Էստոնիան «Եվրատեսիլում» կարող է ներկայացնել հայազգի մասնակից (Տեսանյութ)

Պարզվում է` Էստոնիայում եւս եվրատեսիլյան աժիոտաժի մեջ են, նրանք եւս «Եվրատեսիլ 2018»-ի իրենց մասնակցին ընտրելու են «Դեպի Եվրատեսիլ» մրցույթի միջոցով` միջազգային ժյուրիի եւ հեռուստադիտողների քվեարկությամբ: Իսկ այս պահին կիսաեզրափակիչ փուլ անցած ընդամենը 20 մասնակցից ընտրվել են 10 լավագույնը եւ կպայքարեն, որպեսզի նրանցից մեկը հայտնվի Լիսաբոնում կայանալիք «Եվրատեսիլ 2018»-ի բեմում: Այս ամենը հատկապես ուշագրավ է մեզ համար, որովհետեւ էստոնական «Դեպի Եվրատեսիլ» մրցույթի լավագույն տասնյակում է մեր հայրենակից Ստեֆան Հայրապետյանը, ով Էստոնիայում առավել հայտնի է ՍՏԵՖԱՆ ՋԵՆ բեմական անունով: «Իրավունքն» առիթ ունեցավ կապ հաստատելու եւ բացառիկ զրույց ունենալու նրա հետ:

- Ստեֆան, ինչո՞ւ որոշեցիք հենց Էստոնիայի դրոշի ներքո հանդես գալ «Եվրատեսիլում»:

- Էստոնիայում եմ ծնվել ու արդեն 20 տարի է այստեղ եմ ապրում, բայց ամեն ամառ Հայաստան եմ գալիս: Եթե ես ներկայացնեմ Էստոնիան «Եվրատեսիլում», ուրախ կլինեմ ու հայերի պատիվն այստեղ բարձր կպահեմ:

- Կպատմե՞ք Ձեր ստեղծագործական խմբի մասին:

- Ես ու իմ լավ ընկերը` Հանս Նոորմեթսը, իրար հետ ստեղծել ենք «Vaje» խումբը, արդեն ունենք շատ նոր երգեր, որոնց շրջանակում համագործակցել ենք Դանիայի, ԱՄՆ-ի, Հոլանդիայի, Ավստրալիայի, Անգլիայի նույնիսկ Քենիայի պրոդյուսերների ու երգիչների հետ:

- Անդրադառնանք Ձեր եվրատեսիլյան ելույթին. ի՞նչ շոու եք նախապատրաստել:

- Ներկայացնում ենք «Լաուրա, քայլիր ինձ հետ» երգը: Իսկ շոուն արդեն մեր խորեգրաֆ` Էգերթ-Շորեն Նոմմը, մտածում է, թե ինչ կարող ենք անել մեծ բեմի վրա:

- Իսկ հետեւե՞լ եք հայաստանյան «Դեպի Եվրատեսիլ» մրցույթին եւ ո՞ւմ էիք համարում Ձեզ մրցակից:

- Ցավոք, ժամանակ չի եղել հայաստանյան մասնակիցների երգերը լսելու, նրանցից ոչ մեկի երգը չգիտեմ, բայց Էստոնիայի լավագույն տասնյակում կան մի քանի լավ երգեր, որոնցից մեկն, ըստ իս, մերն է, մյուսը` Էլինա Նեչայեւայի «La forza» երգը:

- Ամեն դեպքում, Հայաստանը ներկայացնող մասնակցին կհամարե՞ք Ձեզ մրցակից, թե` ոչ:

- Ինձ համար «Եվրատեսիլը» մրցակցություն չէ, այն ավելի շատ համարում եմ մեծ համերգ, որտեղ դու ունես հնարավորություն քեզ ցույց տալ:

- «Եվրատեսիլը» հաճախ են քննադատում` ասելով, որ այն քաղաքականացված է, արժեզրկված է, ծախված է: Դուք ինչպե՞ս եք վերաբերում այս մրցույթին:

- «Եվրատեսիլում» երբեք չգիտես, թե այս անգամ ինչ կարող է լինել: Ուրեմն` պետք է շատ լավ երգես, որ ոչ ոք չկարողանա քննադատել:

ՀՐԱՆՏ ՍԱՐԱՖՅԱՆ

Այս թեմայով Դուք ընդամենն իշխանական պրոպագանդիստ եք. Լիլիթ Գալստյան Տիգրան Ավինյանի հոր անունո՞վ են սակուրայի տնկիները ներկրվել Հայաստան. քաղաքապետը չցանկացավ մեկնաբանել «Փաստ». Ի՞նչ մեսիջներ է հղում Մոսկվան դեպի ԵՄ ձգտող ՀՀ իշխանություններին Ոչինչ հավերժ չէ․․․ միշտ գալիս է հատուցման պահը. Լիլիթ Գալստյան Վրաստանից կրած պարտությունից հետո, Հայաստանում թեթեւ սուգ էր. Տիկնիզյան