Գետինը մտնեն ձեր նման ուսուցիչները, ինչո՞ւ եք սերնդին խաբեբայության եւ խարդախության վարժեցնում. Ալեքսանյան

ՀՀ ԿԳՄՍ նախարար Ժաննա Անդրեասյանի հրաժարականի պահանջով ակցիաները կշարունակվեն. առաջիկա ակցիան նախատեսվում է փետրվարի 14-ին, ժամը՝ 15:00-ին կրկին ԿԳՄՍ նախարարության դիմաց: Մասնավորապես՝ «Հայոց պատմության» 7-րդ դասարանի դասագրքում եւ ընդհանրապես դպրոցական այլ դասագրքերում առկա խեղաթյուրված բովանդակությունը դարձավ պատճառ՝ մի շարք մտավորականների, մանկավարժների, հասարակական եւ մշակութային գործիչների համախմբվելու եւ օրակարգային դարձնելու ԿԳՄՍ նախարարի հրաժարականը:

Ըստ վաստակաշատ մանկավարժ ԳՅՈՒԼՆԱՐԱ ԱԼԵՔՍԱՆՅԱՆԻ, այս ամենը հետեւանքն է կրթության եւ դաստիարակության ազգային հայեցակարգի բացակայության:

— Արդեն տեւական ժամանակ է ես ճչում եմ այդ մասին, բայց լսող չկա: Մենք չունենք ուսուցման եւ դաստիարակության հայեցակարգ: Ընդ որում՝ մեկն առանց մյուսի գոյություն ունենալ չի կարող, այդ երկուսի գեղեցիկ ներդաշնակությունն է, որ կրթում է մարդուն եւ դարձնում քաղաքացի: Մինչդեռ Ժաննա Անդրեասյանն անգամ չի պատկերացնում, թե որտեղ է աշխատում: Այնպես որ, Ժաննա՛, եթե ուզում ես գոնե ապագայում դատարանում դատվել մի քիչ մարդավարի, հեռացի՛ր, գնա՛: Այսօր ուսուցիչները խաբում են մեր երեխաներին, բազմիցս խոսել եմ նրանց հետ, ասում են՝ դասագիրքը սեղանին դրված է, բայց մենք հին դասագրքով ենք աշխատում: Ամո՛թ բոլոր այդպիսի ուսուցիչներին, գետինը մտնեն ձեր նման ուսուցիչները, ինչո՞ւ եք սերնդին խաբեբայության եւ խարդախության վարժեցնում: Չէ որ վաղը մյուս օրը, եթե Ժաննա Անդրեասյանի նման մի նախարար էլ այդ երեխաները դառնան, մեղավորը դուք կլինեք: Ուսուցի՛չ, ուշքի արի, տե՛ր կանգնիր քո կոչմանը:

ՀՐԱՆՏ ՍԱՐԱՖՅԱՆ

Այս թեմայով Ոնց խոզը տուռնիկից, դուք նույնքան՝ եկեղեցու կանոններից. Արմինե Սնդոյան Գլուխ եմ խոնարհում մեծ ռուսի` Նիկոլայ Ռիժկովի հիշատակի առաջ. Գյուլնարա Ալեքսանյան Ժաննա՜, եթե ուզում ես դատվել գոնե մի քիչ մարդավարի, ռադդ քաշի, գնա՜. Գյուլնարա Ալեքսանյան Ամեն չորրորդ հայը Նիկոլին դավաճան է համարում, ունենք մեկ հնարավորություն. Աշոտ Անդրեասյան Նիկոլ Փաշինյանը բերելու է մեզ գերեզմանների խաչմերուկ. Աշոտ Անդրեասյան (ԱՆՈՆՍ)