Ամոթալի է, որ այս տոնական օրը մեր հայրենասեր կանանց եւ մայրերին փորձում են ձերբակալել. Բաբուխանյան

«ՎԵՏՕ» շարժման նախաձեռնած կանանց ակցիայի մասնակիցներն այսօր Շառլ Ազնավուրի հրապարակից քայլերթով հասան Կառավարության շենքի մոտ, որտեղ մեծ թվով ոստիկանական ուժեր էին կենտրոնացած: Ակցիայի մասնակիցներից մեկը դիմելով ոստիկաններին՝ հայտարարեց. «Դուք ապահովում եք թուրքահպատակների անվտանգությունը, դուք ձեզ տղամարդ համարո՞ւմ եք: Հորդորում ենք բացել ճանապարհը եւ թույլ տալ, որ մենք ներս մտնենք, այլապես մենք դա կանենք ինքնուրույն»: Դրանից հետո ակցիայի մասնակիցները փորձեցին ճեղքել ոստիկանների շղթան, կանայք նաեւ ձվեր նետեցին կառավարության շենքի ուղղությամբ: Ոստիկանների եւ ցուցարար կանանց միջեւ բախումներ սկսվեցին։ Ոստիկանները ուժ գործադրելով սկսեցին բերման ենթարկել կանանց:

Անդրադառնալով վերոնշյալին՝ «Սահմանադրական իրավունք» միություն կուսակցության նախագահ, «Ուժեղ Հայաստան Ռուսաստանի հետ. հանուն նոր միության» շարժման կազմկոմիտեի անդամ ՀԱՅԿ ԲԱԲՈՒԽԱՆՅԱՆՆ «Հայելի» ակումբում տված ասուլիսի ժամանակ ասաց, որ ակցիայի մասնակիցների թվում եղել են նաեւ ՍԻՄ կուսակցության եւ «Ուժեղ Հայաստան Ռուսաստանի հետ. հանուն նոր միության» շարժման կանայք՝ կանանց խորհրդի ղեկավարի գլխավորությամբ:

- Զավեշտ է, որ այս տոնական օրը մեր հայրենասեր կանանց եւ մայրերին, ովքեր այսօր բողոքում են, փորձում են ձերբակալել: Անգամ ծիծաղելի է հնչում՝ ոստիկանների եւ կանանց միջեւ բախումը: Փոխանակ այդ ոստիկանները ժամանակին բախվեին թուրքերի հետ ու թույլ չտային, որ թուրքերը գրավեն մեր հողերը, այսօր բախվում են կանանց հետ: Շատ տարօրինակ վիճակ է եւ ամոթալի: Եվ այդ բախումը նրա համար է, որ կառավարությունում նստած է մեկն, ով դավաճանել է երկիրը, կորցրել ենք տարածքներ, բազմաթիվ երիտասարդների տարել են սպանդի եւ թողել մսաղացի մեջ: Իհարկե, ոստիկանների մեջ էլ են եղել մարդիկ, ովքեր շատ արժանապատիվ ձեւով պաշտպանել են մեր Հայրենիքը: Բայց, երբ նայում ես, թե ինչքան ոստիկան կա այսօր փողոցում Նիկոլին պաշտպանող, այդքան ոստիկան եթե տանեին Շուշի, այն այսօր մերը կլիներ: Մինչդեռ Նիկոլն օր օրի սպանում է Հայաստանը, հայ ազգային ոգին եւ մեր պետականությունը:

ՀՐԱՆՏ ՍԱՐԱՖՅԱՆ

Այս թեմայով Նորաստեղծ կուսակցության համահիմնադիրը հերքում է Վահե Հակոբյանին Ամբողջ Հայաստանն է վտանգված, բայց Լեռնահայաստանը՝ հատկապես. Հայկ Բաբուխանյան (aravot.am) «Զարմանում եմ այն մարդկանց վրա, ովքեր հավատում են թուրքին»․ակցիա ՄԱԿ-ի գրասենյակի մոտ (a1plus.am-ի անդրադարձը) Բողոքի ակցիա՝ հանուն հայ գերիների վերադարձի (5-րդ ալիքի անդրադարձը) Հիշե՛ք ձեր պարտականությունը. ՄԱԿ-ին նամակ է հանձնել «Ուժեղ Հայաստան Ռուսաստանի հետ» շարժումը (Հ2-ի անդրադարձը)