ԿԱՐՃ ԼՈՒՐԵՐ

Թրամփի վարչակազմը Մերձավոր Արեւելքի իր ծրագրի առաջին փուլը կներկայացնի հունիսին

20.05.2019 12:41 ՄԻՋԱԶԳԱՅԻՆ
Թրամփի վարչակազմը Մերձավոր Արեւելքի իր ծրագրի առաջին փուլը կներկայացնի հունիսին

ԱՄՆ նախագահ Դոնալդ Թրամփի վարչակազմը Մերձավոր Արեւելքում խաղաղության ապահովման իր երկար սպասված ծրագրի առաջին փուլը հունիսին կներկայացնի տարածաշրջանային համաժողովում, որը կոչված է ընդգծելու տնտեսական օգուտները, որոնք կարող են ստացվել իսրայելա-պաղեստինյան հակամարտության կարգավորման դեպքում:

ԱՄՆ-ի Կոնգրեսը Թրամփից բացատրություն Է պահանջել Մերձավոր Արեւելքում զորք տեղաբաշխելու վերաբերյալ

AP-ն հայտնում է, որ ծրագիրը, որը մշակվում էր 2 տարի, նախատեսում է պաղեստինյան տարածքում խոշորածաված ներդրումային եւ ենթակառուցվածքային աշխատանքներ: Սակայն քաղաքական առանցքային տարրերը դեռեւս հայտնի չեն: Տնտեսական համաժողովը տեղի կունենա հունիսի 25-26-ը Բահրեյնում եւ նվիրված չի լինի հակամարտության ամենավիճելի հատվածներին՝ սահմաններին, Երուսաղեմի կարգավիճակին, պաղեստինցի փախստականներին եւ Իսրայելի անվտանգությանը:

Բահրեյնի հետ համատեղ հայտարարության մեջ Սպիտակ տունը հայտարարել է, որ համաժողովը կառավարությանը, քաղաքացիական եւ գործարար ղեկավարներին հնարավորություն կտա ստանալ տնտեսական ներդրումների աջակցություն, որոնք հնարավոր կլինեն խաղաղ համաձայնագրի դեպքում:

ԱՄՆ-ն ցանկանում է ապահովել Իսրայելի անվտանգությունը եւ պաղեստինցիների կենսապայմանների բարելավման տնտեսական հնարավորությունները: Վարչակազմը հուսով է, որ արաբական երկրները կօգնեն ֆինանսավորել տնտեսական խթանները, ինչպիսին են ենթակառուցվածքները եւ արդյունաբերական նախագծերը, որպեսզի պաղեստինցիներին ստիպեն մասնակցել այս ծրագրին:

 

КОМСОМОЛЬСКАЯ ПРАВДА