Նիկոլը առաջ քաշեց Հայաստանի վերջնական ու անվերադարձ կործանման ծրագիր

Վերլուծություն

Տարեսկզբյան իր ասուլիսով  իշխանությունը ապօրինի զավթած Նիկոլը  բացահայտեց իր հրեշավոր հակահայկական ծրագիրը, ըստ որի` նա  այս տարվա ընթացքում պատրաստվում է  ամբողջությամբ հրաժարվել Արցախից եւ  180 աստիճանով փոխել Հայաստանի աշխարհաքաղաքական դիրքորոշումը մեր երկիրը վերածելով թուրք-ադրբեջանական միութենական պետության կողմից վերահսկվող տարածք: Սրա արդյունքում  Հայաստանի Հանրապետությունը ոչ միայն կկորցնի Արցախը, այլեւ կունենա շատ ու շատ այլ տարածքային ու մարդկային կորուստներ: Ըստ էության, հարց է դրված Հայաստանի ապագա գոյության  վերաբերյալ: Իր  արեւմտամետ եւ թրքահաճո  ծրագրերով  Նիկոլը  վերացնում է Հայաստանի Հանրապետության տարածքային ամբողջականությունը, ինքնիշխանությունը եւ անկախության վերջին նշույլները: Նիկոլի հայտարարությունները ոչ միայն հակահայկական են, այլ նաեւ հակասահմանադրական:

Ակնհայտ է, որ Նիկոլի ամբողջ ասուլիսը, ըստ էության, իր արեւմտյան  տերերին եւ թուրք-ադրբեջանական գործընկերներին ուղղված խոստումների  շարան է, ըստ որի` Նիկոլը ոչ միայն եւս մեկ անգամ հաստատեց, որ պատրաստ է Արցախը  ճանաչել Ադրբեջանի տարածք, այլ նաեւ ստանձնել պարտավորություններ Ռուսաստանի եւ Իրանի դեմ գործելու ուղղությամբ: Նա պարտավորվեց նաեւ պրակտիկապես սառեցնել հարաբերությունները ՀԱՊԿ-ի հետ, իսկ հնարավորության  դեպքում նաեւ դուրս գալ ՀԱՊԿ-ի կազմից: Նիկոլը նաեւ ռուսական ռազմական ներկայությունը համարեց սպառնալիք  իր հարազատ Թուրքիային եւ Ադրբեջանին, այսինքն հող է նախապատրաստում ՌԴ 102-րդ բազան հանելու համար (այստեղ բացահայտվեց նաեւ իր եւ ԱԺԲ խմբավերման գործողությունների համակարգված լինելը): Իսկ Արցախում կանգնած ռուս խաղաղապահներին Նիկոլը խոստացավ  փոխարինել միջազգային խաղաղապահներով: Քանի որ Նիկոլի համար միջազգային հանրություն ասածը դա թուրք-արեւմտյան հանրությունն է, կարելի է ենթադրել, որ Նիկոլը  իր արեւմտյան տերերին  խոստացել է, որ ռուսների փոխարեն, որպես խաղաղապահ ուժեր  պետք է բերի  ՆԱՏՕ-ական` հիմնականում թուրք խաղաղապահներին:

Նիկոլի հակահայկական  գործունեությունը , որի արդյունքն է նաեւ Հայաստանի միակ  դաշնակից Ռուսաստանի հետ հարաբերությունների վատթարացումը, եղել է, կա եւ կլինի նրա հիմնական  ռազմավարական, քաղաքական ուղենիշը: Սակայն այս աստիճան բացահայտ կերպով  դա դրսեւորվեց  անցած տարվա վերջին  Նիկոլի մի շարք  արեւմտյան գործիչների հետ  եւ հատկապես Մեծ Բրիտանիայի արտաքին հետախուզության ղեկավար Ռիչարդ Մուրի հետ հանդիպումներից հետո: 

Ինչ վերաբերում է Արցախին, ապա տպավորություն է ստեղծվում, որ Նիկոլը խորապես ափսոսում է, որ 44-օրյա պատերազմի ընթացքում  չհասցրեց հանձնել Արցախը Ադրբեջանին ամբողջությամբ եւ վերջին պահին  Ռուսաստանը կանխեց  ադրբեջանցիների մուտքը Ստեփանակերտ: Այդ իսկ պատճառով Նիկոլը այսօր հայտարարում է, թե որեւէ պատասխանատվություն չի կրում Արցախի համար, իսկ քանի որ ռուսները փրկել են Արցախի հայկական մնացած մասը, ապա թող ռուսներն էլ այսօր կրեն պատասխանատվություն  Արցախի ապագայի համար: Առավել դավաճանական դիրքորոշում  հայ ժողովուրդը չի լսել ու չի տեսել ոչ միայն իր նորագույն` վերջին 30 տարիների պատմության ընթացքում, այլ ընդհանրապես իր  բազմահազարամյա  պատմության մեջ:

