ԿԱՐՃ ԼՈՒՐԵՐ

Ադրբեջանական կողմում հայտված քաղաքացին հոգեկան խնդիրների պատճառով չի ծառայել. ՊՆ խոսնակ

16.07.2018 13:40 ՕՐՎԱ ՊԱՏԿԵՐ ԹԵՄԱ
Ադրբեջանական կողմում հայտված քաղաքացին հոգեկան խնդիրների պատճառով չի ծառայել. ՊՆ խոսնակ

Այսօր լրագրողների հետ հանդիպման ժամանակ ՀՀ արտաքին գործերի նախարարի մամուլի խոսնակ Տիգրան Բալայանն ասաց, որ քաղաքացին, որը հայտնվել է ադրբեջանական տարածքում, ունի առողջական խնդիրներ, որի պատճառով էլ չի զորակոչվել բանակ. «ՊՆ-ն անմիջականորեն կապ է պահպանում Կարմիր խաչի հետ, ու Կարմիր խաչի միջոցով փորձում ենք քայլեր ձեռնարկել, այլ ուղղություններով ևս քայլեր են ձեռնարկվում, որ մեր քաղաքացուն հետ վերադարձնենք Հայաստան»:

Թբիլիսիում վթարի հետևանքով Հայաստանի քաղաքացիներ են տուժել

Հիշեցնենք, որ Տավուշի մարզի սահմանամերձ  Բերդավան գյուղի բնակիչ, 1984 թվականին ծնված Կարեն Ղազարյանն անհայտ պատճառներով հայտնվել է ադրբեջանական կողմում։ Ադրբեջանական կողմը տեղեկատվություն է տարածել, թե Ղազախի շրջանում հայկական կողմից դիվերսիոն ներթափանցման փորձ են կասեցրել ու գերեվարել «հայ հետախույզ», 1984 թ. ծնված Կարեն Ղազարյանին:  Լուրի վերաբերյալ Ոստիկանության Հասարակայնության հետ կապերի և լրատվության վարչության պետ Աշոտ Ահարոնյանը հայտնել է, որ լուրը չի համապատասխանում իրականությանն ու ապատեղեկատվություն է:

ՊՆ մամուլի խոսնակ Արծրուն Հովհաննիսյանն էլ գրել է՝  ՀՀ ՊՆ-ն պաշտոնապես հայտարարում է, որ Տավուշի Բերդավան գյուղի բնակիչ 1984թ. ծնված Կարեն Ղազարյանը չի ծառայում և երբեք չի ծառայել ՀՀ ԶՈւ-երում։  «Միաժամանակ նշենք, որ ՀՀ պաշտպանության նախարար Դավիթ Տոնոյանը հանդիսանալով Գերիների, պատանդների և անհայտ կորածների միջգերատեսչական հանձնաժողովի նախագահ՝ դիմել է ԿԽՄԿ Երևանյան գրասենյակ՝ ՀՀ քաղաքացի Կարեն Ղազարյանի վերադարձի կազմակերպման համար։ Նշենք նաև, որ ԿԽՄԿ Երևանյան գրասենյակը զգուշացված է Կարեն Ղազարյանի առողջական խնդիրների վերաբերյալ»,- նշել է ՊՆ խոսնակը:

 

 

КОМСОМОЛЬСКАЯ ПРАВДА