Կանադայում հազարավոր ցուցարարներ պահանջում են չեղարկել հակակորոնավիրուսային բոլոր սահմանափակումները

Կանադայի մայրաքաղաք Օտտավայում՝ խորհրդարանի շենքի առջև, կորոնավիրուսային սահմանափակումների դեմ բազմահազարանոց բողոքի ցույց է ընթանում: Ցուցարարները Կանադայի իշխանություններից պահանջում են դադարեցնել հակակորոնավիրուսային բոլոր սահմանափակումները, որոնք, կարծում են, ոչ միայն քաղաքացիների ազատություններն են սահմանափակում, այլ նաև մեծ վնաս են հասցնում երկրի տնտեսությանը:

«Մարտից սահմանափակումներ են մտցվել, սահմանները փակ են, միլիոնավոր մարդիկ գործազուրկ են դարձել ու այժմ պետական հատկացումների հաշվին են ապրում, փոքր բիզնեսով զբաղվող բազմաթիվ ձեռարկություններ փակվել են և այլևս չեն վերաբացվի. աշխատակիցները տանը նստած են ու չեն գնում աշխատանքի, որովհետև որոշներին հատկացվող պետական աջակցության չափը գոհացնում է՝ ամսական 2000 կանադական դոլար»,- պատմել է ցուցարարներից մեկը:

Կանադայում հակահամաճարակային խիստ սահմանափակումներ սկսել են կիրառվել գարնանը, իսկ մայիսից իշխանությունները սկսեցին աստիճանաբար թուլացնել դրանք: Այս պահին երկրում բաց են հանրային հաստատությունները, բայց դրանք այցելել թույլատրված է միայն պաշտպանիչ դիմակ կրելու և 1.5 մետր սոցիալական հեռավորություն պահելու դեպքում միայն:

Սահմանները կշարունակեն փակ մնալ առնվազն մինչև սեպտեմբերի 30-ը:

Այս թեմայով Ծեծկռտուք Երևանում գործող «Ստոյկա» փաբում, կա վիրավոր. վեճի բոլոր մասնակիցները 22-24 տարեկան աղջիկներ են «Մաման միայն մի խոստումը չկատարեց». դիպուկահար, 3 անչափահասի մայր Անուշը զոհվեց բոլոր փամփուշտները սպառած. «Սպուտնիկ Արմենիա» Հայկ Պետրոսյանը չեղարկել է մոտակա համերգը Ո՞ր հայ աստղերն են այս տարի մասնակցել Կանադայի «Summer fest»-ին Ջեյ Լոյի եւ Բեն Աֆլեքի երկրորդ հարսանիքի բոլոր մանրամասները