Եթե Հովիկ Աղազարյանը պաշտպաներ Տիգրանակերտն այնպես, ինչպես Տիգրանյանին...

Կրքերը երեկ թեժ էին Ազգային ժողովում: Ամբիոնից հնչում էին փոխադարձ վիրավորանքներ, իսկ խորհրդարանական միջանցքներում կային զայրույթից ու հիասթափությունից հուզված աչքեր ու օդում թեւածում էր վոլոկարդինի հոտը:

Իրավիճակն էլ ավելի լարվեց, երբ ամբիոնից ելույթ ունեցավ ԱԺ «Իմ քայլը» խմբակցության պատգամավոր ՀԵՐԻՔՆԱԶ ՏԻԳՐԱՆՅԱՆԸ: Վերջինս ո՛չ ավել, ո՛չ պակաս խորհրդարանական ընդդիմությանը սկսեց մեղադրել ստեղծված վիճակի համար:

Ի պատասխան` իր ելույթում ԱԺ փոխնախագահ ՎԱՀԵ ԷՆՖԻԱՋՅԱՆՆ ասաց, որ զավեշտ է, երբ պարտված իշխանությունը մեղադրում է ընդդիմությանը: Ապա ձայնը փոքր-ինչ բարձրացնելով` շեշտեց, որ ունենք հազարավոր զոհեր, տարածքներ ենք կորցրել եւ ոչ մի հարց չենք լուծել: Այ հենց այստեղ էր, որ տեղից վեր թռավ իր աթոռին «հով լռված» ԱԺ «Իմ քայլը» խմբակցության պատգամավոր ՀՈՎԻԿ ԱՂԱԶԱՐՅԱՆԸ: Ո՛չ-ո՛չ, ամենեւին էլ հազարավոր զոհերի ու տարածքների կորստի մասին լուրից չցնցված, ոչ էլ, օրինակ, Տիգրանակերտ բերդ-ամրոցը պաշտպանելու ցանկությամբ, այլ Հերիքնազ Տիգրանյանին պաշտպանելու պատրաստակամությամբ: Ճիշտ այնպես, ինչպիսի փութաջանությամբ, Հ. Աղազարյանն, ըստ ազատամարտիկ-բժիշկ Տարոն Տոնոյանի, մի թմբլիկ տղայի է սահմանից փախցրել, բերել Երեւան, ինչ է, թե Արարատի մարզպետարանի աշխատակցի եղբայր է եղել: Ինչեւէ, չուշացավ նաեւ արձագանքը ԲՀԿ-ական պատգամավորի կողմից. «Բան ունես ասելու, արի էստեղից ասա»: Ապա շարունակելով խոսքը` Էնֆիաջյանն ընդգծեց, որ միշտ բոլորի հանդեպ հարգանքով է եղել, բայց այժմ պետք է արձագանքի հնչած մեղադրանքներին: 

ՀՐԱՆՏ ՍԱՐԱՖՅԱՆ

Այս թեմայով Մեր խնդիրն անգրագետ, գործից չհասկացող, ոչինչ չանող ղեկավարներն են. անհետ կորածի հարազատ Այ լրբի տղա, պիտի չոքեիք, ասեիք՝ կանգնացրու պատերազմը. զինվորի ծնողը՝ Անդրանիկ Քոչարյանին (տեսանյութ) Ձվահարված պատգամավորը` իրեն տուժած ճանաչելու մասին ՀԵՐԹԱԿԱՆ ԳԼՈԲԱԼ ԱՎԱՆՏՅՈ՞ՒՐԱՆ, ԹԵ՞ ԿՈՄՈՒՆԻԿԱՑԻՈՆ ԾՐԱԳԻՐ Ժուռնալիստների միությունը խստորեն դատապարտում է Հայկ Սարգսյանի խուլիգանական վարքագիծը