Զարիֆի ձիով քայլը

Իրանագետ ԱՀԱՐՈՆ ՎԱՐԴԱՆՅԱՆԻ խոսքով`Իրանի դեմ կազմակերպված վերջին ահաբեկչական գործողությունների հիմնական նպատակներից մեկն էլ Իրանի զսպման փորձն էր.«Տարածաշրջանային եւ արտատարածաշրջանային ուժերը հասկացել էին, որ Իրանը, դանդաղ, բայց հաստատուն ու հարաճուն կերպով իր ներկայությունն ու ազդեցությունն է ապահովում  տարածաշրջանի գրեթե բոլոր երկրներում՝ Թուրքիայից մինչեւ Հինդոս, Ճորա Պահակից մինչեւ Աֆրիկա ընկած տարածքններում»,-ասում է իրանագետը եւ ընդգծում, որ Իրանը տարբեր ձեւաչափերով «ներկա» է Սիրիայում, Իրաքում, Լիբանանում, Թուրքիայում, Աֆղանստանում, Պակիստանում, Տաջիկստանում, Ադրբեջանական Հանրապետությունում եւ Պարսիծ ծոցի արաբական միապետություններում։

«Այն, որ Իրանը տարածաշրջանային գերտերություն է, երեւի թե հասկանում են բոլորը,  վերջին ահաբեկչական գործողությունները միտված էին հենց այդ օբյեկտիվ իրականության փոխելուն։ Սակայն այն, որ Իրանը փորձում է իր ներկայությունը ապահովել Հին Աշխարհամասում, հավանաբար անակնկալ է բոլորի համար, մանավանդ այնպիսի մի ժամանակահատվածում, երբ, ըստ Արեւմտյան վելուծաբանների, «Իրանի համար ծանր օրեր են»։ Այսպես, ԻԻՀ ԱԳ նախարար Մ․Ջ․ Զարիֆը, Օսլոյում հանդիպելով Բոսնիայի եւ Հերցեգովինայի ԱԳ նախարար Ի․ Ցրնադակի հետ, կարեւորել է Իրանի եւ Բոսնիայի, մեղմ ասած, շատ ջերմ եւ բարիդրացիական հարաբերությունները՝ ընդգծելով, որ Իրանը պատրաստ է համագործակցել Բոսնիայի հետ՝ վերջինիս անվտանգությունը եւ կայունությունը ապահովելու եւ պաշտպանելու համար»,-շեշտում է Ահարոն Վարդանյանը։

Ըստ նրա, եթե ստացվի այնպես, որ Բոսնիան էլ իր պատրաստակամությունը հայտնի եւ համաձայնվի ընդունել Իրանի կողմից մեկնված անվտանգություն եւ կայություն երաշխավորող ձեռքը, ապա Իրանի կողմից հետաքրքիր խաղարկված պարտիա կլինի․«Այն պահին, երբ Արեւմուտքն իր տրամադրության տակ գտնվող տարածաշրջանային զինվորների խաղարկմամբ փորձում է Իրանին պատային վիճակ հայտարարել, Իրանը, բոլորի համար անսպասելի, ձիով քայլ է կատարում՝ շախ հայտարարելով Արեւուտքին: Եվ եթե փորձենք շախմատային իրավիճակից անցում կատարել համերգայինի, ապա Իրանը, փաստորեն իր ձեռքն է փորձում վերցնել Մերձավորարեւելյան գործընթացների դիրիժորությունը, եւ հայտարարում «մենահամերգ Եվրոպայում» ծրագրի մեկնարկը»։

Այս թեմայով Հեր­թը ­Չա­լո­յին կհաս­նի. ԸՆԿԵՐ ՓԱՆՋՈՒՆԻ Արմեն Սարգսյանը 2020-ի պատերшզմից հետո Զարիֆի միջոցով ուղերձ է փոխանցել Ալիևին. «Ազգ» Վարդան Ղուկասյանին կտանք անհրաժեշտ քանակությամբ քվե՝ առանց որևէ պաշտոնի, ակնկալիքի և որևէ պայմանավորվածության. Մարտուն Գրիգորյան Փաշինյանը սպառել է իրեն թե՛ բարոյապես, թե՛ ֆիզիկապես, թե՛ հոգեպես, վստահ եմ՝ հաջորդ քայլը կալանավորման միջնորդություն ներկայացնելն է լինելու․ Հովիկ Աղազարյան Տաջիկստանի ԱԳՆ նախկին ղեկավարը հեղաշրջման փորձի համար 27 տարվա ազատազրկման է դատապարտվել