Լրագրողի սպանությունն իրականացվել է թագաժառանգ արքայազնի պատվերով. ԱՄՆ

ԱՄՆ-ի կենտրոնական հետախուզության վարչությունը կարծում է, որ լրագրող Ջամալ Խաշագջիի սպանությունն իրականացվել է թագաժառանգ արքայազն Մոհամմեդի պատվերով։ Այդ մասին գրել է The Washington Post-ը։

Այս հայտարարությունը հակասում է Սաուդյան Արաբիայի գլխավոր դատախազության եզրակացությանը, որտեղ պնդվում էր, որ արքայազն առնչություն չունի կատարված հանցագործությանը։

Նշվում է, որ ԱՄՆ-ի  ԿՀՎ-ի դիրքորոշումը հիմնված է նրա վրա, որ արքայազնը դիտարկվում է որպես կառավարիչ, ով վերահսկում է երկրում տեղի ունեցող իրադարձությունները։

Ընդունված դիրքորոշումն այն է, որ սպանությունը տեղի չէր ունենա առանց նրա իմացության կամ ուղղակի մասնակցության, - ասել է պարբերականի աղբյուրը։

Հաղորդվում է, որ ԿՀՎ-ի մամուլի քարտուղարը հրաժարվել է որեւէ մեկնաբանությունից, իսկ Վաշինգտոնում Սաուդյան Արաբիայի դեսպանատան մամուլի ծառայությունը մեղադրանքներն անհիմն է որակել։

Հիշեցնենք, որ լրագրող Ջամալ Խաշագջին՝  The Washington Post-ի մեկնաբանը, կորել է հոկտեմբերի 2-ին՝ Ստամբուլում Սաուդյան Արաբիայի հյուպատոսարան այցելելուց հետո։

Այս թեմայով Փենսիլվանիայի նահանգապետի և նրա ընտանիքի դեմ մահափորձ է իրականացվել Իրանը Լիբիան կամ Իրաքը չէ, Իրանը պատրաստ է ցանկացած հարվածի․ Խայալ Մուազզինը ԱՄՆ-Իրան հնարավոր բախման մասին Կանխամտածված սպանությո՞ւն, թե՞ ինքնապաշտպանություն.Բացառիկ մանրամասներ Էջմիածնի արյունոտ միջադեպից Անդրանիկ Քոչարյանի պահվածքը լրագրողի նկատմամբ շատ տգեղ և շատ վատ եմ գնահատում. ՔՊ-ական պատգամավոր Պարոն Քոչարյանը ցանկալի է հրապարակային ներողություն խնդրի. Հայտնի փաստաբանը հայտարարությամբ է հանդես եկել