Իրանը մերժել է Զարիֆի հետ հանդիպման Թրամփի հրավերը

Իրանի արտգործնախարար Մոհամադ Ջավադ Զարիֆը հուլիսին ԱՄՆ նախագահ Դոնալդ Թրամփի հետ հանդիպման հրավեր է ստացել, գրում է The New Yorker-ը՝ վկայակոչելով իր աղբյուրները:

Ինչպես նշում է հրատարակությունը, հրավերը Զարիֆին է փոխանցել ամերիկացի կոնգրեսական Ռենդ Փոլը՝ իրանցի նախարարի հետ հանդիպման ժամանակ:

Նշվում է, որ դրանից հետո Զարիֆը առաջարկը փոխանցել է իրանական իշխանություններին, որոնք «այս անգամ հավանություն չեն տվել հանդիպմանը»:

Հիշեցնենք, որ ավելի վաղ Վաշինգտոնը պատժամիջոցներ էր սահմանել Իրանի արտգործնախարար Մոհամադ Ջավադ Զարիֆի նկատմամբ՝ սառեցնելով ԱՄՆ-ում նրա ակտիվներն ու  արգելելով Միացյալ Նահանգների քաղաքացիներին և ամերիկյան ընկերություններին նրա ներգրավմամբ բիզնես վարել: Ամերիկյան կողմը հայտարարել էր, որ Ջավադ Զարիֆին երկխոսության առումով այլևս առաջնային պաշտոնյա չի համարում:

Նախարարն իր հերթին հայտարարել էր, որ Իրանից դուրս որևէ այլ երկրում ակտիվներ չունի, հետևաբար չի տուժի պատժամիջոցներից: Նա դրանց սահմանման պատճառն իր՝ աշխարհում Իրանի հիմնական ներկայացուցիչը լինելու փաստն էր համարել:

Այս թեմայով Քելլոգը հաստատել է Ռուբիոյի և Թրամփի խոսքերը` ուկրաինական բանակցություններից ԱՄՆ-ի դուրս գալու մասին (Տեսանյութ) Թրամփի դեմ նոր զանգվածային բողոքի ցույցեր են տեղի ունեցել Նյու Յորքում և Վաշինգտոնում (Ֆոտո) ԱՄՆ-ը և Իրանը պայմանավորվել են անցնել բանակցությունների հաջորդ փուլ Իրանը միջուկային զենքի մասին Թրամփի հայտարարության պահին լրագրողն ուշագնաց է եղել (Տեսանյութ) Թրամփի ներկայացուցիչները Փարիզի բանակցություններում նվաստացրել են Մակրոնին․ քաղաքագետ