«Ժողովրդավարության բաստիոնում» տեղի ունեցածը հավերժ գրանցվելու է, որպես խայտառակությունն. Ալլա Հակոբյան

Հիշու՞մ եք Մաո Ցզեդունի կնոջ անունը։ Կարծում եմ, որ մարդկանց մեծամասնությունը վաղուց մոռացել է Ցզյան Ցինին, ով հայտնի է նաեւ Լան Պինգ բեմական անունով։ Այս անունը ԴԱԺԱՆ եւ ԽՈՐԱՄԱՆԿ կնոջ անվանում է դարձել, մարդ, ով հարթում է իր ճանապարհը դեպի իշխանության բարձունքները բոլոր թույլատրելի եւ անթույլատրելի միջոցներով: 1938 թվականին դառնալով Մաո Ցզեդունի կինը, նա մտավ Չինաստանի իշխանության ամենաբարձր օղակները եւ մեծ դեր խաղաց «Մշակութային Հեղափոխության» ղեկավարման ընթացքում:

Իսկ հիշու՞մ եք, թե ովքեր են խունվեյբինները, որը կարելի է թարգմանել «կարմիր ՊԱՀԱՊԱՆՆԵՐ, կամ ԹԻԿՆԱՊԱՀՆԵՐ»: Կարծում եմ, որ ՇԱՏԵՐԸ չեն հիշում... Իզուր... Սրանք ուսանողներ էին, ովքեր հետեւելով Մաո Ցզեդունի «Կրակ շտաբերի վրա» կարգախոսին, պատի ԹԵՐԹԵՐՈՒՄ ՔՆՆԱԴԱՏՈՒՄ էին անցանկալի առաջնորդներին։ Հենց այդ կարգախոսով 1966 թ. դրվեց «Մշակութային Հեղափոխության» սկիզբը: Այս կարգախոսը նշանակում էր կուսակցական ապարատի ՌԵՎԻԶՈՆԻԶՄԻ եւ բյուրոկրատիայի ՔՆՆԱԴԱՏՈՒԹՅՈՒՆ, ինչպես նաեւ պրոլետարիատի անմիջական դիկտատուրայի իրականացում։ Հետեւաբար, «Մշակութային Հեղափոխության» իրականացման մեջ ներքաշվեցին ոչ միայն ուսանողներն, այլեւ բանվոր-ցզաոֆանները, ինչը թարգմանաբար նշանակում է խռովարար, բունտարար։

Շուտով, ինչպես տեղի է ունենում ցանկացած հեղափոխության ժամանակ, նրանք անցանկալի առաջնորդների ՔՆՆԱԴԱՏՈՒԹՅՈՒՆԻՑ պարզապես պատի ԹԵՐԹԵՐՈՒՄ, անցան ավելի «հեղափոխական» գործողությունների: Նրանք սկսեցին գրոհել ԲՈՒՀ-երի կուսակցական կոմիտեների եւ վարչակազմերի տարածքները՝ դուրս շպրտելով դրանց ղեկավարությանը փողոց: Ղեկավար Մաոյի հակառակորդներին (պրոֆեսորներին, մտավորականներին) խունվեյբինները ենթարկում էին նվաստացման եւ ֆիզիկական բռնության, սովորաբար ՀԱՆՐԱՅԻՆ: Վերջ ի վերջո, հեղափոխությունը երկիրը գցեց քաոսի մեջ, քանի որ «Մշակութային Հեղափոխության» ժամանակ Չինաստանի Պետական ​​քաղաքականությունն էր դարձել վերջ տալ «չորս մնացուկներին»:  

Այդ «չորս մնացուկներն» էին՝ Հին մտածողությունը, Հին մշակույթը, Հին սովորությունները, Հին ավանդույթները: Ինչ-որ ծանոթ շունչ փչեց, այնպես չէ՞:

Հայաստանում արդեն վեցերորդ տարին է ինչ անհասկացող «պողոսների» գլուխը, ում 2018-ին հայտարարեցին «վարչապետներ», մտցնում են, որ պետք է հրաժարվել հին մտածողությունից, հին մշակույթից, հին սովորություններից, հին ավանդույթներից։ Տեսնելով, որ լրատվամիջոցների եւ որոշ հեռուստաալիքների միջոցով այդ պարզ «մեթոդը» դրական արդյունք չի տալիս, եւ որ ժողովուրդը ՉԻ ուզում մոռանալ իր ՊԱՏՄՈՒԹՅՈՒՆԸ, ՄՇԱԿՈՒՅԹԸ, ՍՈՎՈՐՈՒՅԹՆԵՐԸ եւ ՑԵՂԱՍՊԱՆՈՒԹՅՈՒՆԸ, Հայաստանի մերօրյա դիմակավորված խունվեյբինները ԴՈՒՐՍ ՇՊՐՏԵՑԻՆ Սամվել Վարդանյանին մեքենայից, որով իշխանության ներկայացուցիչները Սամվելին ոստիկանական բաժանմունք էին տանում: Հիշեցնեմ, որ Չինաստանում «Մշակութային Հեղափոխության» ժամանակ մարդկանց անցնող գնացքներից էլ էին նույնիսկ դուրս նետում, այնպես որ, դեռ պիտի փառք տանք Աստծուն, որ Սամվել Վարդանյանը ողջ է, բայց, այնուամենայնիվ, ինչպես Չինաստանում «Մշակութային Հեղափոխության» ժամանակ, նրան ցուցադրաբար նվաստացրին՝  ե՛ւ ԲԱՐՈՅԱՊԵՍ, ե՛ւ ՖԻԶԻԿԱՊԵՍ։

Քանի որ, բոլորն ամեն ինչ հասկանում են, եւ, ավաղ, «ժողովրդավարության բաստիոնում» տեղի ունեցածը հավերժ գրանցվելու է, որպես ԽԱՅՏԱՌԱԿՈՒԹՅՈՒՆ՝ ոչ միայն հայ ոստիկանների, այլ նաեւ ՀՀ իշխանությունների համար, վերադառնանք Լան Պինի, կամ եթե ցանկանում եք՝ Ցզյան Ցզինի, ճակատագրին։ Մաո Ցզեդունի մահից հետո նրա 62-ամյա այրին դասվեց «Չորսի բանդա»-յի շարքին եւ դատվեց «Մշակութային Հեղափոխության» ժամանակաշրջանի ՀԱՆՑԱԳՈՐԾՈՒԹՅՈՒՆՆԵՐԻ համար։ Նա դատապարտվել է մահապատժի, որը փոխարինվել է ցմահ ազատազրկմամբ։ Բժշկական պատճառներով Ցզյան Ցզինն ազատ է արձակվել՝ նրա մոտ կոկորդի քաղցկեղ է ախտորոշվել:

Ազատվելուց անմիջապես հետո նա հիվանդանոցում կախվել է։

Գրող, հրապարակախոս

ԱԼԼԱ ՀԱԿՈԲՅԱՆ

Այս թեմայով Ո՞րն է այն գաղափարը, որի շուրջ կարող են ընդդիմադիրները համախմբվել. Վազգեն Սաֆարյան Դուք ծիծաղում եք սրանց վրա, մինչդեռ սրանք իրենց սեւ գործն են անում ու ծիծաղում հայ ժողովրդի վրա. Վարդանյան Միշտ մեր ժողովուրդը ոչ թե գնացել է ընտրելու, այլ՝ մերժելու. Վազգեն Սաֆարյան (ԱՆՈՆՍ) Վերագտնել մեզ. Լիլիթ Գալստյան Իսկ մեզ դարձյալ շեղում են... Այժմ էլ ռետրո մեքենաներով. Ալլա Հակոբյան