Հաշվի առնելով հյուրերի ու հանդիսատեսի մեծ թիվը՝ «Միսս ԱՊՀ-2022» մրցույթը տեղի կունենա Մարզահամերգային համալիրում
ՄշակութայինՀունիսի 17-ին, ժամը` 21:00-ին Կ. Դեմիրճյանի անվան մարզահամերգային համալիրում կկայանա «Միսս ԱՊՀ-2022» միջազգային գեղեցկության մրցույթի եզրափակիչ փուլը, որը Հայաստանում անցկացվում է երկրորդ անգամ։
Մրցույթին մասնակցելու համար Հայաստան կժամանեն 18-25 տարեկան 25 գեղեցկուհիներ ոչ միայն ԱՊՀ-ից, այլեւ Արեւելյան Եվրոպայի մի շարք երկրներից։ Մասնակիցները ՀՀ կժամանեն հունիսի 3-ին եւ Հայաստանում կմնան 15 օր, որոնց ընթացքում կկազմակերպվեն այցեր երկրի տարբեր պատմամշակութային վայրեր։
Երեկոն կվարի Ավետ Բարսեղյանն ու Կատյա Գուսեւան: Միջոցառման հանդիսավեր բացմանը գեղեցիկ կատարումներով հանդես կգան Կամո Սեյրանյանն ու Իվետա Մուկուչյանը , ինչպես նաեւ ԱՊՀ երկրներից ժամանած ճանաչված պարային խմբեր:
Մրցույթի կազմակերպիչներն ընդգծում են, որ մրցույթի անցկացումը Հայաստանում կնպաստի երկրի ճանաչմանն ու զբոսաշրջության աճին, որն էլ նոր մակարդակներ կբացի տնտեսության եւ այլ ոլորտների համար։
Ի սկզբանե նախատեսված էր, որ մրցույթն անցկացվելու է Ա. Սպենդարյանի անվան օպերայի եւ բալետի ակադեմիական թատրոնում, սակայն հաշվի առնելով հյուրերի, հանդիսատեսի թիվը՝ որոշվել է մրցույթը տեղափոխել Կ. Դեմիրճյանի անվան մարզահամերգային համալիր:
https://iravunk.com/sim/?p=228909&l=am/