Ուր հասան «Միասին»-ի քաղաքական բանակցությունները

Ազատության հրապարակում կայացավ «Միասին» շարժման հերթական հանրահավաքը: Ինչ խոսք, դրական է այն, որ նախորդ հանրահավաքից դասեր քաղած` այս անգամ հարթակում չկար կարգալույծ նախկին հոգեւորական: Հարթակը համալրվել էր ՀՀ նախկին վարչապետ Հրանտ Բագրատյանով եւ ԱԻՄ նախագահ Պարույր Հայրիկյանով: Սակայն, նախորդ հանրահավաքին խոստացված քաղաքական բանակցությունները ընդդիմադիր ուժերի հետ, կարծես թե, էական արդյունքներ չեն տվել: Համենայնդեպս, ի տարբերություն նախորդ հանրահավաքի` այս անգամ խորհրդարանական ընդդիմությունից ներկայացուցիչներ չկային: Շարժման ղեկավարներից Հայաստանի Դեմոկրատական կուսակցության նախագահ Արամ Գ. Սարգսյանը, թեպետ չմանրամասնեց, թե որ ընդդիմադիր քաղաքական ուժերի հետ են բանակցություններ ունեցել, բայց նշեց, որ Նիկոլ Փաշինյանին հեռացնելու հարցում բոլորը միակարծիք են: Այդուհանդերձ, փաստենք, որ չնայած Նիկոլ Փաշինյանին հեռացնելու հարցում կա որոշակի կոնսենսուս ընդդիմադիր դաշտում, բայց «Միասին»-ին միանալու օրակարգ այդպես էլ չի ձեւավորվում: Ավելին` այս անգամ հարթակում չէր նաեւ շարժման խորհրդի մաս կազմող Լեհաստանում ՀՀ նախկին դեսպան Էդգար Ղազարյանը:

Ի վերջո, ինչ քայլեր է պատրաստվում անել «Միասին»-ը, հարթակից ԱԻՄ նախագահ Պ. Հայրիկյանն առաջարկեց մեկ շաբաթ անց հավաքվել ՀՀ գլխավոր դատախազության դիմաց եւ պահանջել, որպեսզի բանտարկեն Նիկոլ Փաշինյանին: Իսկ Արամ Գասպարիչը նշեց նաեւ մարզային այցելություններ կատարելու անհրաժեշտության մասին:

Այս թեմայով Դուք նվեր եք՝ որպես ընդդիմություն, երազանքի ընդդիմություն. Ալեն Սիմոնյանը՝ Գեղամ Մանուկյանին Փաշինյանը Փարիզում է «Պարույր Սևակը երգերում» նոտաների ժողովածուի շնորհանդեսը` Գրականության և արվեստի թանգարանում Դոնալդ Թրամփ կրտսեր. Սորոսի. հերթական փորձը՝ կեղծելու արդյունքները և ժխտելու ժողովրդի կամքը Ռուսաստանը Իրանի և Թուրքիայի հետ միասին քայլեր կձեռնարկի, որպեսզի Սիրիայում դեէսկալացիայի կոչը լսվի. Լավրով