Վրաստանում կատարվածը ՀՀ-ում և Ուկրաինայում տեղի ունեցածի շարունակությունն էր. Սաակաշվիլի

Վրաստանի նախկին նախագահ, Օդեսայի նախկին նահանգապետ Միխայիլ Սաակաշվիլին գերմանական Deutsche Welle-ին տված հարցազրույցում հայտարարել է, որ այն, ինչ տեղի է ունենում Վրաստանում՝ շարունակությունն է այն ամենի, ինչ սկզբում տեղի ունեցավ Հայաստանում, այնուհետ Ուկրաինայում։ 

Նա հայտարարել է, որ այս բոլոր երկրներում հասարակությունը չի ցանկանում ապրել առանց հնարավորությունների ու հեռանկարի բացակայության, տնտեսական ճգնաժամի ու օլիգարխիկ համակարգի ներքո:

«Մարդկանց աշխատունակ մի մասը լքում է այդ երկրները, և ահա, մարդիկ ամեն տեղ ոտքի են կանգնում՝ որտեղ ընտրությունների միջոցով, որտեղ էլ ընտրությունները չեն գործում, իսկ Վրաստանում ընտրությունները չեն աշխատում, նրանք օգտագործում են ցանկացած այլ պատճառ ու իրավիճակ, որպեսզի արտահայտեն իրավիճակի մասին իրենց դժգոհությունը»,- ասել է նա:

Սաակաշվիլին նաև հայտարարել է, որ բողոքի ակցիայի մասնակիցների կողմից որևէ բռնություն չի եղել, և ոստիկանների շրջանում որևէ տուժած չկա, իսկ ցուցարարների ու ԶԼՄ ներկայացուցիչների շրջանում մի շարք տուժածներ են եղել, ինչը վկայում է այն մասին, որ ոստիկանությունն «ամբողջ գիշեր որսի է դուրս եկել»:

Այս թեմայով Հռոմի պապ Ֆրանցիսկոսի մահից հետո կարդինալների առաջին հանդիպումը տեղի կունենա ապրիլի 22-ին Թրամփի դեմ նոր զանգվածային բողոքի ցույցեր են տեղի ունեցել Նյու Յորքում և Վաշինգտոնում (Ֆոտո) Երուսաղեմի Սուրբ գերեզմանի եկեղեցում տեղի է ունեցել Սուրբ կրակի ամենամյա վայրէջքը (Տեսանյութ) ԱՄՆ-ն ակնկալում է «զգալի առաջընթաց» Ուկրաինայում խաղաղության հարցում․ Bloomberg Վրաստանի վարչապետը բացահայտել է` 2008 թվականին ով է սկսել պատերազմը Հարավային Օսիայի հետ