Տիկնիզյանը արդյունավետ ֆուտբոլ է ցույց տալիս, բայց մենք անփոխարինելի ֆուտբոլիստներ չունենք. «Լոկոմոտիվի» գլխավոր մարզիչ
ՍպորտՄոսկվայի «Լոկոմոտիվի» գլխավոր մարզիչ Միխայիլ Գալակտիոնովը խոսել է Հայաստանի հավաքականի պաշտպան Նաիր Տիկնիզյանի` Սանկտ Պետերբուրգի «Զենիթ» չկայացած տեղափոխության մասին.
«Նաիրը մեր ֆուտբոլիստն է, որը վերջին շրջանում մեծ առաջընթաց է գրանցել։ Ես նրան ճանաչում եմ գրեթե մանկուց, երբ նա մեզ համար հանդես էր գալիս Եվրոպայի առաջնությունում` մեկնարկային կազմում հայտնվելու համար պայքարելով, ի դեպ, Կրուգովոյի հետ։
Տիկնիզյանն անցել է զարգացման բոլոր փուլերով, իսկ նրա` Մոսկվայի ԲԿՄԱ-ից «Լոկոմոտիվ» տեղափոխությունը տեղի ունեցավ մեր աչքի առջև։ Տիկնիզյանը զարգանում է, արդյունավետ ֆուտբոլ է ցույց տալիս, հետևաբար, հայտնվել է ուշադրության կենտրոնում։
Անձամբ ես ուզում եմ, որ մեր թիմը մարտունակ կազմով որոշակի կորիզ ունենա։ Թիմում կա միջավայր, որը տարբերություն է ստեղծում։ Նաիրը, անկասկած, այդ կորիզի մի մասնիկն է, բայց, այնուամենայնիվ, կա ֆուտբոլային կյանք և տրանսֆերներն էլ դրա մի մասն են։ Մենք անփոխարինելի ֆուտբոլիստներ չունենք»,- Գալակտիոնովի խոսքը մեջբերում է «Матч ТВ»-ն։
https://iravunk.com/sim/?p=276102&l=am/