ԱՅՍՕՐ, ԱՊՐԻԼԻ 21-Ը, ՄԵԾ ՀԱՅ, ՊԵՏԱԿԱՆ - ՀԱՍԱՐԱԿԱԿԱՆ - ՔԱՂԱՔԱԿԱՆ ԱԿԱՆԱՎՈՐ ԳՈՐԾԻՉ ՀՈՎՀԱՆՆԵՍ ԲԱՂԴԱՍԱՐՅԱՆԻ ԾՆՆԴՅԱՆ ՕՐՆ Է
Այսօր, ապրիլի 21-ը, մեծ հայ, պետական - հասարակական - քաղաքական ականավոր գործիչ, հայ ժուռնալիստիկայի երախտավոր, լեզվաբան, պատմաբան, հրապարակախոս, լրագրող ՀՈՎՀԱՆՆԵՍ ՄՆԱՑԱԿԱՆԻ ԲԱՂԴԱՍԱՐՅԱՆԻ /ՄԻՆԱՅԻՉ /ծննդյան օրն է, 110-ամյակն է լրանում։ Տարիներ շարունակ եղել է «Սովետական Հայաստան» թերթի գլխավոր խմբագիրը ։Եղել է ՀԿԿ Կենտկոմի երկրորդ քարտուղար, ՀԽՍՀ Մշակույթի նախարար, Տերմինաբանական պետական կոմիտեի նախագահ։ Զբաղվել է նաև մանկավարժական գործունեությամբ։ Ժուռնալիստիկա է դասավանդել Լենինականի /Գյումրի /Մանկավարժական ինստիտուտում և Երևանի պետական համալսարանում։ «Ժուռնալիստիկան, ժուռնալիստը և ժամանակը» գրքից զատ, գրել է մի շարք մենագրություններ։ Հովհաննես Բաղդասարյանը շատ նվիրված էր իր ծննդավայր Շիրակի մարզի Հայրենյաց գյուղին։ Հարկ է նշել, որ Բաղդասարյանի անմիջական ջանքերի շնորհիվ է կառուցվել Եղեռնի զոհերին նվիրված Ծիծեռնակաբերդի հուշահամալիրը, Երևանի Երիտասարդական պալատը։ Երևանը և ամբողջ Հայաստանը գազաֆիկացվել է ու ջրագիծ անցկացվել հենց Բաղդասարյանի անմիջական ջանքերի շնորհիվ։ Իսկ ժողովի ժամանակ, երբ Խրյուշչովի հետ որոշել ինչ անել Հայաստանի համար, Բաղդասարյանը ասել է Արցախը միացնել Հայաստանին, ափսոս մյուս անդամները չեն համաձայնվել և Սևանի թունելի հարցն են բարձրացրել։ Բաղդասարյանը շատ հայրենասեր, երկրին նվիրված հիանալի անձնավորություն էր։ Եթե հիմա նրա նման ղեկավար ունենար Հայաստանը, ապա այս օրին չէինք լինի ու ամեն ինչ շատ լավ կլիներ։ Բաղդասարյանը դուստրը Անահիտ Բաղդասարյանը խազագետ է, դասավանդում է Կոմիտասի անվան պետական կոնսերվատորիայում, ՀՀ ԳԱԱ Արվեստի ինստիտուտի գիտաշխատող է։ Բաղդասարյանը ունեցել է նաև որդիներ Էռնեստը և Էդուարդը։ Հովհաննես Մինայիչը, բոլորը նրան այդպես էին դիմում շատ հումորով մարդ էր, բոլորին հասնող, շատ կամեցող ։Ցավոք, Երևանում չկա որևէ փողոց կամ հուշատախտակ նվիրված մեծ հային։ Երկրային կյանքից հեռացել է 1995 թվականի սեպտեմբերի 18-ին, Երևանում, հուղարկավորվել Թոխմախի գերեզմանատանը ։Մեծ հայի պայծառ հիշատակը, միշտ վառ է հարազատների, սաների, ընկերների, նրան ճանաչողների սրտերում ։
Պատրաստեց ՀՈՎՀԱՆՆԵՍ ՍԱՐԳՍՅԱՆԸ