվանից Վայնշտեյնի հասցեին մեղադրանքներով հանդես է եկել արդեն ավելի քան 80 կին, այդ թվում՝ դերասանուհիներ Անջելինա Ջոլին, Գվինեթ Փելթրոուն եւ Սալմա Հայեքը: Վայնշտեյնը իր մեղքը ժխտում է, հաղորդել է ՏԱՍՍ գործակալությունը:

 

КОМСОМОЛЬСКАЯ ПРАВДА