Ինչ է սպասվում հունվարի վերջին. դիվանագետը փակագծեր է բացում
ՆերքաղաքականՆիդերլանդների Թագավորությունում եւ Ինդոնեզիայիում ՀՀ նախկին դեսպան, դիվանագետ ՁՅՈՒՆԻԿ ԱՂԱՋԱՆՅԱՆԻ գնահատմամբ` Ադրբեջանն այսօր ավելի շատ է փորձելու, ռուս-իրանական, թուրքական նժարը խաղացնելով, դուրս գալ այն հանձնառություններից, որը ստանձնել է` գլոբալ ծրագրին մաս կազմելով:
—Ալիեւը շատ լավ հասկանում է` աշխարհաքաղաքական իրավիճակ է փոխվել եւ օր օրի ավելի է փոխվում: Ադրբեջանը հասկանում է, որ հունվարի վերջին, երբ համաձայնում են սահմանազատման հանձնաժողովի հանդիպմանը, ոչինչ չի լինելու: Իրենք փորձելու են դնել իրենց ուռճացված պայմանները, հայկական կողմը փորձելու է, այսպես ասած, կառուցողական դիրքերից հանդես գալ, եւ, բնականաբար, համաձայնություն չի լինելու: Իսկ Ադրբեջանին համաձայնություն պետք չէ: Ադրբեջանին այսօր փաստաթուղթ պետք չէ, Ադրբեջանին պետք է գործընթացները ձգել այնքան` մինչեւ աշխարհաքաղաքական իրավիճակը պարզաջրվի, հանձնառություններն էլ դուրս կգան արանքից: Պատահական չէ, որ Ալիեւը փետրվարի 7-ին է դրել ընտրությունները: Այնպես որ, հունվարի վերջին կանեն հանձնաժողովի նիստը, երկու երկրների ղեկավարների հանդիպում մինչեւ ընտրություններ չի լինի, ընտրություններից հետո եւս չի լինի:
https://iravunk.com/sim/?p=273693&l=am/