«Հանրային ձայնի» նախագահ ընտրվեց Արտակ Գալստյանը, պատվավոր նախագահ՝ Վարդան Ղուկասյանը

Չնայած ամառվա տապին՝ լեփ լեցուն դահլիճում կայացավ ռազմական ոստիկանության նախկին սպա Վարդան Ղուկասյանի` Դոգի «Հանրային ձայն» կուսակցության հիմնադիր համագումարը:

Հյուրերի շարքում էին «Բարեպաշտ սերունդ» հիմնադրամի տնօրեն Վահրամ Մկրտչյանը, գրող, հրապարակախոս Ռուզան Ասատրյանը, «Եզդիների տուն» նախաձեռնության ղեկավար, իրավապաշտպան Այսեր Իսայանը, փաստաբան Արսեն Մկրտչյանը, Քաղաքագետների միության նախագահ Հմայակ Հովհաննիսյանը, «Վելես» իրավապաշտպան կազմակերպության նախագահ Մարինա Պողոսյանը, «Սեւ հովազ» ջոկատի հրամանատար Ռուստամ Գասպարյանի եղբայրը՝ Սերոբ Գասպարյանը եւ այլք:

Կուսակցության ծրագրային ելույթով տեսակամուրջի միջոցով ելույթ ունեցավ Վարդան Ղուկասյանը, ով, ի դեպ, մինչեւ կուսակցություն բացելն արդեն իսկ հայտնի էր հանրային լայն շրջանակներին իր «Հանրային ձայն»-ով ու մեծ լսարան ունեցող յութուբյան իր վարած բլոգով: Այնուհետեւ ելույթով հանդես եկավ «Հայոց հայրենիք» կուսակցության նախագահ Արտակ Գալստյանը, էքստրասենս Կարեն Եմենջյանը, իրավապաշտպան Այսեր Իսայանը եւ ուրիշներ:

Ելույթներից հետո՝ Վարդան Ղուկասյանն առաջարկեց, որ Արտակ Գալստյանն առաջադրվի՝ որպես կուսակցության նախագահ, Արտակ Գալստյանն էլ իր հերթին առաջարկեց, որպեսզի Վարդան Ղուկասյանը լինի կուսակցության դե ֆակտո պատվավոր նախագահը՝ օժտված նույն լիազորություններով, ինչ-որ կունենա կուսակցության նախագահը: Ընտրությունը կայացավ միաձայն: Ի դեպ, կուսակցության կառավարման խորհրդում ընդգրկվեց նաեւ հաղորդավար, լրագրող Համլետ Ղուշյանը:

Նշենք, որ վերոնշյալ կուսակցությունն իր հիմնական դրույթները խարսխել է Հայաստանը եւ Արցախը միասնական ու հզոր տեսնելու կարեւորագույն նպատակի վրա: Այսպիսով՝ կուսակցության հիմնական դրույթներն են՝ անվտանգություն, սոցիալական արդարություն, արտաքին քաղաքականություն, իրավունքի եւ օրենքի գերակայություն, տեղական ինքնակառավարում, կոռուպցիայի դեմ պայքար, տնտեսական քաղաքականություն, կրթության եւ գիտության ոլորտների քաղաքականություն, մշակույթ, ազգային փոքրամասնությունների իրավունքների պաշտպանություն:

Իսկ կանոնադրության մեջ «Հանրային ձայնը» ամրագրել է՝ պետական անվտանգության ապահովումը, արդյունավետ կառավարման մոդելի ներդրումը, ներքաղաքական կայունության հաստատումը, ժողովրդավարական ինստիտուտների եւ քաղաքական համակարգերի կայացման աջակցությունը, ընտրական համակարգերի կատարելագործում, հայի ազգային ինքնության պահպանմանն ուղղված ծրագրերի անցկացում, ՀՀ-ում քաղաքական, սոցիալական, տնտեսական եւ իրավական կառուցակարգերի կատարելագործում, կոռուպցիայի դեմ պայքար, հարկային վարչարարության թեթեւացում:

ՀՐԱՆՏ ՍԱՐԱՖՅԱՆ

Այս թեմայով Հայաստանը պետական դավաճանությամբ Ադրբեջանի առաջ ծնկի են բերում Գրանտակեր պրոպագանդիստները… պետք է վերջ տան հակառուսականության տարածմանը Համահայկական սգո օրը Երեւանում տեղի ունեցան երկու «աննախադեպ», «հոգեցնցող» երեւույթ. Ալլա Հակոբյան ՀՐԱՏԱՊ. Ապրիլի 25-ը պետք է լինի բեկումնային օր, լուսաբացը պետք է սկսվի համազգային շարժմամբ. Վարդան Ղուկասյան Երբ տեսնեմ ինձնից շատ ակնկալողներ կան, լուծումների իմ տարբերակն ասելու եմ. Սերժ Սարգսյան