Հանկարծ ժողովրդի մեջքը հերթական անգամ չկոտրվի եւ հուսախաբ չլինեն. Արթուր Վարդանյան
Ներքաղաքական«Իրավունք»-ը զրուցել է «Համահայկական ազգային պետականություն» կուսակցության նախագահ ԱՐԹՈՒՐ ՎԱՐԴԱՆՅԱՆԻ հետ, ով Բագրատ սրբազանի առաջնորդությամբ դեպի Երեւան շարժվող երթի առաջամարտիկների շարքերում է: Նա ասաց, որ արդեն մեկ ամիս է, ինչ Կիրանցում էր` տավուշցիների կողքին, եւ կանգնած է այս շարժման ակունքներում:
— Ինչպե՞ս կգնահատեք երթի ընթացքը, ի՞նչ տրամադրություններ են տիրում մասնակիցների շարքերում:
— Բավականին դրական եմ գնահատում: Ժողովուրդը հույսով է լցված եւ հավատ կա առ այն, որ այստեղ ոչ մի տարակարծություն չպետք է լինի: Նպատակը մեկն է` փրկել հայրենիքը, ինչը միանշանակ ողջունելի է ամբողջ ժողովրդի կողմից: Բոլորը միայն այն կարծիքն են արտահայտում, որ հանկարծ ժողովրդի մեջքը հերթական անգամ չկոտրվի եւ հուսախաբ չլինեն: Միեւնույն ժամանակ հույս են հայտնում, որ նախկին հանրահավաքները ցրողներից ոչ մեկը չի գա եւ, կոպիտ ասած, վիժեցնի ժողովրդի ինքնաբուխ հավաքը:
ՀՐԱՆՏ ՍԱՐԱՖՅԱՆ
https://iravunk.com/sim/?p=282996&l=am/