Բացառիկ համերգ Երեւանում` նվիրված է Հայաստանի եւ Էստոնիայի Հանրապետությունների 100-ամյա հոբելյանին

Հունիսի 11-ին   տեղի կունենա Երեւանյան Հեռանկարներ միջազգային փառատոնի 19-րդ համերգաշրջանի բացումը: 
Երեւանում առաջին անգամ հանդես կգա Գրեմմի մրցանակի արժանացած Էստոնիայի ազգային սիմֆոնիկ նվագախումբը
Բացառիկ համերգ Երեւանում` նվիրված է Հայաստանի եւ Էստոնիայի Հանրապետությունների 100-ամյա հոբելյանին:
Համերգը ղեկավարելու համար Ամերիկայից Երեւան է ժամանելու աշխարհի ականովոր երաժիշտ՝ ծագումով էստոնացի ամերիկացի լեգենդար դիրիժոր՝ Նեեմե Յարվին: 92 տարվա պատմություն ունեցող նվագախումբը շրջագայել է գրեթե բոլոր աշխարհամասերում, աշխատել դարի ականավոր դիրիժորների եւ մենակատարների հետ, թողարկել նշանակալից ձայներիզներ` համագործակցությամբ ամենահայտնի ընկերությունների հետ: Նվագախմբի «տունը» Տալինի «Էստոնիա» համերգասրահն է: Խմբի նվագացանկը ընդգրկում է բարոկ եւ դասական երաժշտությունից մինչեւ ժամանակակից կոմպոզիտորներ: 
Նեեմե Յարվին դիրիժորական դինաստիայի նախահայր է, 2010թ.-ից Էստոնիայի ազգային ֆիլհարմոնիկ նվագախմբի գեղարվեստական ղեկավարն է եւ գլխավոր դիրիժորը, իսկ 2017-ին արժանացել է «Պատվավոր գեղարվեստական ղեկավար» կոչմանը։ Մաեստրո Յարվին ղեկավարել է Էստոնիայի ազգային օպերան, Գոթենբուրգի սիմֆոնիկ նվագախումբը, Թագավորական շոտլանդական ազգային նվագախումբը, Դեթրոյթի սիմֆոնիկ նվագախումբը, Նյու Ջերսիի սիմֆոնիկը, Ռոմանական Շվեցարիայի նվագախումբը այլ հեղինակավոր նվագախմբերի շարքում: Նեեմի Յարվին թողարկել է դասական երաժշտության համաշխարհային գանձարանը համալրած 600 ձայնագրություն: 
Դարի ականավոր դիրիժորներից մեկի` Նեեմե Յարվիիի հետ հադիպումը Հայաստանում սպասված է եղել տասնամյակներ:
Համերգի մենակատարը տաղանդավոր էստոնացի դաշնակահար Միհկել Պոլլն է: Արվեստի դոկտորի կոչում ունեցող երաժիշտը ելույթներ է ունեցել հայտնի նվագախմբերի եւ դիրիժորների հետ: Նա նաև հանդես է եկել մենահամերգներով` ամենահեղինակավոր համերգասրահներում: Ստացել է մի շարք միջազգային երաժշտական մրցույթների առաջին մրցանակները` Իտալիայում, Էստոնիայում եւ Իսպանիայում: 
Էստոնիայի ազգային սիմֆոնիկ նվագախմբի իրադարձային այցը Հայաստան եւ համերգը նվիրվում է Էստոնիայի եւ Հայաստանի Հանրապետությունների 100-ամյա հոբելյանին:

Այս թեմայով Ողբերգական դեպք՝ Երևանում. հիվանդանոց է տեղափոխվել 16-ամյա մահացած տղա, կան վիրավորներ Դուք ընդամենն իշխանական պրոպագանդիստ եք. Լիլիթ Գալստյան Տիգրան Ավինյանի հոր անունո՞վ են սակուրայի տնկիները ներկրվել Հայաստան. քաղաքապետը չցանկացավ մեկնաբանել Ոչինչ հավերժ չէ․․․ միշտ գալիս է հատուցման պահը. Լիլիթ Գալստյան Վրաստանից կրած պարտությունից հետո, Հայաստանում թեթեւ սուգ էր. Տիկնիզյան