Ինչ էր նախորդել 18-ամյա ուսանողի սպանությանը եւ ինչու էր մայրը դիմել դասղեկին. ԲԱՑԱՌԻԿ ՄԱՆՐԱՄԱՍՆԵՐ
ՏեսանյութերՄարտի 12-ին Մամիկոնյանց փողոցում գործող Երևանի Ինֆորմատիկայի պետական քոլեջի մոտ վիճաբանություն էր տեղի ունեցել,որի արդյունքում առանձնակի դաժանությամբ սպանվել էր ինֆորմատիկայի քոլեջի 18-ամյա ուսանողը: Արդեն այսօր հայտնաբերվել իքոլեջի սանին առանձնակի դաժանությամբ սպանողը եւ ոչ միայն։ Ըստ ականատեսների, սպանություն կատարողը մի քանի անգամ է դանակով հարվածել իր զոհին, անգամ երբ նա վիրավոր ընկած է եղել գետնին, նա ասել է, թե պետք է կոկորդը կտրի ու կտրել է։
Ո՞վ էր սպանված ուսանողը, ի՞նչ հարաբերությունների մեջ էր կուրսեցիների հետ, ի՞նչ էր խնդրել մայրը դասղեկից դեպքի օրեր առաջ, ի՞նչ վարքագծային փոփոխություններ է նկատել դասղեկը վերջին շրջանում մանրամասներ է ներկայացրել Երևանի Ինֆորմատիկայի պետական քոլեջի դասախոս, սպանված երիտասարդի դասղեկ Լիլիթ Համբարձումյանը, նախ նկատելով.
-Զուսպ, խելացի, ընկերասեր, կենսուրախ երիտասարդ էր, երբեք ոչ մի բացասական արչարքով քոլեջում աչքի չի ընկել: Միշտ հարգանքով է եղել շրջապատի նկատմամբ: Բայց վերջին շրջանում հաճախակի էր բացակայում դասերի կեսից, ինչի հետ կապված ծնողի հետ զրույց եմ ունեցել: Բայց հատկապես վերջին օրերին նա պարտաճանանչ դասերի էր հաճախում: Վերջին անգամ նրան դասամիջոցին եմ տեսել, ոչ մի ընդգծված անհանգստություն չեմ նկատել, հակառակ պարագայում անխոս քայլեր կձեռնարկեինք:
Բայց դեպքից օրեր առաջ մայրն էր զանգահարել եւ խնդրել, որպեսզի ուշադիր լինենք, չբացելով փակագծեր, թե կոնկրետ ինչումն է բանը, միայն նշել է, որ եթե բացակայի իրեն անպայման տեղյակ պահենք:
Դասեղիկի խոսքերով.
-Ռաֆիկը խմբի երեխաների հետ մտերմություն չէր անում, նրա ընկերները քոլեջից դուրս էին, նրա բակի տղաներն էին:Քոլեջում նա բոլորի հետ շփվում էքր, բայց այնքանով որքանով, որեւէ մեկի հետ մտերմիկ հարաբերություններ չի ունեցել:
https://iravunk.com/sim/?p=279037&l=am/