Նիկոլ Փաշինյանն ասում է տիեզերական ամենամեծ սուտը. Ինեսա Բարսեղյան
ՏեսանյութերՀՀԿ խորհրդի անդամ ԻՆԵՍԱ ԲԱՐՍԵՂՅԱՆՆ «Իրավունք TV»-ի տաղավարում ասաց, որ Նիկոլ Փաշինյանն ամեն անգամ իր հարցազրույցներում կրկնում է նույն թեզերն ու ստերը, որոնք ստիպված ենք լինում կրկին հերքել: Թե որոնք են այդ շարքում հիմնական ստերը, մեր զրուցակիցը նշեց կետ առ կետ:
— 1. Նիկոլ Փաշինյանն ասում է տիեզերական ամենամեծ սուտը, թե Արցախը Ադրբեջանի կազմում Հայաստանը ճանաչել է դեռեւս 2007 թվականից: Մադրիդյան սկզբունքները, որոնք հենց այդ թվականին են ընդունվել, հստակ փաստաթղթով ամրագրում է տարածքային ամբողջականության, ուժի սպառնալիքի չկիրառման եւ ազգերի ինքնորոշման իրավունքի մասին թեզերը: Այսինքն` արդեն 2007 թվականի փաստաթղթով հստակ ամրագրված է, որ Արցախի ժողովուրդն ունի ինքնորոշման իրավունք, էլ ինչի՞ մասին է խոսքը: Բացի այդ, 2016 թվականի հոկտեմբերին Ալիեւն ինքնախոստովանեց, որ փակ դռների հետեւում իրեն ստիպում են ճանաչել Արցախի անկախությունը: Ինչպե՞ս է ստացվում, որ եթե 2007 թվականից հետո Արցախն արդեն հանձնված էր, բայց 2016 թվականին Ալիեւը նման հայտարարություն է անում: Ի վերջո, եթե Արցախը, Նիկոլ Փաշինյանի ասելով, նախկինների օրոք էր տրվել, ինչու Ադրբեջանն այն ժամանակ օր առաջ չէր շտապում ստանալ այն, ինչ տրվել էր: 2007-ի եւ 2020-ի միջեւ 13 տարվա միջակայք կա, ինչո՞ւ Ալիեւը չէր շտապում օր առաջ վերցնել այն:
2. Նիկոլ Փաշինյանն ասում է, որ Էրդողանի հետ շփումները գնահատում է դրական: Փաստացի նա մեկ Ալիեւին էր համարում կիրթ ու կառուցողական, մեկ էլ Էրդողանի հետ շփումներն է համարում դրական: Եվ սա այն պարագայում, երբ Էրդողանի գործուն աջակցությամբ Ալիեւը սպանեց եւ շարունակաբար սպանում է հայ զինվորներին: Նրանք երկուսն էլ անթաքույց խոսում են իրենց ծավալապաշտական նկրտումներից, որ քարտեզի վրա առհասարակ Հայաստանը չպետք է լինի, ու գործում են Հայասստանի եւ հայ ժողովրդի ոչնչացման նպատակով:
3. Խոսում է 1991 թվականի Ալմա-Աթայի դեկլարացիայից` ասելով, որ ՀՀ Սահմանադրության բաղկացուցիչ մասն է, ինչպե՞ս կարող է նա չընդունել: Ընդ որում` այս դեկլարացիային հղում էր արվել դեռեւս հոկտեմբերի 6-ին Պրահայում` քառակողմ հանդիպման ընթացքում, երբ կողմերը պարտավորվում էին երկուստեք ճանաչել միմյանց տարածքային ամբողջականությունն ու ինքնիշխանությունը, ինչը ենթադրում է Արցախի փաստացի հանձնում Ադրբեջանին: Իսկ ո՞ւր մնաց ժողովրդի ինքնորոշման իրավունքը, որի վերաբերյալ խոսք անգամ չի ասվել, ու որին հղում չի արվում: Եթե դու գործում ես հայ ժողովրդի շահերից, եթե այդքան մտահոգ ես ՀՀ Սահմանադրության օրենքների իրացմամբ, ինչո՞ւ հանդես չես գալիս հայ ժողովրդի համար կենսական նշանակության տեսանկյունից, այլ խոսում ես այն թեզերից, որոնք շահեկան են միայն թուրքին:
4. Ասում է ՌԴ խաղաղապահներն Արցախում իրենց առաքելությունն իրականացնում են ՌԴ Դաշնային խորհրդի ընդունած որոշման հիման վրա: Սա էլ հերթական կեղծիքն է, քանզի բոլորս շատ լավ գիտենք, որ ռուս խաղաղապահների տեղակայման որոշումն ամրագրվել է հենց 2020 թ. նոյեմբերի 9-ի խայտառակ կապիտուլիացիոն փաստաթղթի արդյունքում: Այդտեղ որեւէ խոսք չի եղել ՌԴ Դաշնային խորհրդի մասին, եւ սա հստակ ամրագրված է հենց այդ կապիտուլիացիոն փաստաթղթով:
5. Նիկոլ Փաշինյանը կառավարության նիստում ասում էր, թե ռուս խաղաղապահները գտնվում են Արցախում անժամկետ, իսկ ընդամենը մեկ օր անց իր ինքնահարցազրույցում նշում է, թե պատրաստվում է ստորագրել մի փաստաթուղթ, որով ինքնաբերաբար, խաղաղապահների առաքելությունը երկրաձգվում է: Մինչդեռ հենց նույն նոյեմբերի 9-ի փաստաթղթով հստակ ամրագրված է, որ ռուս խաղաղապահներն Արցախում տեղակայվում են 5 տարի ժամկետով, եւ միայն այն լրանալուց հետո են կողմերը որոշում, թե արդյոք ցանկանում եմ ժամկետը երկարաձգել:
ՀՐԱՆՏ ՍԱՐԱՖՅԱՆ
https://iravunk.com/sim/?p=241471&l=am/