o C     10. 12. 2019   : :

ԿԱՐՃ ԼՈՒՐԵՐ

«Սաս»-ի Արտակը դարձյալ հրավիրվել է հարցաքննության. ՔԿ

13.08.2019 20:26 ԻՐԱՎՈՒՆՔ
«Սաս»-ի Արտակը դարձյալ հրավիրվել է հարցաքննության. ՔԿ

ԱԺ նախկին պատգամավոր Արտակ Սարգսյանին՝ «ՍԱՍ»-ի Արտակին, երկրորդ անգամ ծանուցագիր է ուղարկվել, որպեսզի վերջինս ներկայանա վարույթն իրականացնող մարմին։ Այս մասին «Փաստինֆո»-ի հարցմանն ի պատասխան՝ տեղեկացրին Քննչական կոմիտեի տեղեկատվության եւ հասարակայնության հետ կապերի բաժնից։

Արա Բաբլոյանին կրկին հարցաքննության են հրավիրվել ՀՔԾ

Հիշեցնենք, որ հունիսի 5-ին Երեւանի կենտրոնում միջադեպ է տեղի ունեցել Արտակ Սարգսյանի մասնակցությամբ։ Մասնավորապես, միջադեպը գրանցվել է Իսահակյան փողոցում գտնվող «Terrazza» ռեստորանի տարածքում: Դեպքի ականատեսներից մեկը «Փաստինֆո»-ին պատմել էր, որ Արտակ Սարգսյանը ռեստորանում մենակ չի եղել, այնտեղ են գտնվել նաեւ այլ անձինք, որոնց թվում էր նաեւ ռուսաստանահայ գործարար Արամ Քոչարյանը։ Ռեստորանի այցելուները հանկարծակիի են եկել ԱԺ նախկին պատգամավորի բղավոցներից, ով դուրս է եկել ռեստորանի բացօդյա տարածք ու թիկնազոր կանչել։ Կարճ ժամանակ անց ռեստորան էին ժամանել նաեւ ոստիկաններ, որոնց թվում էին տարբեր ստորաբաժանումների ներկայացուցիչներ։ Ըստ տեղեկությունների՝ միջադեպի ժամանակ նաեւ հարվածել էին Արտակ Սարգսյանին։ 

Ոստիկանությունից ստացված գրավոր պատասխանից «Փաստինֆո»-ն տեղեկացել էր, որ Արտակ Սարգսյանը նյութերի նախապատրաստման փուլում ներկայացել է՝ բացատրություն տալու։ Դեպքի առթիվ հունիսի 8-ին հարուցվել է քրեական գործ ՀՀ քրեական օրենսգրքի 258–րդ հոդվածի 4-րդ մասով, այն է՝ խուլիգանությունը, որը կատարվել է զենքի կամ որպես զենք օգտագործվող առարկաների գործադրմամբ։

Հունիսի 16-ին Քննչական կոմիտեն «Փաստինֆո»-ին հայտնել էր, որ հարուցված քրեական գործի շրջանակում ԱԺ նախկին պատգամավոր Արտակ Սարգսյանը հայտնել է, որ երկրում չէ, եւ ՀՀ վերադառնալուն պես կներկայանա Քննչական կոմիտե։ Վերադարձի ժամկետներ Սարգսյանը չէր նշել։

 

 

КОМСОМОЛЬСКАЯ ПРАВДА