ԿԱՐՃ ԼՈՒՐԵՐ

Մեր թշնամիները կփորձեն կազմակերպել սադրանքներ եւ բախումներ. Հ. Բաբուխանյանը` ընտրությունների մասին

20.03.2017 15:22 ՕՐՎԱ ՊԱՏԿԵՐ ՔԱՂԱՔԱԿԱՆ
Մեր թշնամիները կփորձեն կազմակերպել սադրանքներ եւ բախումներ. Հ. Բաբուխանյանը` ընտրությունների մասին

Այսօր <Նոյան տապան> լրատվական գործակալությունում ՍԻՄ նախագահ, ԱԺ պատգամավոր Հայկ Բաբուխանյանը, որը ընդգրկված է ՀՀԿ նախընտրական ցուցակում:

«Էս երկու օրը մեր կինոյի տղեն Ալենն ա, բայց ոչ Դելոնը»

 Ինչպե՞ս եք գնահատում նախընտրական գործընթացները հարցին պատասխանելիս, նա առանձնացրեց երեք կարեւոր դրույթ.

1. Մեր ազգի թշնամիներին դուր չի գալիս, որ մենք հանգիստ ու քաղաքակիրթ կերպով ենք անցկացնում նախընտրական քարոզը: Իհարկե դա ոմացն համար տհաճ անակնկալ էր: ՀՀ-ում ընդունված էր թեժ անցկացնել ընտրությունները: Կարծում եմ, որ այս ընթացքը շատ ավելի բնորոշ է մեր ազգին, քան ավելորդ եւ անիմաստ թեժությունը: Մեր թշնամիներին դա ձեռք չի տալիս եւ իրենք կփորձեն կազմակերպել սադրանքներ, բախումներ, որպեսզի մեր այս հանդարտ ու քաղաքակիրթ ընթացքը փոխեն եւ ցուցադրեն աշխարհին, թե մենք այլ կերպ չենք կարող: Ուզում եմ նախազգուշացնել, որ նաման դեպքեր եղել են անցյալում եւ կարող են լինել այս անգամ, քանի որ  արվելու է ամեն բան որ շեղվի քաղաքակիրթ ընթացքը: Վերցրեք նախորդ ընտրությունները, որտեղ տեղի ունեցավ Պարույր Հայրիկյանի դեպքը: Դա մեկ նպատասկ ուներ` խճճել  ընտրությունները եւ տանել այլ ճանապարհով:

2. Մենք ապրում ենք մեծ  մերձավոր արեւելքի տարածաշրջանում, որտեղ ընթանում են կարգավորման գործընթացներ եւ առաջ են եկել շատ անսպասելի համագործակցության ձեւաչաձեր, որոքն մինչ այդ դժվար էր պատկերացնել: Օրինակ` ՌԴ-Թուրքիա-Իրան` Սիրիայի հարցում: Այս երեք երկրները իրար հետ միշտ ունեցել են բազում խնդիրներ` Սիրիայի կամ արաբական աշխարհի հարցերում: Տեղի են ունենում խոշոր փոփոխություններ եւ տեսնում ենք Արցախի շուրջ ոչ միայն լարվում է իրավիճակը այլեւ գնում են բանակցային գործընթացներ, որոնք վերջին շրջանում արագացան: Որովհետեւ մեծ, գլոբալ կարգավորման ընթացքում, երբ բազմաթիվ կողմեր ճշտում են իրենց ներկայությունը տարածաշրջանում,  ԼՂ հարցի լուծումը արագանում է` գոնե բանակցային գործընթացի առումով: Մենք տեսանք, որ օրեր առաջ վերսկսվեցին հայ-թուրքական կարգավորման շուրջ խոսակցությունները եւ ՌԴ ԱԳ նախարար Ս. Լավորվը հայտարարեց, որ երբ ՀՀ-ն եւ Թուրքիան կվերսկսեն բանակցային գործընթացը  Ռուսաստանը դրան կաջակցի: Այսինքն ընթանում են լուրջ գործընթացներ եւ այս համատեքստում մեր թշնամիները կցանկանային, որ մենք լինենք ավելի թույլ, պառակտված, որ հայ ժողովուրդը մոռանա իր առջեւ ծառացած հիմնական խնդիրները` անվտանգությունը, երկրի ամբողջականությունը, պաշտպանվածությունը եւ տրվեր աթոռների բաժանման գործին:

3.  Թրամփի` ԱՄՆ նախագահի պաշտոնում ընտրվելուց հետո, համաշխարային համակարգի փոփոխման երեւույթն է: Անկասկած այդ առումով կա որոշակի անորոշություն, երբ պայքարը պահպանողականների եւ ծայրահեղ լիբերալիստների միջեւ ստացել է նոր ընթացք: Թրամփը ավելի շատ ներկայացնում է պահպանողական գաղափարախոսությունը: Այսօր տեսնում եք, թե ինչպես են բախվում Թրամփին ԱՄՆ  լիբերալ շրջանակները, որոնք տիրում էին ոչ միայն Միացյալ նահանգներին, այլ կարելի է ասել ամբողջ աշխարհում ունեին գերակշռություն: Այսօր ռեֆորմիստական տրամադրություններ են նկատվում ոչ միայն ԱՄՆ-ի արտաքին ու ներքին քաղաքականության մեջ, այլեւ գաղափարախոսության, քաղաքակրթական մոտեցումների մեջ: Այստեղ դրված է ՆԱՏՕ-ի վերափոխման խնդիր, Եվրամիությունն  է անցնում շատ դժվար փուլ, իսկ այս ամենը ունի եւ ունենալու է իր վտանգավոր արձագանքը մեր տարածաշրջանում եւ մասնավորապես Հայաստանում:

Արտահերթ ընտրությունների անցկացման հարցը պետք է որոշվի Ազգային ժողովում. ՀՀ նախագահ

Ահա այս միջազգային բարդագույն մթնոլորտում են տեղի ունենուն մեր ընտրությունները:

Մանրամասները տեսանյութերում. 

ԱՐՄԵՆՈՒՀԻ ՀԱԿՈԲՅԱՆ

 

 

 

 

КОМСОМОЛЬСКАЯ ПРАВДА