Եթե Նիկոլի  գարշելի ծրագրերը դառնան իրականություն, ապա  Հայաստանի Հանրապետությունը եւ հայ ժողովուրդը մոտակա երկու տարիների ընթացքում կրկին կանցնեն դժոխքի շրջաններով, իսկ  արդյունքում Հայաստանից կմնա  ինչ-որ մի հողակտոր եւ այդ հողակտորի վրա բնակվող հայ ժողովրդի բեկորները  այլեւս չեն կարողանալու  վերականգնել  իրենց պետականությունը:

Հայ ժողովրդի ներկա փուլում միակ  փրկությունը  Նիկոլից օր առաջ ազատվելն է եւ Ռուսաստանի հետ Միութենական պետության մեջ մտնելն է, ինչից այդքան  սարսափում է Նիկոլը, քանի որ վերջինիս առաջ դրված նպատակը Հայաստանի եւ հայ ժողովրդի վերջնական եւ անվերադարձ կործանումն է:

Հայկ Բաբուխանյան

ՍԻՄ կուսակցության նախագահ, «Ուժեղ Հայաստանը Ռուսաստանի հետ. հանուն նոր Միության» Շարժման  գործկոմի անդամ

https://iravunk.com/sim/?p=245919&l=am/
«Դուք որպես ժայռաբեկոր կանգնած եք այդ ճանապարհին, որպեսզի թույլ չտաք սրիկային, սատանայական ուժերին քանդել այն» Խստիվ դատապարտում ենք ապօրինի վարչախմբի վարքագիծը Սվինների վրա հիմնված ոստիկանապետությունը շուտով փլվելու է ՍԻՄ կուսակցության հայտարարությունը երկրում ստեղծված իրավիճակի վերաբերյալ ՍԻՄ նախագահը ընդունեց ՀՀ-ում Բելառուսի դեսպանատան խորհրդականին Հայկ Բաբուխանյան «ֆեմինիզմը, դա քայքայիչ աղանդ է...» Ուր կհասնի հրաժարականների շարքը․ Հաֵյկ Բաբուխանյան Համահայկական գրողների միությունը և «Հայրենիքի Ձայն» թերթի խմբագրակազմը ցավակցում են Հովհաննես Գալաջյանի ընտանիքի անդամներին և մտերիմներին ՀԳՄ նախագահը ցավակցություն է հայտնել Հովհաննես Գալաջյանի մահվան կապակցությամբ ՀԹԳՄ նախագահը ցավակցություն է հայտնել Հովհաննես Գալաջյանի մահվան կապակցությամբ Մահացել է«ԻՐԱՎՈՒՆՔ» թերթի գլխավոր խմբագիրը Խորհրդային Միության փլուզումից հետո մենք անընդհատ կորցնում ենք .Հայկ Բաբուխանյան Ինչ է տեղի ունեցել դեկտեմբերի 20-ին Մոսկվայում կայացած խորհրդաժողովին Ինչ են ծրագրել Նիկոլն ու Ալիեւը․ Հայկ Բաբուխանյան Միջազգային մրցույթ-փառատոնին վարպետ Մնոն կներկայացնի քարակերտ «Հայոց այբուբենը» Власти Армении и Арцаха осознанно сделали так, чтобы арцахцы ушли - Айк Бабуханян Ահա պատճառը, թե ինչու է Նիկոլը սրում հարաբերություններն Աբխազիայի հետ. Հայկ Բաբուխանյան Դրեք ձեր մանդատներն ու դուրս եկեք, ամո՛թ է․ Հայկ Բաբուխանյան Айк Бабуханян: В Армении есть политические лидеры готовые отстаивать армяно — российские отношения и дружбу Հայկ Բաբուխանյանը ընդունեց հայտնի ռուս լրագրող Դարյա Ասլամովային ՍԻՄ նախագահը հանդիպեց Հայաստանի վետերանների միավորման հետ Քննարկվեց երկու Շարժումների համագործակցության հարցը Շարժման կողմից բազմիցս արված նախազգուշացումները սպասվող արհավիրքի մասին, ինչպես նաեւ դրանից խուսափելու մասին մեր նշված ճանապարհները անտեսվեցին Այսօր Հայաստանը դարձել է Արեւմուտքի զոհը. Բաբուխանյանի ելույթը Յալթայի միջազգային ֆորումին Մոսկվայում մեկնարկեց Յալթայի միջազգային ֆորումը