Որեւէ մեկին խնդրանքով չի դիմել. Վիտալի Բալասանյանի փաստաբանը մամուլում տեղ գտած լուրերի մասին
ՆերքաղաքականՄամուլում լուր տարածվեց, որ Վիտալի Բալասանյանը Փաշինյանին փոխանցել է, որ ինքը Հայաստանում սպասելու է այնքան, մինչև որևէ կարգավիճակով ու երաշխիքներով արցախցիները վերադառնան Արցախ և խնդրել, որ իրեն հանգիստ թողնեն:
Վերը նշված լուրի իսկության մեջ համոզվելու համար դիմեցինք Բալասանյանի փաստաբան Ռաֆայել Մարտիրոսյանին, հետաքրքրվելու, թե ե՞րբ եք վերջին անգամ շփվել նա իր վստահորդի հետ, ինչո՞վ է պայմանավորված նրա լռությունը:
Եվ ահա պարոն Մարտիրոսյանի խոսքերով.
-Վերջին անգամ պարոն Բալասանյանին տեսել եմ փետրվարի 11-ին։ Ինչ վերաբերում է մամուլում շրջանառվող լուրերին, ապա լիազորված եմ հայտարարել, որ պարոն Բալասանյանին որեւէ մեկը նեղություն չի տվել, նա որեւէ մեկին խնդրանքով չի դիմել, որ քաղաքականությամբ չզբաղվելու դիմաց նրան հանգիստ թողնեն: Դրանք սուտ, կեղծ տեղեկություններ են, նման բան գոյություն չունի:
Եվ մի բան էլ, այ՛ո, պարոն Բալասանյանը քաղաքականությամբ չի զբաղվում, բայց դա նրա անձնական որուշումն է, նրան այդ մասին որեւէ մեկը չի խնդրել: Այսքանը:
https://iravunk.com/sim/?p=280341&l=am/