o C     29. 05. 2020   : :

ԿԱՐՃ ԼՈՒՐԵՐ

Տեսնելով, որ թուրքերը մոտենում են Սասունս իր գնդացրով վեր է կացել ու խփելով՝ առաջ գնացել. Հերոս Սասուն Մկրտչյանի մայրիկի հիշողությունները թարմ են

02.04.2020 19:15 ՕՐՎԱ ՊԱՏԿԵՐ ՀԱՆՐՈՒԹՅՈՒՆ
Տեսնելով, որ թուրքերը մոտենում են Սասունս իր գնդացրով վեր է կացել ու խփելով՝ առաջ գնացել. Հերոս Սասուն Մկրտչյանի մայրիկի հիշողությունները թարմ են

Կորոնավիրուսի կանխարգելման նպատակով հաստատված Արտակարգ դրության ռեժիմով պայմանավորված՝ շատերը մոռացել են, որ 4 տարի առաջ այս օրերին մեր հերոս տղաները կյանքի գնով պաշտպանեցին մեր դիրքերը թշնամուց: Հիշեցնենք, որ 2016 թվականի ապրիլի 1-ի լույս 2-ի գիշերը ադրբեջանական կողմը Արցախի Հանրապետության նկատմամբ սկսեց լայնածավալ հարձակողական գործողություններ, կիրառելով իր զինանոցում եղած ռազմական տեխնիկայի գրեթե բոլոր հնարավոր տեսակները: Ապրիլի լույս 5-ի գիշերը առաջնային գծի հարավային ուղղությամբ Ադրբեջանի զինված ուժերը կիրառել են «Սմերչ» համազարկային կրակի ռեակտիվ համակարգ: Ժամը 12․00-ի դրությամբ հաստատվել է հրադադար, դադարեցվել են ռազմական գործողությունները: Վերջնական տվյալներով` հայկական կողմից ռազմական գործողությունների հետեւանքով զոհվել է 110 եւ վիրավորվել 121 զինծառայող եւ կամավորական:

Սերժ Սարգսյանի անունից ծաղկեպսակ է դրվել Սարդարապատի հերոսամարտի հուշահամալիրում

2016թվականի ապրիլի 2-ին Թալիշում հակառակորդի գրաված դիրքերը հետ վերցնելու գործողությունների ժամանակ հերոսաբար իր կյանքը հայրենիքին նվիրաբերեց նաեւ 27 տարին դեռ չբոլորած ՍԱՍՈՒՆ ՄԿՐՏՉՅԱՆԸ, ով հետմահու պարգևատրվել է Հայաստանի Հանրապետության «Մարտական խաչ» I աստիճանի շքանշանով, իսկ ԼՂՀ նախագահ Բակո Սահակյանի հրամանագրով՝ պարգևատրվել է «Մարտական ծառայության» մեդալով։
Հատուկ նշանակության ջոկատի հետախույզ, գնդացրորդ 27-ամյա Սասուն Մկրտչյանը, մինչ հատուկջոկատային լինելը, ծառայել էր խաղաղապահ զորքերում, աշխատել Վերաքննիչ դատարանում: Ողբերգական էր նաեւ այն, որ ընդամենը 5 օրից` ապրիլի 7-ին Սասունը պետք է նշանադրվեր, իսկ ամռանը` ամուսնանար:

Առաջարկում եմ Է. Մարուքյանի դեմ կատարված բռնության փորձ անողին պատասխանատվության կանչել նույն հոդվածով, ինչ Ա. Ալեքսանյանին

«Շատ նպատակներ ուներ Սասունս, բայց այդ պահին միայն իր ընկերների ու հայրենիք մասին է մտածել»,-չորս տարի անց վերհիշելով հերոս որդու կորուստը՝ հուզմունքը մի կերպ զսպելով «Իրավունքի» հետ զրույցում ասաց ապրիլյան քառօրյա պատերազմի հերոս Սասուն Մկրտչյանի մայրը՝ ՆԱՐԻՆԵ ԿՐԱԿՈՍՅԱՆԸ, հավելելով.

Երկու տատիկներս էլ մինչեւ վերջին շունչը հավատում էին, որ իրենց հայրն ու եղբայրը չեն զոհվել. Լիլիթ Ստեփանյան

-Սասունը միայն ֆիզիկապես է բացակա, որովհետեւ ամեն րոպե, ամեն վարկյան ինքը մեր հետ է՝ թե՛ տանը, թե՛դրսում, թե՛ աշխատանքի վայրում: Ամենուրեք տղաս իմ հետ է ՝ հեռախոսը բացում եմ իր նկարն է, տուն եմ մտնում իր նկարներն են, միշտ՝ միշտ ինքը իմ հետ է: Իսկ այն ֆիզիկական բացը, որ թողել է դա երբեք, երբեք չի լրանա: Ուղղակի մի քիչ փարատվում ենք, երբ մեր տղաների մասին հիշում են, գրում են, միջոցառումներ են անում: Երբ տեսնում ենք, թե մարդիկ ինչ հարգանքով, ինչ ցավով են Եռաբլուր գալիս: Այդ ամենը մեզ ներքուստ ուժ է տալիս, զգում ենք, որ մարդիկ գնահատում եւ արժեւորում են մեր տղաների թափած արյունը հայրենիքի համար:

Այսօր Սասուն Մկրտչյանի մայրիկի ծննդյան օրն է

Վերհիշելով որդու հետ վերջին հանդիպումը հերոսածին մայրը հուզմունքը զսպելով վերհիշեց․

- Մարտի 15-ից Արցախում  էր՝ Թալիշի դիրքերում, ապրիլի մեկին երեկոյան տուն վերադարձավ Սասունս: Երեկոյան ութի կողմերն էր, ինչպես միշտ մեծ սիրով, ընկերներով, հարազատներով նրան դիմավորեցինք, ներկա էր նաեւ Սասունիս ապագա հարսնացուն:  Բոլորս ուրախ սրտով նստեցինք հացի սեղանի շուրջ:  Ամեն ինչ լավ էր, մինչեւ չարաբաստիկ ապրիլի 1-ի, լույս երկուսի գիշերը:  Ցավոք դա որդուս վերջին այցն էր հայրական տուն, կարծես մի քանի ժամով եկել էր մեզ հրաժեշտ տալու, որ գնա…գնա անվերադարձ:  Ափսոս, որ ոչ մեկ չէր պատկերացնում, որ դա մեր որդու վերջին խոսակցությյունն էր լինելու, վերջին համբույրը, վերջին հանդիպումը …շատ-շատ դաժան են այդ օրվա հիշողությունները:

Ընկերները, որ պատմում են, թե ոնց են հասել Թալիշ ու Թալիշից բարձրացել դիրքեր՝  հրաշքի է նման, մի կերպ արկերի պայթյունի տակ հասել են դիրքեր:  Մինչև Թալիշ հասնելը մի քանի անգամ խոսել ենք Սասունի հետ, հորդորել են զգույշ լինել, լուրերից արդեն տեղյակ էինք, թե ինչ է կատարվում Արցախում: Ապրիլի 2-ի լույս 3-ի գիշերը ո՛չ ես, ո՛չ ամուսինս չէինք կարողանում քնել, սպասում են սահմանից լուրերի: Մի պահ ինձ ահավոր  վատ է զգացի, ամբողջ մարմնով ցնցվեցի: Հետո է իմացա, որ մինուճար որդիս այդ նույն ժամին զոհվել է թշնամու գնդակից:

Սասունիս ընկերները պատմում են, որ Թալիշի դիրքերից մեկը գրավելուց հետո Սասունիս գնդացիրը փչացել է, հորդորել են՝ առաջ չգնա, բայց չի ենթարկվել: Սասունը խնդրել է զինակցին վառել կրակայրիչը և սկսել է քանդել գնդացիրը։ Այն կարգի բերելուց հետո կրկին շտապել է վերադարձնել կորցրած դիրքերը։ Ընկերներն ասում են, որ տեսնելով, որ թուրքերը մոտենում են Սասունս իր գնդացրով վեր է կացել ու խփելով՝ առաջ գնացել, սակայն դիպուկահարի կրակից ծանր վիրավորվել է, պտտվող գնդակ է եղել:  Ընկերներն իջեցրել են ներքև, սակայն Սասունի կյանքը փրկել չի հաջողվել։ Դրանից հետո նրանք շարունակել են կռիվը ու երկրորդ դիրքը հետ վերցրել:
 

Զրույցը՝ ԻԼՈՆԱ ԱԶԱՐՅԱՆԻ

 

 

КОМСОМОЛЬСКАЯ ПРАВДА