o C     21. 09. 2019   : :

ԿԱՐՃ ԼՈՒՐԵՐ

Ատոմակայանը կգործարկվի օգոստոսի մեկից. Նիկոլ Փաշինյան

19.07.2018 16:36 ՕՐՎԱ ՊԱՏԿԵՐ ՏՆՏԵՍՈՒԹՅՈՒՆ
Ատոմակայանը կգործարկվի օգոստոսի մեկից. Նիկոլ Փաշինյան

Այսօր կառավարության հերթական նիստին էներգետիկ ենթակառուցվածքների և բնական պաշարների նորանշանակ նախարար Արթուր Գրիգորյանը ներկայացրեց «Հայկական ատոմային էլեկտրակայան» փակ բաժնետիրական ընկերության 2-րդ էներգաբլոկի պլանային նախապատրաստական վերանորոգման աշխատանքների շրջանակում անմիջապես արտադրողից և մեկ անձից գնման ընթացակարգով գնման գործընթացներ կազմակերպելու մասին որոշման նախագիծը:

Ցավում եմ, բայց Փաշինյանին սաստելու են Վենետիկի հանձնաժողովից. Արմեն Աշոտյան

«Այսինքն՝ գնման թույլտվությունը մենք նոր ենք տալիս, մինչդեռ երկու օր առաջ մեր խորհրդակցության ժամանակ ասացիք, որ օգոստոսի մեկին ատոմակայանը կվերագործարկվի, բա էս գնումների՝ այսքան ուշ կառավարության հասնելն այդ պլանների վրա ինչպե՞ս է ազդում»,-հետաքրքրվեց Նիկոլ Փաշինյանը:

Արթուր Գրիգորյանն ասաց, որ բոլոր ճշգրտումներն արված են, և կան դեպքեր, որ անհնարին է եղել ժամանակին նախատեսել:

«Այսինքն՝ պլանային աշխատանքների ընթացքում սարքավորումները բացել են, տեսել են, որ մեջը կա ապրանքի մի տեսակ, որը ենթակա է փոփոխման»,-ասաց նա:

Նիկոլ Փաշինյանը հետաքրքրվեց, թե կարո՞ղ է այնպես լինել, որ պարզվի՝ ապրանքներն արդեն գնվել են, և կառավարությունն ուղղակի որոշում է կայացնում:

Նախարարն ասաց, որ կան ապրանքներ, որոնց վերաբերյալ պայմանագրերը կնքված են, և ապրանքները տեղում են: «Ուրիշ տարբերակ չունեինք, հակառակ դեպքում՝  ուշանում էինք: Կան ապրանքներ, որոնք ձեռք են բերվում Ռուսաստանից, Չեխիայից, Բելգիայից, որպեսզի մենք չուշանայինք, ստիպված ենք եղել արտակարգ ռեժիմով աշխատել, որ գրաֆիկից հետ չընկնենք»,-ասաց նա:

Նիկոլ Փաշինյանը հետաքրքրվեց ապրանքների ցանկով և նշեց, որ ատոմակայանն  այսպես թե այնպես օգոստոսի մեկից կգործարկվի, անկախ նրանից՝ այս որոշումն  ընդունեն, թե ոչ: «Ես առաջակում եմ այս որոշումն ավելի ուշադիր նայենք, հետո նոր կայացնենք: Եկեք հասկանանք՝ ինչ է գնվել, որտեղից, ինչ գնով, իսկ հետո կպարզվի՝ ամեն ինչ կարգին է, այս որոշումը կընունենք»,-ասաց նա և ստացավ կառավարության անդամների համաձայնությունը:

 

 

КОМСОМОЛЬСКАЯ ПРАВДА