Արտերկիր փախած ռուսները վերադառնում են. Bloomberg.
ՄիջազգայինՀՌՕ-ի առաջին տարվա ընթացքում արտերկիր փախած ռուսները վերադառնում են, հայտնում է Bloomberg-ը:
ՀՌՕ-ի առաջին տարում մոտ մեկ միլիոն մարդ հեռացել է Ռուսաստանի Դաշնությունից արտասահման: Այժմ հազարավոր մարդիկ վերադառնում են տուն՝ բախվելով իրենց կեցության թույլտվությունը թարմացնելու մերժումներին, աշխատանքն ու գումարը արտասահման տեղափոխելու դժվարություններին և ընդհանուր առմամբ ոչ այնքան բարյացակամ վերաբերմունքին:
2022 թվականին մեկնածների մոտ 40-45%-ը վերադարձել է Ռուսաստան, ասել է Finion-ի ղեկավար Վյաչեսլավ Կարտամիշևը։
Պուտինը մարդկանց, ձեռնարկատերերի և բարձր որակավորում ունեցող մասնագետների վերադարձն անվանել է «լավ միտում»։ Նա ներհոսքը տեսնում է որպես իր քաղաքականությանը աջակցության նշան և որպես ապացույց, որ ռուսներն ունեն «պատկանելու զգացում, հասկանում են, թե ինչ է կատարվում»,- հայտնում է լրատվամիջոցը:
Bloomberg Economics-ը գնահատում է, որ հակադարձ միգրացիան հավանաբար կավելացնի Ռուսաստանի տարեկան տնտեսական աճը: