o C     19. 07. 2019   : :

ԿԱՐՃ ԼՈՒՐԵՐ

Արենիի մի հատվածը թշնամու տեսադաշտում է, սակայն հրաձգային զինատեսակներից խոցելի չէ.փորձագետ

03.07.2018 18:47 ՔԱՂԱՔԱԿԱՆ ԱՐՑԱԽ
Արենիի մի հատվածը թշնամու տեսադաշտում է, սակայն հրաձգային զինատեսակներից խոցելի չէ.փորձագետ

Ադրբեջանի հարցերով փորձագետ ՏԱՐՈՆ ՀՈՎՀԱՆՆԻՍՅԱՆԸ  անդրադառնալով Նախիջեւանում տեղի ունեցող իրադարձություններին, փաստեց, որ այս ուղղությամբ Ադրբեջանը հիմնական շարժեն իրականացրել է մայիս ամսին մինչեւ հունիսի սկիզբ: Այս ընթացքում Ադրբեջանը որոշակի հատվածներում դիրքերն առաջ էր բերել, որոնք Տ. Հովհաննիսյանի խոսքով` այս պահին դեռ դիրքեր չեն, նրանք փորձել էին կրակակետեր սարքել մեկ-երկու տեղում, իսկ մյուս հատվածներում պարկեր են շարել, որ ստեղծեն կրակակետեր. «Պետք է նկատենք, որ այդ ամենը չի իրականացվել հայկական  բանակի դիրքերի հաշվին: Եթե որոշակի տեղերում մեր եւ Ադրբեջանի միջդիրքային տարածության հեռավորությունը 3-4 կմ էր, այժմ որոշ տեղերում մինչեւ 500 մետրի սահմաններում է: Գյուննութի մոտ դրված կրակակետերն անհարմար են հենց  Ադրբեջանի համար, քանի որ մեր դիրքերից այդ կրակակետերը դիտարկվում են: Այս պահին ռազմավարական առումով դեռ անհասկանալի է, թե ինչու են նրանք այդպես մոտեցել»,-նշեց Տարոն Հովհաննիսյանը: Նրա կարծիքով` այս ամենի նպատակը Նախիջեւանի հատվածում լարվածության տարածումն է, քանի որ Նախիջեւանը եղել է համեմատաբար հանգիստ շրջաններից մեկը:

«Եթե ինստիտուտները ստվերենք, հաստատ պետականությանը օգուտ չենք տա». Տարոն Սիմոնյան

Տարոն Հովհաննիսյանը չի կիսում այն կարծիքները, որ ադրբեջանական կողմը դիտարկում է Զանգակատուն գյուղը, նա չի կարող դիտարկել գյուղը, քանի որ նրանց դիրքերի դիմաց  հայկական դիրքերն են:
Ինչ վերաբերում է Արենի գյուղի հատվածին, ապա Տ. Հովհաննիսյանը նշեց, որ Արենիում մի բարձունք կա, որտեղ հակառակորդը դրել է իր կրակակետը եւ այնտեղից որոշակի հատված դիտարկում են: Նրանց տեսադաշտում է նաեւ Արենի գյուղի մի հատվածը, սակայն հրաձգային զինատեսակներից  խոցելի չէ. «Կրկնում եմ այս ամենի նպատակն այս ուղղությամբ լարվածության տարածումն էր: Կարծում եմ` առաջիկայում նրանք այստեղ կգնան լարվածության, փոքր կրակոցների , սադրանքներ կինեն»,-հավելեց փորձագետը:


ԶՎԱՐԹ ԽԱՉԱՏՐՅԱՆ

 

КОМСОМОЛЬСКАЯ ПРАВДА