Ո՞ւր են մեր Ղազանչեցոցն ու Ամարասը. Բագրատ Սրբազանը` Հաղարծնի վանքում

Միջազգային 5 Մայիս, 2024 1:02

Մեր օրերն այնպիսին են, որ մեր ինքնության զգացումը, մեր ապրումները, մեր հայրենիք ունենալու զգացումը, Աստված սիրելու մեր ամբողջ էությունը, փորձում են հավասարեցնել ամենապարզ, կենցաղային աստիճանի, ասել, որ դուք ո΄չ ազգ եք, ո΄չ ժողովուրդ եք: Այս մասին Հաղարծինի վանքում իր խոսքում ասել է Տավուշի թեմի առաջնորդ Բագրատ Սրբազանը:

«Հարգելի ժողովուրդ, մենք մեր վանքերը, եկեղեցիները ժառանգաբար ենք ստացել, չենք վաստակել, եւ երբ մենք մեր վարքագծով, կենցաղով, մեր հերոսությամբ կընթանանք առաջ, այն ժամանակ նաեւ վաստակած կլինենք: Տեսեք ո՞ւր է մեր Ամարասը, Գանձասարը, Ղազանչեցոցը, ուր են մեր մնացած բոլոր սրբարանները, ո՞ւր են, որտեղ են: Չկան, այնպես հեշտությամբ մենք թողել ենք ամեն ինչ, որ մեր հայրենական տունն է»,-ասում է նա:

Բագրատ Սրբազանը իրենց նախաձեռնած շարժումն անվանեց անմահության երթ, որով կվերադարձնեն ինքնությանն ու ճշմարտությանը:

«Մեզ համար այս ընթացքը ճշմարտության հաղթանակի մասին է, ուրիշ ձեւ չկա, ճշմարտությունը պետք է հաղթի մեր երկրում, սուտը, ստախոսությունը պետք է վերանա մեր կյանքի, որը դժբախտությունների, արհավիրքների ու աղետների պատճառ է»,-ասել է նա:

Նշենք, որ Հաղարծինի վանքում Սրբազանի գտնվելու ժամանակահատվածում դեպի վանք` իրենց զորակցությունը հայտնել շապող մարդկանց եւ մեքենաների հոսքը չէր դադարում:

https://iravunk.com/sim/?p=282698&l=am/