«Երեւանյան էտյուդներ»` Սպենդիարյանի 150-ամյակի շրջանակում

Ալեքսանդր Սպենդիարյանի տուն-թանգարանը կոմպոզիտորի 150-ամյակի շրջանակում կազմակերպում է «Երևանյան էտյուդներ» խորագրով լուսանկարչական մրցույթ: Կազմակերպիչների գնահատմամբ` մրցույթը երևանյան տեսարանները նորովի մեկնաբանելու առիթ է։

Երևանը տարիներ շարունակ եղել է ներշնչանքի աղբյուր շատ արվեստագետների համար: 1925 թվականին Սպենդիարյանը երևանյան տեսարաններով ներշնչված (Արարատով, Զանգվի ձորով)  գրեց իր «Երևանյան Էտյուդներ» սիմֆոնիկ ստեղծագործությունը, և այն նվիրեց առաջին սիմֆոնիկ նվագախմբին:

Նշենք, որ մրցույթին կարող են մասնակցել յուրաքանչյուր ոք՝ առանց տարիքային սահմանափակման: Յուրաքանչյուր մասնակից կարող է ներկայանալ առանձին լուսանկարներով կամ լուսանկարային շարքերով՝ նախապես նշելով շարքերը։ Յուրաքանչյուր շարք կդիտվի որպես մեկ լուսանկար։Մասնակիցը կարող է ներկայացնել մինչեւ 5 լուսանկար։·         Լուսանկարները պետք է արված լինեն Երևանում` վերջին 5 տարիների ընթացքում: Ներկայացվող լուսանկարները պետք է լինեն նվազագույնը 2 MB (լուսանկարի երկար կողմը՝  1024-2448 PIXEl): Ներկայացված լուսանկարներում բացառվում է Compart-ը։ Լուսանկարները կարող են լինել Ճարտարապետական կոթողներ ներկայացնող/ Architectural photography/ կամ փողոցային լուսանկարներ /Street photography/:

Ժյուրիի կողմից քվեարկության արդյունքում ընտրված լուսանկարները կմասնակցեն ցուցահանդեսին, 3 լուսանկար կարժանանան մրցանակների:·       Առավելություն կտրվեն Երեւանյան տրամադրություն փոխանցող լուսանկարներին: Լուսանկարներն անհրաժեշտ է ուղարկել  [email protected] էլեկտրոնային հասցեին՝ նամակի վերնագրում (subject) նշելով՝ «Երևանյան էտյուդներ»: Լուսանկարները պետք է ուղարկել փետրվարի 15-ից մինչեւ ապրիլի 1-ը: 

Հավելենք, որ ժյուրի կազմում են Մարինե Օթարյանը ( Ա․Սպենդիարյանի տուն-թանգարանի տնօրեն), Մելիք Բաղդասրայանը («Ֆոտոլուր» լրատվական գործակալության տնօրեն), Սամվել Սեւադան (գեղանկարիչ, լուսանկարիչ, բանաստեղծ), Զավեն Խաչիկյանը (լուսանկարիչ),  Արազ Արթինեանը (կինոռեժիսոր) (ԱՄՆ):

Այս թեմայով Կոչ եմ անում կանգնել Հայոց պետականության, բանակի եւ ժողովրդի կողքին. գնդապետի կոչը՝ ոստիկանության սպաներին Կապուտիկյան. ճառագող էներգիա «ՌՈՒՍԱՍՏԱՆԸ ՀԵՏԱՔՐՔՐՎԱԾ Է, ՈՐ ՀԱՅԱՍՏԱՆՈՒՄ ՏԱՐԱԼՈՒԾՄԱՆ ԳՈՐԾԸՆԹԱՑՆԵՐԸ ՀԵՏԱԳԱ ԶԱՐԳԱՑՈՒՄ ՉՍՏԱՆԱՆ» Հակառուսական հիստերիայի նպատակը 102-րդ ռազմաբազայից ռուսական զորքերին հանելն է. Ամարյան Այս տարի Երեւանի պատմության թանգարանը դառնում է 90 տարեկան