Ունենք մոտ 50 չարացած և ագրեսիվ հայրենակից, ովքեր մեզանում դեռևս շատ բարձր են պահում տգիտության պատիվը. Աննա Հակոբյան

Նիկոլ Փաշինյանի կինը կարծում է, թե «Կրթվելը նորաձեւ է» շարժումը եւ այն գաղափարը, որ դրված է շարժման հիմքում, հազարավոր մարդկանց շրջանում մեծ ըմբռնում եւ աջակցություն է վայելում։

Գաղափարը, ըստ նրա, մեկն է՝ բոլորս պետք է մշտապես կասկածենք մեր իմացածին եւ պետք է մշտապես կրթվենք։

«Մենք ունենք, սակայն, մոտ 50 չարացած եւ ագրեսիվ հայրենակից, ովքեր մեզանում դեռեւս շատ բարձր են պահում տգիտության պատիվը։

Ինչպե՞ս։ Շատ հեշտ։

Դրա համար մեծ ջանք պետք չի։ Ընդամենը՝ ասում ես ինչ խելքիդ փչի։ Մեկնաբանում ես՝ ինչպես խելքիդ փչի։ Հանրային խոսքիդ սահմաններն անցնում ես ինչքան խելքիդ փչի։

Եւ որ ամենակարեւորն է՝ փաստերի եւ իրականության հետ հարաբերություններում հասնում ես նախանձելի իդիլիայի, որովհետեւ աչքդ չի տեսնում, ականջդ չի լսում, եւ դու մենակ ես մնում սեփական՝ իդիլիական տգիտության հետ։

50-100 հոգի կարող են սա իրենց թույլ տալ։

Մենք՝ մնացած բոլորս, պետք է կրթվենք։ Պետք է կրթվենք ավելի գրագետ, ավելի բարի, ավելի հմուտ, ավելի պրոֆեսիոնալ, ավելի բարեկեցիկ եւ ավելի երջանիկ դառնալու համար»,- Facebook-ում գրել է Հակոբյանը։

Այս թեմայով «Հրապարակ». Աննա Հակոբյանն ազդում է պաշտոնյաների նյարդերի վրա Թրամփ. Մենք գործարք ունենք Ռուսաստանի, իսկ Զելենսկու հետ դժվար է. «նախագահի համբերության բաժակը լցվել է» Քեզ պետք են դրանց նմանները. Ում է Աննա Հակոբյանը «փուռը» տվել ՈՎՔԵՐ ԵՆ ՊԱՊԱԿԱՆ ԳԱՀԻ ՀԻՄՆԱԿԱՆ ՀԱՎԱԿՆՈՐԴՆԵՐԸ «Հրապարակ»․ Աննա Հակոբյանին հրավիրել են ԳԱԱ. ախրանան նախօրոք դեսանտ է իջել