Ինչպե՞ս են քնի հետ կապաված խնդիրներն ազդում հարաբերությունների վրա

Դիցուք ձեզ մոտ ամեն ինչ կարգին է: Սիրում եք միմյանց, միասին ապրում, քնում: Առօրյա կյանքի վերաբերյալ բողոքներ չկան, լիակատար փոխըմբռնում է, սեքսը՝ կատարյալ (չնայած, այստեղ կատարելության սահմաններ չկան): Բայց երբեմն առավոտյան, նույնիսկ երբ, ինչպես միշտ, նա սուրճը մատուցում է անկողնում, հոգում տարօրինակ զգացողություն է արթնանում. ինչ-որ բան այն չէ: Սուրճը ջրիկ է, նա՝ մի տեսակ մտամոլոր, իսկ օրն էլ՝ արևոտ չէ: Նման մտքերն անհանգստություն են առաջացնում, և դուք սկսում եք մտքերով խրվել ենթադրությունների մեջ:

Ինչու՞ ներդաշնակ հարաբերությունների պարագայում սուզվել կասկածների մեջ, այն էլ՝ լուսաբացին: Ձեր զույգին ճգնաժա՞մ է սպսում: Իսկ եթե նա դադարե՞լ է սիրել: Կամ էլ՝ դուք նրան: Այդ ինչպե՞ս։ Եվ ի՞նչ՝ հիմա։

Իրականում, դուք պարզապես բավարար չափով չեք քնել, ինչն, ակնհայտորեն, առաջին անգամը չէ: Եվ քանի որ լավ գիտեք, թե ինչերի վրա են կառուցվում լուրջ և հարատև հարաբերությունները, մնացել է իմանալ ևս մեկ բաղադրիչի մասին. եթե ուզում եք երջանիկ զգալ անձնական կյանքում, մի անտեսեք քունը: Հաշվի առնելով, որ աշխարհի բնակչության մեկ երրորդը քայքայում է առողջությունը՝ օրեկան քնելով վեց ժամից պակաս, այս կանոնը դառնում է հիմնականներից մեկը:

Իհարկե, սա հորինվածք չէ, այլ եզրակացություն՝ հիմնված գիտական հետազոտությունների վրա, որոնք հրապարակվել են «Ընտանեկան հոգեբանություն» ամսագրում (Journal of Family Psychology): Ֆլորիդայի նահանգի համալսարանի առաջատար հոգեթերապևտներն ամուսնացած զույգերի շրջանում յոթնօրյա հետազոտություն են անցկացրել՝ ամուսիններին տրամադրելով դիտորդական օրագրեր՝ ամեն օր իրենց քնի ժամանակ նշելու ցուցումներով, գնահատելով հարաբերությունների միջանձնային փորձը (վեճերի լուծում, կապվածություն, հուսալիություն, սեքս, տնային աշխատանքներում ներգրավվածություն), ինչպես նաև՝ գործընկերոջ հետ շփվելիս ընդհանուր գոհունակության աստիճանը:

Օրագրերի բազմակողմանի վերլուծությունը ցույց է տվել, որ ամուսինները շատ ավելի գոհ էին իրենց համատեղ կյանքից, երբ բավականաչափ քնում էին: Պարզվել է նաև, որ քնի տևողությունը ավելի շատ դրականորեն ազդում է տղամարդկանց տրամադրության վրա. սահմանված ութ ժամ քնելուց հետո նրանք դառնում են շատ ավելի դրական տրամադրված, նույնիսկ, եթե ընտանիքում իրավիճակը հեռու է ցանկալիից:

Կանանց մոտ քնի անբավարարությունը դժվարություններ է առաջացնում ֆիզիկական առումով, բայց, ընդհանուր առմամբ, այն պակաս ազդեցություն է ունենում ոգու կենսունակության վրա:

Այլ կերպ ասած, հոգեբանները պարզել են, որ, երբ մարդիկ ավելի երկար են քնում, իրենց հարաբերություններից ավելի գոհ են, քան քնի պակասի պարագայում, իսկ առավոտյան երկխոսությունները դառնում են ավելի բարի և անհոգ: Այս եզրակացությունները համահունչ են ավելի վաղ արված հետազոտություններին, որոնք ցույց են տվել, որ անհատական երջանկությունը խթանում է սերը և փոխըմբռնումը: Գիտնականները կարծում են, որ բավարարված զույգերը բացասականի նկատմամբ մի տեսակ դիմադրողականություն են ձեռք բերում, իսկ այդպիսի «պաշտպանիչ դաշտի» զարգացումը պահանջում է էներգիա և, հետևաբար, հանգստանալ:

Ուստի հիշեք՝ եթե դուք ունեք քնի քրոնիկ անբավարարվածություն, ապա այդ խնդիրը պետք է ինչ-որ կերպ լուծել: Որոշեք ռազմավարություն և միջոցներ ձեռնարկեք. փոխեք ննջասենյակի միջավայրը, օդորակիչ տեղադրեք, փոխեք ներքնակն ու բարձերը: Այս ամենը՝ հանուն ձեր սիրո: Քանի որ ինքնազգացությունը և, մասնավորապես, առողջ քունն ազդում են հարաբերությունների ներդաշնակության վրա. եթե արթնանալուց հետո ձեզ զգում եք ինչպես կոտրված տաշտակ, ապա ձեզ ոչինչ չի կարող գոհացնել՝ ո՛չ անկողնում մատուսված սուրճը, ո՛չ էլ ապագայի ծրագրերը:

Այս թեմայով Միջազգայնագետը բաց նամակ է հղել Բագրատ սրբազանի գլխավորած շարժմանը ՀՀ-ն երախտապարտ է Հունգարիային, որը հանդես է գալիս հակահայկական քաղաքականությամբ. մեդալ են հանձնել Թուրքիան առաջացնում է Իսրայելի քմծիծաղը, Ալիեւը խոստովանում՝ շտապում են, քանի դեռ ՀՀ-ն չի ուժեղացել Իրանը կարող է կետային հարված հասցնել Ադրբեջանին. Բաքվում հակաալիեւյան ընդվզման հզոր ալիքն իրական է Ցավալի է, որ գիտնականի կողմից հնչեցված խոսքը փաստերի խեղաթյուրում է պարունակում. Տեր Մովսես