o C     21. 08. 2019   : :

ԿԱՐՃ ԼՈՒՐԵՐ

Դատավոր Գագիկ Հեբոյանն ու փաստաբան Վահագն Դանիելյանն իրենց մեղավոր չճանաչեցին

13.06.2019 15:50 ԻՐԱՎՈՒՆՔ
Դատավոր Գագիկ Հեբոյանն ու փաստաբան Վահագն Դանիելյանն իրենց մեղավոր չճանաչեցին

Առանձնապես խոշոր չափերի կաշառք ստանալու համար մեղադրվող դատավոր Գագիկ Հեբոյանը քիչ առաջ դատարանում հայտարարեց, որ չի ընդունում առաջադրված մեղադրանքը։ Առաջադրված մեղադրանքը չընդունեց նաև դատավորին կաշառք ստանալուն օժանդակելու համար մեղադրվող փաստաբան Վահագն Դանիելյանը։

Դատավորների արտահերթ ընդհանուր ժողովը չկայացավ

Նշենք, որ Հեբոյանի շահերը դատարանում ներկայացնում են փաստաբաններ Արմեն Նադիրյանը, Արմեն Անտոնյանը և Նիկոլայ Հակոբյանը։ Մեղադրանքը դատարանում պաշտպանում է դատախազ Արթուր Չախոյանը։

Հիշեցնենք, որ Գագիկ Հեբոյանին մեղադրանք է առաջադրվել այն բանի համար, որ նա, զբաղեցնելով Կոտայքի մարզի ընդհանուր իրավասության դատարանի դատավորի պաշտոնը, հանդիսանալով դատական իշխանության մարմնի ղեկավար աշխատող և մշտապես իշխանության ներկայացուցչի գործառույթներ իրականացնող պաշտոնատար անձ, Բենիկ Հարությունյանի օգտին իր լիազորությունների շրջանակում գործողություն կատարելու համար 2019 թվականի մարտի 6-ին նրանից անձամբ պահանջել և 2019թ. մարտի 27-ին փաստաբանների պալատի փաստաբան Վահագն Դանիելյանի օժանդակությամբ ստացել է առանձնապես խոշոր չափերի կաշառք:

Վահագն Դանիելյանին մեղադրանք է առաջադրվել այն բանի համար, որ նա, հանդիսանալով ՀՀ փաստաբանների պալատի փաստաբան, խոչընդոտներ վերացնելու և հանցավոր ճանապարհով ձեռք բերված միջոցները թաքցնելու եղանակով օժանդակել է Կոտայքի մարզի ընդհանուր իրավասության դատարանի դատավոր Գագիկ Հեբոյանի կողմից առանձնապես խոշոր չափերի կաշառք ստանալուն:

 

 

КОМСОМОЛЬСКАЯ ПРАВДА